完整藏文原文 · 德格版页 当前仅加载第 83 函德格 334b 版页；藏文 NFD、目录标记与异常页序保留在来源切片中，重复版页行以稳定序号区分。
ནུ་མར་བཙིར་བར་བྱ། །བརྟན་པར་ཕྱོགས་ནས་དེ་ཡི་ཁར། །རེག་ནས་ཁ་རུ་སྦྱིན་པར་བྱེད། །སྐྱོད་ཅིག་ཅེས་ཀྱང་སྨྲ་བར་བྱ། །དེ་ཡིས་འདི་འདྲར་བརྗོད་པར་བྱ། །བདག་གི་བཟའ་བ་རྣམ་སྣང་མཛད། །བྱས་པ་ཤེས་པར་འགྱུར་བ་ཉིད། །རྡོ་རྗེ་
D478.083.0334b01.01སྐྱེས་བདེ་བདག་ལ་སྩོལ། །འདམ་སྐྱེས་འདབ་མ་གསུམ་པ་ནི། །གེ་སར་སྦྲང་རྩིས་བརྒྱན་པ་ལྟོས། །ཨེ་མ་བདེ་བ་ལྡན་པའི་ཞིང་། །ཆགས་པ་སངས་རྒྱས་ཉེ་བར་མཛེས། །ཆགས་ཅན་རྣམས་ཀྱི་བདེ་སྟེར་ཞི། །རྟོག་པ་ཐམས་ཅད་རྣམ་
D478.083.0334b02.01པར་སྤངས། །ཡིད་ནི་འདོད་ཆགས་ཀྱིས་དཀྲུགས་པས། །བུད་མེད་གན་རྐྱལ་བསྒྱེལ་ནས་ནི། །ཕྲག་པར་རྐང་པ་ཟུང་བྱིན་ནས། །འོག་དང་སྟེང་དུ་ངེས་བརྟགས་ནས། །དེ་ཡི་པདྨ་རྒྱས་པ་ཡི། །པདྨའི་བུ་གར་འཇུག་པར་བྱེད། །པདྨའི་འདབ་
D478.083.0334b03.01མར་ཤའི་སྙིང་པོ། །ལྡན་པར་རྡོ་རྗེ་དེ་བཅུག་ནས། །ཇི་ལྟར་བདག་གིས་བྱེ་བ་ནི། །ཉིས་སྟོང་འབུམ་དང་དུང་ཕྱུར་བར། །དབུས་སུ་སེམས་ལ་རབ་མཆོད་བྱ། །བདག་ལ་རླུང་པད་སྙིང་པོ་ལས། །སྙིང་པོ་བླ་མེད་རྡོ་རྗེའི་རྩེར། །རཀྟ་བན་དྷུ་ཀ་མཚུངས་
D478.083.0334b04.01པ། །རྫོགས་པའི་སངས་རྒྱས་རྗོད་པར་བྱེད། །བློ་ལྡན་རྩེ་གཅིག་སེམས་ཀྱིས་དེར། །ཡང་ནས་ཡང་དུ་བསམ་གཏན་བྱ། །གཡོ་མེད་བརྟན་པའི་སེམས་ཀྱིས་ནི། །འཁོར་ལོའི་བདེ་བ་ཉིད་བསྒོམ་བྱ། །དེ་ལས་སོ་སོར་མཆོག་བྱིན་ནས། །དགའ་
D478.083.0334b05.01བའི་སྐད་ཅིག་ཉིས་འགྱུར་ཉིད། །ཇི་སྲིད་རབ་བརྗོད་འདི་ལྟ་བུའི། །གཟུགས་སུ་སྐད་ཅིག་ཙམ་བསམ་བྱ། །བུད་མེད་རི་མོ་བསྐྱེད་མ་ཡང་། །འགྲོ་གསུམ་རྣམས་ཀྱི་བདེ་བ་གཅིག །སྦྱིན་མ་ཞི་མ་འདིར་སྡང་བས། །ཚིག་རྩུབ་པ་ཡི་སྡིག་པའི་ལས། །
D478.083.0334b06.01ཡང་དག་གནས་ཤིང་ཟད་མ་ཡིན། །དེ་ཉིད་ཀྱིས་དེ་གཏིང་དཔག་པར། །དཀའ་བའི་དམྱལ་བ་ངུ་འབོད་དུ། །རྟག་ཏུ་སྡུག་བསྔལ་འོ་དོད་འབོད། །མང་པོར་ལུས་ནི་སྲེག་བྱེད་ཅིང་། །བསྐལ་པ་གསུམ་དུ་གནས་པར་འགྱུར། །བུད་མེད་ཡོན་ཏན་བརྗོད་ཅི་དགོས། །
D478.083.0334b07.01