完整藏文原文 · 德格版页 当前仅加载第 83 函德格 327a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལ་གཉིས་དག་གིས་ལྷག་པའི་བཅུ་སོ་སོར་བསྟན་པ་ལ། ཡན་ལག་ཅེས་པ་འདི་དག་གི་ཆ་ཤས་ཀྱི་ཁྱད་པར་རོ། །དཔེར་ན་ཨཾ་ག་དང་བཾ་གའི་དངོས་པོ་བཞིན་ནོ། །ཁྱད་པར་གསུམ་ཞེས་པ་ཡན་ལག་གི་ཁྱད་པར་ཏེ། ལུས་དང་། ངག་དང་། ཡིད་
D478.083.0327a01.01སྦྱོར་བས་ཐུབ་པ་སྟེ། ཐུབ་པ་དེས་བསྟན་ཅིང་གསུངས་པའོ། །རབ་གྲགས་པ་ཞེས་པ་ནི་རྣམ་གྲངས་སོ། །དེ་རྣམས་ཀྱང་གཙོ་བོ་དང་། རང་བཞིན་དང་། དབང་ཕྱུག་ཏུ་ངེས་པ་དང་། ཕྱོགས་སྐྱོང་བ་དང་། ངོ་བོ་ཉིད་ལ་སོགས་པ་མ་ཡིན་གྱི། གང་ཞིག་ཡན་ལག་བཅུ་གཉིས་
D478.083.0327a02.01ཀྱི་ཁྱད་པར་རོ། །དེ་ལྟ་མོད་ཀྱི་ཉོན་མོངས་པ་རྣམས་ལ། ལས་དང་སྡུག་བསྔལ་རྣམས་སུ་སྟེ། ཕན་ཚུན་བརྟེན་པ་དབྱུག་གུ་གསུམ་གྱི་ཚུལ་གྱིས་གསུམ་རྣམས་སུ་ཇི་སྲིད་དུ་འདུས་ནས་འགྲོ་སྟེ། དཔེར་ན་ཆུ་བཞིན་ནོ། །སླར་ཡང་ཉོན་མོངས་པ་རྣམས་དང་། ལས་རྣམས་
D478.083.0327a03.01དང་། སྡུག་བསྔལ་ཏེ་དེ་རྣམས་ཇི་ལྟ་བ་བཞིན་དུ་འདི་གསུམ་བསྡུས་ནས་ཇི་ལྟར་འགྲོ་ཞེ་ན། བརྗོད་པར་བྱ་སྟེ། དང་པོ་བརྒྱད་པ་དགུ་ཉོན་མོངས། ཞེས་པ་སྟེ། ཡན་ལག་བཅུ་གཉིས་པོ་འདི་རྣམས་ཀྱི་ཁྱད་པར་གྱི་ནང་ནས། དང་པོ་མ་རིག་པ་དང་། བརྒྱད་པ་སྲེད་པ་དང་།
D478.083.0327a04.01དགུ་པ་ཉེ་བར་ལེན་པ་ཞེས་པ་གསུམ་པོ་འདི་རྣམས་རྐྱེན་ཉོན་མོངས་པ་རྣམས་སུ་རྟོགས་པར་བྱའོ། །གཉིས་པ་བཅུ་པ་ལས་སུ་འགྱུར། །ཞེས་པ་ཅི་ཞེ་ན། འདུ་བྱེད་ནི་གཉིས་པའོ། །སྲིད་པ་ནི་བཅུ་པའོ། །འདི་དག་ལས་སུ་བསྡུས་པར་རིག་པར་བྱའོ། །ལྷག་མ་བདུན་ནི་
D478.083.0327a05.01སྡུག་བསྔལ་ཡིན། །ཞེས་པ། ཉོན་མོངས་པ་དང་ལས་སུ་བསྡུས་པ་འདི་རྣམས་ཀྱི་ལྷག་མ་གང་ཡིན་པའི་ཡན་ལག་གི་ཁྱད་པར་བདུན་ནི་སྡུག་བསྔལ་དུ་བསྡུས་པར་རིག་པར་བྱའོ། །འདི་ལྟ་སྟེ། རྣམ་པར་ཤེས་པ་དང་། མིང་དང་། གཟུགས་དང་། སྐྱེ་མཆེད་དྲུག་དང་། རེག་
D478.083.0327a06.01པ་དང་། ཚོར་བ་དང་། སྐྱེ་བ་དང་། རྒ་ཤི་ཡང་ངོ་ཞེས་པ་སྟེ། ཡང་གི་སྒྲ་རབ་ཏུ་སྦྱོར་བ་ནི་བསྡུ་བ་ཡང་དག་པར་རབ་ཏུ་སྦྱོར་བ་སྟེ། མ་རིག་པ་ལ་སོགས་པ་རྣམས་སྡུག་བསྔལ་དུ་ཡང་དག་པར་སྡུད་པར་བྱེད་དོ། །དེ་བཞིན་ཆོས་བཅུ་གཉིས་པོ་འདི་རྣམས་ཐམས་ཅད་ནི་ཉོན་
D478.083.0327a07.01