完整藏文原文 · 德格版页 当前仅加载第 83 函德格 320a 版页；藏文 NFD、目录标记与异常页序保留在来源切片中，重复版页行以稳定序号区分。
སྣ་ཚོགས་དངོས་གྲུབ་སྒྲུབ་བྱེད་པ། །དེ་བཞིན་རྣལ་འབྱོར་རིམ་པས་འགྱུར། །རང་བློ་གཡོ་བས་འཇིག་རྟེན་པ། །འདོད་པས་མཐོ་རིས་རབ་ཏུ་སྐྱེ། །བཙུན་མོ་ཐམས་ཅད་དགའ་བར་བྱེད། །སྲུང་བ་སོགས་ཀྱི་ཉི་མ་མཆོག །ལ་ལར་རྒྱན་མང་
D478.083.0320a01.01ཟླ་བ་ཡིས། །ལུས་བྱུགས་ཁ་ཅིག་འདམ་གྱིས་བྱུགས། །ལ་ལར་རྒྱན་མང་ཅི་སྒྲུབ་ཅེས། །འདི་ལས་གནས་པ་རབ་དགའ་དང་། །ཐེ་ཚོམ་བྱེད་རྣམས་སྡུག་བསྔལ་དང་། །བདེ་བས་གནོད་པ་མེད་པ་ཡིན། །དེ་རྣམས་འདོད་ན་རྣལ་འབྱོར་པས། །རྣམ་དཔྱོད་
D478.083.0320a02.01མེད་པར་དེ་བྱའོ། །འདོད་པ་ལྔ་ལ་ལོངས་སྤྱོད་ཅིང་། །འདོད་པའི་ཡོན་ཏན་ལྔ་རྣམས་ལྡན། །རྟག་ཏུ་རྩེ་བར་བྱ་བ་སྟེ། །འཁོར་བར་འགྲོལ་ཞིང་གྲོལ་བའོ། །དངོས་དང་དངོས་མེད་རྣམ་པར་གྲོལ། །ངོ་ཚའི་བྱ་བ་རྣམ་པར་སྤངས། །བློ་གྲོས་སྦྱོར་བ་ལས་འདས་
D478.083.0320a03.01པ། །ལས་རྣམས་ཐམས་ཅད་རིག་པའི་མཆོག །ཅེས་པ་དེ་ཁོ་ན་ཉིད་ཀྱི་ལེའུ་སྟེ་དགུ་པའོ།། །།ཀྱེ་བཅོམ་ལྡན་འདས། མངོན་པར་དབང་བསྐུར་ཇི་ལྟ་ཞིག །མངའ་བདག་བདག་ལ་དེ་གསུངས་ཤིག །དགའ་མ་དབང་བསྐུར་རྣམ་པ་བཞི། །
D478.083.0320a04.01སེམས་ཅན་སྒྲོལ་བྱེད་དེ་ཉོན་ཅིག །གཏོར་བས་དྲི་མ་མེད་བྱེད་ཕྱིར། །རྡོ་རྗེ་སྐྱིལ་མོ་ཀྲུང་འཆིང་བྱེད། །དེ་ནི་ཡང་དག་འདོད་པ་ཡིན། །འཛག་མེད་ལ་སོགས་བདེ་བས་གང་། །འདི་དག་ཇི་སྲིད་དྲི་མེད་གྱུར། །བྱང་ཆུབ་སེམས་ནི་སྤོང་བྱེད་པ། །ཇི་སྲིད་རྣལ་འབྱོར་པས་
D478.083.0320a05.01མི་བྱ། །སྐྱེ་གནས་ཕྱིན་པ་རྣམ་པར་གཅོད། །ཇི་སྲིད་ཀུན་ཏུ་དགའ་བའི་མཆོག །བདེ་བའི་གཟུགས་ནི་དེ་ཉིད་ཀྱིས། །ཡང་དག་ལྡན་པའི་སངས་རྒྱས་གཟུགས། །ཇི་སྲིད་ཁུ་བ་བརྟན་གྱུར་པར། །བདག་ཉིད་རྟག་ཏུ་བསྒོམ་པར་བྱ། །དེ་ནི་འཇིག་རྟེན་བདེན་པར་གྲག །
D478.083.0320a06.01དམ་པའི་དོན་ནི་དེ་མ་ཡིན། །ཅི་ཕྱིར་བཞི་པ་སླར་སྦྱིན་ཕྱིར། །འདིར་ནི་ཤེས་རབ་ཡེ་ཤེས་གང་། །དེ་ཉིད་དབང་བསྐུར་བཞི་བ་རུ། །བྱིས་པའི་སྐྱེ་བོ་སྨ་བར་འགྱུར། །དེ་ནི་སླར་ཡང་དེ་བཞིན་ཞེས། །བཞི་པ་དེ་ཉིད་གསུམ་པ་རུ། །དེ་བཞིན་བྱས་པར་མི་འགྱུར་ཏེ། །
D478.083.0320a07.01