完整藏文原文 · 德格版页 当前仅加载第 83 函德格 311b 版页；藏文 NFD、目录标记与异常页序保留在来源切片中，重复版页行以稳定序号区分。
སྡེ་དང་བཅས་པ་བར་སྣང་ལ། །འགྲོ་འགྱུར་འདི་ནི་ཐེ་ཚོམ་མེད། །གཤིན་རྗེའི་གཤེད་དམར་རྣལ་འབྱོར་པ། །ཁ་ཅིག་རྟག་ཏུ་དམ་ཚིག་བརྩོན། །རིགས་ལྔའི་བསྙེན་པ་ལྡན་པས་ཀྱང་། །འབུམ་དུ་བཟླས་པས་བྲི་བར་བྱ། །ཤར་དུ་བྱས་པའི་བཀད་ས་
D478.083.0311b01.01རུ། །ཁམ་ཕོར་གཉིས་ཀྱི་དབུས་སུ་མར་དང་སྦྲང་རྩིས་ཡང་དག་པར་གང་བ་ལ་བཞག་ནས་ཞོའི་ཟན་དང་། ཡུངས་ཀར་དཀར་པོ་དང་། ལན་ཚྭའི་སྦྱིན་སྲེག་བྱའོ། །ནུབ་ཀྱི་འདབ་མ་ལ་དེ་དང་མཚུངས་པའི་ཁམ་ཕོར་ལ། མེ་ཏོག་དམར་པོ་དང་། སེན་རྩི་དང་། རྒྱ་
D478.083.0311b02.01སྐྱེགས་ཀྱི་ཁུ་བ་བསྲེས་བས་སྦྱིན་སྲེག་བྱའོ། །བྱང་ཕྱོགས་ཀྱི་འདབ་མ་ལ་སྦྲང་ཆེན་གྱིས་གང་བའི་ཁམ་ཕོར་ལ་ཡང་དག་པར་བཞག་ནས་ཐབ་ཁུང་གྲུ་གསུམ་དུ་ཤིང་སིཏྠ་ཀ་ཤུ་དང་། ཤིང་སཾ་ཀོ་ཙ་ཀཎྜ་ཀ་དང་། དུག་དང་། སྐེ་ཚེ་རྣམས་ཀྱིས་སྦྱིན་སྲེག་བྱའོ། །
D478.083.0311b03.01དགུ་ཡི་བདག་ཉིད་ཅན་འབད་པས། །དང་པོར་དམ་ཚིག་བྱས་ནས་ནི། །རྒྱན་ལྔ་ཡིས་ནི་བརྒྱན་པ་ཡིས། །རྣལ་འབྱོར་མ་ཡང་དེ་དང་མཚུངས། །སྣ་ཚོགས་རིན་ཆེན་རང་བཞིན་བརྒྱན། །རྔ་ཡབ་དཀར་པོས་བརྒྱན་པ་ཡི། །རྡོ་རྗེ་དྲིལ་བུའི་ལག་དག་
D478.083.0311b04.01གིས། །ཡང་ནས་ཡང་དུ་གཏོར་མ་སྦྱིན། །ཇི་ལྟར་འོས་པའི་ཡོན་ཕུལ་བྱ། །གང་གིས་མཉེས་པར་འགྱུར་བ་ཡིན། །དབུས་སུའང་དེ་དང་མཚུངས་པར་བྱ། །མཐའ་རུ་བཞི་འགྱུར་དུ་བྱའོ། །དགེ་འདུན་བཟའ་བ་ཡང་བྱའོ། །དམན་དང་ཞན་ལ་རྗེས་བརྩེ་བ། །
D478.083.0311b05.01སོ་སོར་བ་དག་ནི་དམ་ཚིག་མཆོད། །ཤེས་རབ་བཅས་ཤིང་ཡོན་དང་བཅས། །རིགས་ནི་ལྔ་པོ་རྣམས་ཀྱི་ནི། །བསྒྲུབས་པའི་བཟའ་བ་དེ་དག་གིས། །མེ་ལ་སྦྱིན་སྲེག་བྱ་བ་སྟེ། །བློ་བཟང་འབད་པས་བཞག་མི་བྱ། །དབྱུག་གུར་བབ་པས་དེ་སྒོ་བཞིར། །རྔ་བོ་
D478.083.0311b06.01ཆེ་ཡི་སྒྲ་བྱའོ། །གང་དང་གང་དུ་སྒྲ་ཐོས་པའི། །ཕ་རོལ་སྡེ་ནི་རབ་བྲོས་ནས། །རྣ་བ་རྣམས་ནི་དགས་པར་བྱེད། །མིག་གིས་མཐོང་བར་མི་བྱེད་ཅིང་། །སྡེ་རྣམས་དབང་དུ་བྱེད་པ་དང་། །མགོ་ལ་ཟུག་རྔུར་འགྱུར་བ་དང་། །སྐྲིད་པ་དག་ནི་བྱེད་པ་ཡིན། །
D478.083.0311b07.01