完整藏文原文 · 德格版页 当前仅加载第 83 函德格 235b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷན་སྐྱེས་འཆར། །བསྒོམ་བྱ་འདིར་ནི་ཐེ་ཚོམ་མེད། །དོན་འདི་གང་གིས་ཤེས་བྱེད་པ། །བློ་བཟང་ཡིད་ནི་མཉམ་པར་གཞག །ཆོས་རྣམས་ཐམས་ཅད་དེ་ཤེས་བྱེད། །སངས་རྒྱས་ལམ་གྱི་མན་ངག་གོ། །འཇུག་ངོགས་ཆེན་པོར་ཁྱོད་བཀྲུས་ཏེ། །དེ་བཞིན་གཤེགས་པས་མངོན་དབང་བསྐུར། །དེ་ཡང་གང་དང་གང་
D475.083.0235b01.01འགྲོ་བ། །དེར་ནི་སངས་རྒྱས་འོང་བར་བྱེད། །ཀུན་དུ་བྱང་ཆུབ་སེམས་དཔའ་ཉིད། །སྣ་ཚོགས་སེམས་ཅན་ཕན་པར་བྱེད། །ཧ་ཧར་དགོད་པར་གྱིས་ཤིག་ཅེས། །ཕྱོགས་བཅུར་རྣམ་པར་གནས་པ་ཡིས། །བདུད་རྣམས་ཀུན་དུ་འབྲོས་པར་བྱེད། །ཐལ་མོ་སྦྱར་བར་བྱས་ནས་ནི། །ཁྱེད་ཞབས་ཀུན་གྱིས་འདུད་པར་བྱེད། །སྣ་
D475.083.0235b02.01ཚོགས་གཟུགས་འཆང་བུད་མེད་ནི། །སྣ་ཚོགས་འདོད་པས་འཁྲུགས་པར་རིག །བཙོགས་མ་ཏིལ་མཆོག་མ་ལ་སོགས། །བཀུག་ནས་རྫོགས་པར་ལོངས་སྤྱོད་བྱེད། །ཅེས་པས་གཤིན་རྗེའི་གཤེད་དམར་པོའི་རྒྱུད་དུ་རླུང་གི་དེ་ཉིད་དེ་ལེའུ་བཅུ་བཞི་པའོ།། །།དེ་ནས་རླུང་གི་རྣམ་གྲངས་ནི། །བཅོམ་ལྡན་འདས་ཀྱིས་
D475.083.0235b03.01བསྟན་དུ་གསོལ། །རབ་ཏུ་ཕྱེ་ནས་བཤད་ཀྱིས་ཉོན། །རིགས་ཀྱི་དབྱུག་གུ་སོ་གཉིས་ལ། །ཐུན་ཚོད་བཞི་རུ་འགྱུར་བ་ཡིན། །བཅུ་དྲུག་གཉིས་ཀྱིས་རྣམ་པར་འགྱུར། །ཐུན་གཅིག་དབྱུག་གུ་ལྷག་པ་ལ། །ཐུན་ཕྱེད་དབྱུག་གུ་བཞི་ཡིན་ཏེ། །དེས་ན་རིམ་པ་བཞིན་འགྱུར་རོ། །ཉིན་དང་མཚན་མོར་རིམ་པས་ཀྱང་། །འཕོ་བ་
D475.083.0235b04.01བཅུ་དྲུག་རབ་ཏུ་བརྗོད། །མེ་དང་རླུང་དང་ཆུ་དང་ནི། །དབང་ཆེན་དཀྱིལ་འཁོར་བཞི་པོ་ནི། །འབབ་པས་དབྱུག་གུ་བཞི་རབ་གྲགས། །རླུང་ནི་བཞི་པོ་རྣམ་འཕེལ་ལས། །འཁོར་ལོ་བཞི་རུ་རབ་ཏུ་བརྗོད། །རྣམ་པ་སྣ་ཚོགས་ལ་སོགས་བཞི། །སྐད་ཅིག་ཐང་ཅིག་སོགས་དབྱེ་ལས། །རྣམ་པ་བཞི་རུ་དེ་བརྗོད་དོ། །
D475.083.0235b05.01དེ་བཞིན་དགའ་བ་བཞི་པོ་སྟེ། །ཐུན་ཚོད་བཞིར་ཡང་རབ་ཏུ་བརྗོད། །སྐུ་གསུམ་དེ་ལ་སྐུ་བཞི་པ། །དེ་བཞིན་ཐམས་ཅད་བཞི་རུ་ཡང་། །ཕྱི་ཡི་རིམ་པ་དེ་བཞིན་ནོ། །རྣལ་འབྱོར་བཞི་དང་བཞི་པ་ནི། །སྐུ་ནི་བཞི་རུ་ཡང་དག་བརྗོད། །འདིས་ནི་དབྱུག་གུ་བཞིར་འགྱུར་ཏེ། །རབ་ཏུ་
D475.083.0235b06.01དབྱེ་བས་དྲུག་ཅུ་བཞི། །ཀྱེ་ཡི་རྡོ་རྗེ་བསྟན་དང་འདིར། །དེ་བཞིན་ངེས་བསྟན་ལུས་ཀྱི་ནི། །འོག་ལ་འཁོར་ལོ་བཞི་ཡོད་དེ། །དེ་ཡང་སྐུ་ནི་བཞི་པ་ཡིན། །དགའ་བ་བཞི་ལ་མཚོན་པ་ཡང་། །སྐུ་བཞི་པོར་ནི་རབ་ཏུ་བརྗོད། །དཔལ་གཤིན་རྗེའི་གཤེད་དམར་པོའི་རྒྱུད་མདོར་བསྟན་པ་སྟེ་ལེའུ་བཅོ་ལྔ་པའོ།། །།
D475.083.0235b07.01