完整藏文原文 · 德格版页 当前仅加载第 83 函德格 306a 版页；藏文 NFD、目录标记与异常页序保留在来源切片中，重复版页行以稳定序号区分。
དཔས་རྒྱས་བཏབ་པར་བསམ་མོ། །ཞེས་པ་ཡང་དག་པར་སྐྱེད་པའི་ཆོ་གའོ། །གཏི་མུག་དང་། ཕྲ་མ་དང་། འདོད་ཆགས་དང་། ཕྲག་དོག་རྣམས་ཀྱིས། གསོལ་བ་འདེབས་པར་བྱེད་པ་ནི། ཀྱེ་ཀྱེ་གཤིན་རྗེའི་གཤེད་དམར་པོ། །བླ་མ་
D478.083.0306a01.01སྲིན་པོའི་གཟུགས་རང་བཞིན། །ཁོ་བོས་ཁྱོད་མཐོང་རྣམ་པར་འཇིགས། །བླ་མ་ཁྲོ་བོའི་རང་བཞིན་སྤོངས། །ཁྱོད་ཀྱིས་གར་མཛད་ས་སྟེངས་དང་། །ས་བླ་དང་ནི་ས་འོག་ག་གཡོ། །ཆགས་པས་བརྒྱན་པའི་ཁྲོ་བོ་ཡི། །གར་མཛད་ཁྱོད་ནི་རོ་ལངས་ལགས། །སྐུ་
D478.083.0306a02.01ནི་སྦོམ་ཐུང་དམར་པོ་སྟེ། །རྣམ་པ་སྣ་ཚོགས་སྐུ་སྤྲུལ་པ། །རྡོ་རྗེ་དབྱངས་ཅན་མ་ཡིས་བཏུད། །གར་མཛད་ཁྱོད་ནི་བདེ་བ་ཆེ། །ཧྲཱིཿཥྚྲིཿགསང་སྔགས་དག་གིས་ནི། །ཁྱོད་ནི་ས་གསུམ་འཁྲུལ་པ་སེལ། །རྗེ་བཙུན་སྙིང་རྗེའི་ཁྲོ་བོ་ལགས། །གར་མཛད་
D478.083.0306a03.01ཁྱོད་ནི་འགྲོ་ལ་གཟིགས། །ཨོྃ་སརྦ་ཏ་ཐཱ་ག་ཏ་པཱུ་ཛ་བཛྲ་སྭ་བྷཱ་བ་ཨཏྨ་ཀོ྅ཧཾ་ཞེས་སོ། །དེ་ནས་སྔར་བཞིན་དུ་རླུང་གི་དཀྱིལ་འཁོར་གྱི་སྟེང་དུ་མེའི་དཀྱིལ་འཁོར། དེའི་སྟེང་དུ་ཨོཾ་ཡིག་ཡོངས་སུ་གྱུར་པའི་གསང་བའི་དཀྱིལ་འཁོར་གསུམ་གྱི་སྟེང་དུ་ཨཱཿཡིག་ཡོངས་
D478.083.0306a04.01སུ་གྱུར་པ་ལས་ཐོད་པ་བསྒོམ་པར་བྱའོ་ཞེས་སོ། །དེའི་དབུས་སུ་བདུད་རྩི་ལྔ་དང་། སྒྲོན་མ་ལྔ་དང་། ཞོ་དང་། འོ་མ་དང་། ཤ་དང་། ཉ་ལ་སོགས་པ་དབྱུག་པས་དཀྲུགས་པས་རོ་མཉམ་པར་བྱས་ལ་ཚོས་ནས་རྒྱ་སྐྱེགས་ཀྱི་ཁུ་བ་ལྟ་བུར་བལྟའོ། །ཨོཾ་ཨཱཿཧཱུྃ་ཞེས་པ་འདིས་
D478.083.0306a05.01བསིལ་བར་གྱུར་པར་བྱས་ནས་ཧཱུྃ་ཡིག་ཡོངས་སུ་གྱུར་པའི་ལྕེ་སྦུ་གུ་ཅན་བསམས་ནས་བཏུང་བར་བྱའོ། །རང་རང་གི་ཁ་ཡིས་ནི་ལྷ་མོའི་ཁ་རུ་སྦྱིན་པར་བྱའོ། །དཀྱིལ་འཁོར་པ་རྣམས་ཀྱིས་ཀྱང་བསམས་ནས་ཀུན་ཏུ་སྤྱད་པར་བྱའོ། །དེ་ནས་བདུད་རྩི་མྱོངས་པས་ཡང་དག་པར་དགོས་པར་གྱུར་ནས་ཕྱི་ནས་གསང་སྔགས་
D478.083.0306a06.01བཟླས་པར་བྱའོ། །སྙིང་གར་གནས་པའི་ས་བོན་དང་མཚན་མ་བསྟན་པར་བྱས་ནས་གསང་སྔགས་བཟླས་པར་བྱའོ། །ཨོཾ་ཧྲཱིཿཥྚྲཱིཿབི་ཀྲྀ་ཏཱ་ན་ན་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཞེས་པས་ཇི་སྲིད་འདོད་པར་བསམས་ནས་བཟླས་པར་བྱའོ། །ལྡང་བར་འདོད་ན་རང་གི་ལུས་ཀྱི་འོད་ཟེར་གྱིས་སེམས་ཅན་གྱི་དོན་བྱས་ནས་ཐམས་ཅད་
D478.083.0306a07.01