完整藏文原文 · 德格版页 当前仅加载第 83 函德格 221a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་དུ་རྩིབས་བཅུ་གཉིས་པའི་འཁོར་ལོའི་དབུས་སུ་ཚ་བ་གསུམ་དང་། དུག་དང་། སྐེ་ཚེ་དང་། རུས་པ་ཆེན་པོ་དང་། བུད་ཤིང་གི་མེའི་ས་བོན་གྱི་དབུས་སུ་རྣམ་པར་བཅད་པ་དང་བཅས་པའི་ཡ་ཡིག་གཉིས་ཁ་སྦྱར་ལ་ཐ་ཡིག་གཉིས་ཀྱིས་ཕྱི་རོལ་ནས་བསྐོར་ཏེ་མེའི་
D475.083.0221a01.01ཤིང་གི་མེ་ལ་གདུང་བར་བྱའོ། །དེ་བུ་ཁྱེའུའི་སྟེང་དུ་གཟུང་ན་དེའི་སྐད་ཅིག་ལ་འཆི་བར་འགྱུར་རོ། །གལ་ཏེ་མ་ཡིན་ན་མིའི་རུས་པ་སོར་བཞི་པ་ལ་ལན་བདུན་དུ་མངོན་པར་བསྔགས་པར་བྱས་ནས་དགྲའི་སྒོར་སྦ་བར་བྱའོ། །དེ་ཡིས་ཁྱིམ་ནས་སྐྲོད་པར་བྱེད་དོ། །དེ་བཞིན་ཉིད་དུ་ས་བོན་
D475.083.0221a02.01བཅུ་གཉིས་ཡོངས་སུ་གྱུར་པས་རྩིབས་བཅུ་གཉིས་པའི་འཁོར་ལོའི་དབུས་སུ་ཙནྡན་ལ་ཛི་ཝ་དང་། ཀཥྛི་ཀ་དང་། གཞན་གྱིས་མི་ཐུབ་པའམ་འཁྲི་ཤིང་གི་ཆུའི་ས་བོན་གྱི་དབུས་སུ་དེ་ཉིད་གཉིས་ཀྱིས་ཁ་སྦྱར་ལ་ཐ་ཡིག་གཉིས་ཕྱི་རོལ་ཏུ་བསྐོར་བར་བྱའོ། །བརྒྱ་རྩ་བརྒྱད་བཟླས་སོ། །འོ་
D475.083.0221a03.01མས་བཀང་བཞིན་དུ་རཱ་ཛཱ་ཏ་དང་མེ་ཏོག་དམར་པོ་འབུམ་ཕྲག་གཅིག་ལ་འཆི་བ་མེད་ཅིང་དེ་ལས་གཞན་དུ་ཡང་རཱ་ཛཱ་ཏ་དེའི་དངོས་པོ་འགྲོ་བ་མེད་དོ། །དེའི་ཚེ་བདག་ཉིད་མཚམས་མེད་པ་ལྔ་བྱེད་པ་ཡང་བྲལ་བར་འགྱུར་རོ། །ཡང་ན་ཤིང་སེ་ཕ་ལའི་འབྲས་བུ་དང་ལྡན་པ་ལྟ་བའི་མེ་ཏོག་དམར་པོ་རྣམས་
D475.083.0221a04.01ཀྱིས་དེ་བཞིན་ཉིད་དུ་ས་བོན་བཅུ་གཉིས་ཀྱིས་ཡོངས་སུ་གང་བའི་ཁམ་ཕོར་དུ་བཞག་ནས་བཟླས་པར་བྱའོ། །ལྷ་དང་། ལྷ་མ་ཡིན་དང་། མིའམ་ཅི་དང་། ལྟོ་འཕྱེ་ཆེན་པོ་དང་། སྦྲུལ་གདུག་པ་དང་། མཁའ་འགྲོ་དང་། མཁའ་འགྲོ་མ་དང་། གནོད་སྦྱིན་དང་། སྲིན་པོ་དང་། གདུལ་དཀའ་
D475.083.0221a05.01བའི་མི་དང་། མི་བདག་རྒྱལ་པོ་ལ་སོགས་པ་རྣམས་འབངས་དང་འབངས་མོའི་དངོས་པོ་འགྲོ་བར་བྱེད་དོ། །གཤིན་རྗེ་གཤེད་དམར་པོའི་རྒྱུད་དུ་ཐུན་མོང་གི་ཞི་བ་ཅན་ལ་སོགས་པའི་ཆོ་གའི་ལེའུ་སྟེ་གསུམ་པའོ།། །།དེ་ནས་མངའ་བདག་དམ་འཁྱུད་ཅིང་། །ཚེམས་ཀྱིས་མ་མཆུ་
D475.083.0221a06.01འཚིར་མཛད་པ། །དེ་ལ་བདག་མེད་མས་སེམས་ཅན། །དོན་ཕྱིར་ཕན་བྱུང་ཞུས་པ་ནི། །བཅོམ་ལྡན་ཇི་ལྟར་སེམས་ཅན་རྣམས། །ཅི་ལྟར་རྒྱལ་པོ་རྣམས་སུ་འགྱུར། །བཅོམ་ལྡན་འདས་ཀྱིས་བཀའ་སྩལ་པ། །ལྷ་མོ་ངོ་མ་ཆོགས་པའི་ཕྱིར། །ཁྱོད་ལ་བཤད་པར་བྱ་ཡིས་ཉོན། །
D475.083.0221a07.01