完整藏文原文 · 德格版页 当前仅加载第 83 函德格 228a 版页；藏文 NFD、目录标记与异常页序保留在来源切片中，重复版页行以稳定序号区分。
གནས་ལ་རབ་ཏུ་བྱུགས་ན་བུད་མེད་མོ་ཤམ་དུ་འགྱུར་བར་ཐེ་ཚོམ་མེད་དོ། །པཱ་ལ་ཤའི་ས་བོན་བཏགས་ནས་བྱུག་པར་བྱ་ཞིང་། མར་དང་སྦྲང་རྩི་འཐུངས་བ་ལས་ཁྲག་གི་མཚན་མའི་བུད་མེད་མོ་ཤམ་དུ་འགྱུར་རོ། །ཆ་ག་བ་དང་། ཕྱེ་མ་
D475.083.0228a01.01ལེབ་ཀྱི་ཕྱེ་མ་དང་། ཕྱིས་ས་སྐྱེ་གནས་སུ་བྱིན་ན་དམ་པོར་འགྱུར་རོ། །ཁུ་བ་རེངས་པའི་ལེའུ་སྟེ་བདུན་པའོ།། །།མགྲིན་པ་བཏེག་ནས་དམ་འཁྱུད་ཅིང་། །ལྷ་ལ་ཡང་ཡང་འོ་བྱས་ནས། །རྒྱལ་པོའི་དངོས་པོར་བྱས་པ་ཅིག །འཁོར་
D475.083.0228a02.01ལོས་སྒྱུར་བར་ཇི་ལྟར་འགྱུར། །གང་ཞིག་ཉེ་བར་མ་ཞུགས་པ། །གནས་ཅིག་ཏུ་ནི་རྒྱལ་སྲིད་འགྱུར། །དགྲ་བོ་གཡོ་མེད་འགྱུར་བ་དང་། །དགའ་ཞིང་ཞབས་ལ་འདུད་པའམ། །ཀུན་དུ་འགུགས་ཤིང་འདྲེན་པ་དང་། །མངའ་བདག་དེ་བཞིན་དེར་བཟླས་པ། །
D475.083.0228a03.01སེམས་ཅན་དོན་དུ་བདག་ལ་ཤོད། །བཅོམ་ལྡན་འདས་ཀྱིས་བཀའ་སྩལ་པ། །བྲིས་སྐུ་དང་ནི་གཟུགས་བརྙན་ལ། །ཉེར་སྤྱོད་ལྔ་རྣམས་ཀྱིས་མཆོད་ནས། །དྲུག་ཅུ་རྩ་བཞི་ཡོངས་རྫོགས་པའི། །གཏོར་མ་ཐུན་མཚམས་གསུམ་དུ་བྱིན། །གསེར་བུམ་དེ་བཞིན་ཁམ་ཕོར་
D475.083.0228a04.01བརྒྱད། །འཁྲུལ་འཁོར་རྒྱས་པའི་སྦྱོར་བ་ཡིས། །དེ་བཞིན་བསྔགས་ལ་མཆོག་གཞོལ་བ། །སླར་ཡང་ཤིང་རྟ་ཁམ་ཕོར་སོགས། །མར་དང་སྦྲང་རྩིས་བཀང་བ་ཡིས། །གཙོ་བོ་དཔལ་གྱི་ཁྱིམ་སྟེང་དུ། །ཨཿཡིག་འཁོར་ལོར་ངེས་བཅིང་བྱ། །གསང་སྔགས་རིག་
D475.083.0228a05.01པ་ཧྲཱིཿཥྚྲཱི་སོགས། །བློ་དང་ལྡན་པས་དུས་གསུམ་མཆོད། །ག་ཌ་ཀ་ཡི་སྟེང་གི་ཆར། །དཀྱིལ་འཁོར་ལྔ་པོ་བྱས་ནས་ནི། །ལེགས་པར་དཀྲི་བ་བྱིན་ནས་ནི། །འབད་པས་ས་ཀུན་སྦྱང་བར་བྱ། །ས་གཞི་ཡོངས་སུ་གཟུང་བྱས་ནས། །དཀྱིལ་འཁོར་མཆོག་ནི་བྱ་བ་ཡིན། །
D475.083.0228a06.01རྡུལ་ཚོན་མཛེས་པས་བྲི་བའམ། །ཡང་ན་འབྲས་ནི་ཐུག་པོ་ཆེ། །ཁ་དོག་ལྔ་པོ་དེ་བཞིན་ལྡན། །དེ་བཞིན་སློབ་དཔོན་ལྔ་རྣམས་ཀྱིས། །ཅུང་ཟད་མྱོས་བྱེད་འཐུངས་ནས་ནི། །སྟེང་གི་རི་མོའི་སྟེང་དུ་ནི། །དགུ་བདག་དཀྱིལ་འཁོར་ཡིད་འོང་བ། །གྲྭ་བཞི་རུ་ནི་ཐོད་པའོ། །
D475.083.0228a07.01