完整藏文原文 · 德格版页 当前仅加载第 83 函德格 238a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་འཕོ་བ་ཡང་མེད་དེ། དེའི་དངོས་པོ་བླ་མ་ལས་ཀློག་པ་ཉམས་པ་མེད་ལ་སློབ་མས་ཀློག་པ་ཡང་ཉམས་པ་མེད་ཅིང་། སློབ་མས་ཀློག་པ་གཞན་མ་ཡིན་ནོ། །དེ་བཞིན་དུ་ཀུན་ཏུ་འབྱུང་བར་བྱེད་ན་རྒྱུ་མེད་པ་ཅན་གྱི་ཉེས་པར་ཐལ་བར་འགྱུར་བའི་ཕྱིར་རོ། །
D475.083.0238a01.01དེ་བཞིན་དུ་འཆི་བར་བྱེད་པའི་སེམས་ནི་འཇིག་རྟེན་ཕ་རོལ་ཏུ་འགྲོ་བ་མེད་དེ་རྟག་པའི་ཉེས་པར་ཐལ་བའི་ཕྱིར་རོ། །འཇིག་རྟེན་ཕ་རོལ་གཞན་ཁོ་ན་ལས་འབྱུང་བ་མ་ཡིན་ཏེ། དཔེར་ན་བླ་མ་ལས་ཀློག་པར་བྱེད་པའི་རྒྱུ་མཚན་ཅན་ནི་སློབ་མའི་ཀློག་པར་བྱེད་པའོ། །དེ་ཉིད་དེ་ལས་གཞན་
D475.083.0238a02.01མ་ཡིན་པ་དེ་བཞིན་དུ་དེའོ་ཞེས་ནུས་པ་མངོན་པར་བརྗོད་དོ། །དེ་བཞིན་དུ་དེ་འཆི་བའི་མཐར་ཐུག་པའི་སེམས་ལ་བསྟེན་ནས་སྐྱེ་བའི་ཆ་ཤས་ཅན་གྱི་སེམས་དེ་ཉིད་གཞན་མ་ཡིན་ནོ། །དེ་བཞིན་དེ་ཡང་ནུས་པ་མངོན་པར་བརྗོད་དོ། །དཔེར་ན་མར་མེ་ལས་མར་མེའོ། །རྒྱ་ལས་
D475.083.0238a03.01ཕྱིར་རྒྱའོ། །བཞིན་ལས་མེ་ལོང་ལས་གཟུགས་བརྙན་ནོ། །སྒྲ་ལས་བྲག་ཅའོ། །ཉི་མ་དང་ནོར་བུའི་འོད་དང་བུད་ཤིང་རྣམས་ལས་མེའོ། །ས་བོན་ལས་མྱུ་གུའོ། །དཔེར་ན་ཤུ་གའི་འབྲས་བུ་ཟོས་པའི་རྒྱུ་མཚན་གྱིས་གཞན་གྱིས་ཁ་འཛག་པ་ལས་གཞན་མ་ཡིན་ནོ་ཞེས་
D475.083.0238a04.01རབ་ཏུ་ཤེས་པར་བྱའོ། །དེ་བཞིན་དུ་ཕུང་པོ་ལས་ཕྱིར་ཕུང་པོ་འཕོ་བ་མེད་པ་ཡང་མཁས་པ་རྣམས་ཀྱིས་ཀུན་ཏུ་དཔྱད་པའོ་ཞེས་སོ། །དེ་ལ་ཕུང་པོ་ནི་གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པའི་མིང་ཅན་འདི་རྣམས་ཀྱི་ཕུང་པོ་ཉིང་མཚམས་
D475.083.0238a05.01སྦྱོར་བ་འདི་དག་ཕུང་པོ་ལྔ་པོ་རྣམས་སུ་ངེས་པར་བརྟག་པར་བྱ་སྟེ། རྒྱུ་མེད་པ་ཅན་ཡང་མ་ཡིན་ལ་གཞན་ལས་འབྱུང་བ་ཡང་མ་ཡིན་ནོ། །འཇིག་རྟེན་འདི་ལས་འཇིག་རྟེན་ཕ་རོལ་མ་ཡིན་ནོ། །དེ་ནས་མིག་ཀྱང་དངོས་པོ་འཕོ་བ་མེད་དོ། །འདི་དེ་སྲིད་དུ་འདུ་བྱེད་འཁོར་བའི་རིམ་
D475.083.0238a06.01པའོ། །ཡང་གི་སྒྲ་ནི་ལྡོག་པ་སྟེ། དེའི་ཕྱིར་ཕྱིན་ཅི་ལོག་ཏུ་རྟོགས་པར་མི་བྱའོ། །གང་གི་ཕྱིར་རྟག་ཏུ་སྡུག་བསྔལ་སྟོང་པའི་བདག་ཉིད་ཅན་གྱི་དངོས་པོ་ཡིན་པ་དེའི་ཕྱིར། སོ་སོར་ཀུན་ཏུ་རྟོག་པའི་དངོས་པོ་ལ། ཀུན་ཏུ་རྨོངས་པར་མི་འགྱུར་རོ། །རྨོངས་པ་མེད་པའི་
D475.083.0238a07.01