完整藏文原文 · 德格版页 当前仅加载第 83 函德格 216a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟེ་བའི་འོག་ཏུ་པདྨ་དམར་པོ་འདབ་མ་བརྒྱད་པ་ཁ་དོག་དམར་པོའོ། །དེར་ཡི་གེ་ཧྲཱིཿདམར་པོ་ངེས་པར་སོན་པའོ། །སྤྱི་བོར་སོན་པའི་རེ་ཁ་དཀར་པོ་སླར་ཡང་བསམ་པར་བྱ་ཞིང་བཅོམ་ལྡན་འདས་ཀྱི་དབུ་ལ་གཞུག་པར་བྱའོ། །སླར་ཡང་རྡོ་རྗེའི་ལམ་དེར་སོན་
D475.083.0216a01.01པར་བློ་བཟང་པོས་བསམ་པར་བྱའོ། །ཕན་ཚུན་གཉིས་གཉིས་སྙོམས་པར་ཞུགས་པས་རོ་མཉམ་པའི་ས་བོན་གྱི་གཟུགས་ཅན་ནོ། །ས་བོན་དེ་ལྷ་མོ་བཞིས་རང་གི་གཟུགས་སུ་བླང་བ་ནི། ཤར་ལ་སོགས་པའི་ཕྱོགས་བཞི་རྣམས་ན་གནས་པ་དེ་རྣམས་རང་གི་བདག་པོ་ལ་བལྟ་ཞིང་སློང་
D475.083.0216a02.01བར་བྱེད་པས་ལྷ་མོ་ཐམས་ཅད་བླང་བའི་ཆེད་དུ་གླུའི་མཆོད་པར་བྱེད་པར་བལྟའོ། །ཐུགས་རྗེའི་ཁྲོ་བོ་རྗེ་བཙུན་ཉིད་བཞེངས་ཤིག །ས་གསུམ་མཐའ་དག་རྨོངས་པ་སོལ་མཛོད་ཅིག །རྡོ་རྗེ་ཙ་རྩི་ཀཱ་ཡིས་སོ། །ཇོ་བོ་བདུད་བཞི་བོ་ནི་ལས་རྒྱལ་བ། །སེམས་ནི་གཡེངས་སོ་རྗེ་བཙུན་
D475.083.0216a03.01ཉིད་བཞེངས་ཤིག །ཕག་མོ་ཡིས་སོ། །འཇིག་རྟེན་མགྲོན་གཉེར་སྟོང་ཉིད་བཞུགས་སམ་ཅི། །རྗེ་བཙུན་འཇིག་རྟེན་བསོད་ནམས་ཉིད་ཀྱིས་བཞེངས། །དབྱངས་ཅན་མ་ཡིས་སོ། །བྱང་ཆུབ་རང་བཞིན་འཇིག་རྟེན་མགྲོན་གཉེར་ནས། །ཁྱོད་ཉིད་སྟོང་ཉིད་སེམས་ཤིང་ཅི་ལ་
D475.083.0216a04.01བཞུགས། །གཽ་རཱི་ཡིས་སོ། །རབ་ཏུ་སད་པར་བྱས་ནས་སླར་ཡང་དེ་ལ་རབ་ཏུ་བཞུགས་སོ། །དེའི་འོག་ཏུ་དེ་ལ་ཁུ་བའི་ཚོགས་གྱུར་པ་ལས་བདག་ཉིད་ལྷའི་བདག་ཉིད་ཅན་མ་ཧེ་དམར་པོའི་སྟེང་ན་དེ་ཡང་གར་གྱི་ཉམས་དགུ་དང་ལྡན་པ་བན་དྷུ་ཀའི་མེ་ཏོག་ལྟ་བུ་དྲག་པོ་ཞལ་གཅིག་པ།
D475.083.0216a05.01ཕྱག་གཉིས་པ་མཆེ་བ་རྣམ་པར་གཙིགས་པ། དམར་ལ་ཟླུམ་པའི་སྤྱན་གསུམ་པ། སྨ་ར་དམར་སེར་འཇིགས་པར་བྱེད་པ་མིའུ་ཐུང་གསུས་པ་འཕྱང་ཞིང་འཇིགས་པ། དབུ་སྐྲ་དམར་སེར་གྱེན་དུ་བརྫེས་པ། ལྗགས་འདྲིལ་ཞིང་ཁྲག་འཛག་པ། སྨིན་མ་གཉེར་ཞིང་དྲག་ཏུ་བཞད་
D475.083.0216a06.01པ། མགོ་བོས་མཚན་པའི་དབྱུག་པ་དཀར་པོ་གཡས་པའི་ཕྱག་གིས་འཛིན་པ། ཕྱག་གཡོན་པས་མྱོས་བྱེད་དང་ཁྲག་གིས་གང་བའི་ཐོད་པ་འཛིན་པ། ཉི་མ་བྱེ་བའི་གཟི་བརྗིད་དང་མཉམ་པ། གཡོན་བརྐྱང་བའི་ཞབས་ཀྱིས་གནས་པ། གཤིན་རྗེ་འཇིགས་ཤིང་བསྡིགས་པར་
D475.083.0216a07.01