完整藏文原文 · 德格版页 当前仅加载第 83 函德格 325a 版页；藏文 NFD、目录标记与异常页序保留在来源切片中，重复版页行以稳定序号区分。
སྒོམ་པའི་སྦྱོར་བ་འདུས་པ་རུ། །རྩ་རྣམས་མཁའ་འགྲོ་མ་ཀུན་གྱིས། །འབྲས་བུའི་སྒྲུབ་ཐབས་ཀྱེ་རྡོ་རྗེར། །གང་དུ་རླུང་གི་སྒྲུབ་ཐབས་ནི། །ཉིན་དང་མཚན་མོའི་རབ་དབྱེ་ལས། །འདབ་མ་དྲུག་ཅུ་བཞིར་དབྱུ་གུ། །ཞེས་པ་
D478.083.0325a01.01འདི་དག་ཐུན་མོང་གི །རབ་ཏུ་དབྱེ་བས་བརྗོད་པར་བྱ། །ལྷ་ཡི་གཟུགས་ཀྱི་བདག་ཉིད་ཅན། །སླར་ཡང་སྐུ་གསུང་ཐུགས་དབྱེ་བས། །ཡིག་གསུམ་ཉིད་ཀྱི་མཉམ་བཞག་པའི། །ཡིད་ཀྱིས་ཁོང་དུ་ཆུད་པར་བྱ། །ཨོཾ་ཡིག་གིས་ནི་འཇུག་པ་དང་། །ཨཱཿ
D478.083.0325a02.01ཡིག་གིས་ནི་དེ་བཞིན་གནས། །ཧཱུྃ་ཡིག་གིས་ནི་དབྱུང་བ་ཡང་། །རྣལ་འབྱོར་མན་ངག་ལས་བྱའོ། །ཨོྃ་ཨཱཿཧཱུྃ་ཞེས་བྱ་བ་འདིས། །གཡོ་ཞིང་གཡོ་བ་བརྟན་པར་འགྱུར། །དེ་ལས་ས་བོན་མཚན་མའང་སླར། །སྣ་རྩེར་མཆོག་ཏུ་བསམ་པར་བྱ། །
D478.083.0325a03.01འོད་གསལ་བ་ཡི་རང་བཞིན་བྱ། །དེ་བཞིན་བདག་གཞན་མཉམ་པ་ཉིད། །བྱེད་མེད་གཟུགས་ནི་ཀུན་དམིགས་ན། །ཡང་ཡང་སྐད་ཅིག་སྐད་ཅིག་མ། །གཅིག་ལས་སླར་ཡང་ལྡང་ནས་ནི། །སྔགས་པས་གྲིབ་མ་སྒྱུ་མ་ལྟའི། །དབྱེ་བས་ཀུན་ཏུ་བསམ་
D478.083.0325a04.01པར་བྱ། །དག་པའི་སྐུ་འདི་ཡིས་ནི་གང་། །ཡེ་ཤེས་བརྩོན་པས་བསྒོམ་པར་བྱ། །དེས་ནི་སེམས་ཅན་ཐམས་ཅད་ལ། །ཆོས་ཉིད་དུ་ནི་བྱེད་པ་སྟེ། །ལྷ་ཡི་རྣལ་འབྱོར་འདི་ཉིད་ནི། །བླ་མའི་མན་ངག་ལས་རྟོགས་བྱ། །སླར་ཡང་སྔགས་པས་འཇིག་རྟེན་
D478.083.0325a05.01དོན། །སླར་ཡང་ཡི་གེ་བསྒོམ་པར་བྱ། །ལན་གྲངས་ཀུན་ཏུ་རྒྱུན་ཆགས་སུ། །བཅིང་བྱ་ལོངས་སྤྱོད་རྫོགས་པའི་སར། །ལག་པས་ངེས་སྦྱར་སྟེང་གི་ནི། །ཡི་གེ་བརྟན་པའི་འཁྲུལ་འཁོར་ལས། །རྐྱང་མ་དང་ནི་རོ་མ་ཡི། །དབུས་སུ་གཡོ་མེད་འཇུག་པར་
D478.083.0325a06.01གྱིས། །སྐུ་གསུང་ཐུགས་སུ་ངེས་སྦྱར་ནས། །ཕྱག་རྒྱ་མཆོག་ཏུ་བསམ་པར་བྱ། །སྐད་ཅིག་དེ་ལས་ལྷན་སྐྱེས་འཆར། །བསྒོམ་བྱ་འདིར་ནི་ཐེ་ཚོམ་མེད། །དོན་འདི་གང་གིས་ཤེས་བྱེད་པ། །བློ་བཟང་ཡིད་ནི་མཉམ་པར་གཞག །
D478.083.0325a07.01