完整藏文原文 · 德格版页 当前仅加载第 83 函德格 232b 版页；藏文 NFD、目录标记与异常页序保留在来源切片中，重复版页行以稳定序号区分。
སྒྲུབ་བྱེད། །བུམ་པ་ཅན་སོགས་རབ་སྦྱོར་བས། །ལྟ་སྟངས་བཞི་ནི་ངེས་སྦྱོར་བྱ། །གཡོན་དུའང་ལྟ་བའི་ལྟ་སྟངས་ནི། །བུམ་པ་ཅན་གྱིས་དབང་དུ་བྱེད། །གཡས་ནས་དགུག་པར་བྱ་བ་ནི། །གང་བ་ཅན་གྱིས་ངེས་པར་སྦྱོར། །དཔྲལ་བར་གནས་པའི་ལྟ་སྟངས་གང་། །རེ་ཙ་ཀ་ཡིས་
D475.083.0232b01.01གསོད་པར་བྱེད། །སྣ་རྩེར་གནས་པའི་ལྟ་སྟངས་ནི། །བུམ་པ་ཅན་གྱིས་རེངས་པར་བྱེད། །ཛ་བའི་མེ་ཏོག་བུམ་པ་ཅན། །རློན་པའི་ཤིང་ལའང་རེ་ཙ་ཀས། །མཉམ་པར་ཟོས་ལ་རེ་ཙ་ཀས། །གཡོ་བཅས་རྩ་ལ་བུམ་པ་ཅན། །སྔོན་དུ་ལྟ་སྟངས་ངེས་སྦྱོར་བ། །ཟླ་བ་དྲུག་ཏུ་བསམ་
D475.083.0232b02.01པར་བྱ། །ཀུན་གྱི་ནུས་པ་སྦྱོར་བ་ནི། །སེམས་འགོག་པ་ལས་འགྲུབ་པར་བྱེད། །སེམས་འགོག་པ་ལས་རླུང་འགོག་སྟེ། །འགོག་ལས་སེམས་ཀྱང་འགོག་པར་འགྱུར། །ཕན་ཚུན་སོན་པ་བཅིངས་པའོ། །ཤེས་རབ་ཐབས་གཅིག་རྡོ་རྗེ་དང་། །པདྨ་མཉམ་པར་རྟོགས་པ་ལ། །
D475.083.0232b03.01འགོག་པའི་བདེ་བ་ཟོས་པ་ནི། །ཐམས་ཅད་ཡང་དག་འགྲུབ་པར་འདོད། །ཚངས་པ་ཁྱབ་འཇུག་ལ་སོགས་ལྷ། །སྔགས་པ་དེ་ཡི་ལྷན་ཅིག་ཏུ། །འཇིག་རྟེན་པ་ཀུན་ཅི་སླར་ཡང་། །ཅི་བགྱི་ཡོད་པར་འགྱུར་བ་ཡིན། །རྣལ་འབྱོར་རྣལ་འབྱོར་མ་རྒྱུད་དུ། །ཐམས་ཅད་མཁྱེན་པས་གསུངས་པ་ཡང་། །
D475.083.0232b04.01རྩོད་ལྡན་དུས་སུ་རབ་ཏུ་སྤྱོད། །དངོས་གྲུབ་མེད་པར་མི་བལྟ་སྟེ། །རྫོགས་ལྡན་གསུམ་ལྡན་གཉིས་ལྡན་དང་། །རྩོད་དུས་ལ་ཡང་བདེན་པར་འགྲུབ། །སླར་ཡང་ལྷ་དང་བཅས་པ་ཡི། །དངོས་གྲུབ་མཆོག་ནི་བསྟན་པར་བྱ། །སྦས་པ་ཀུན་མཁྱེན་སྤྱོད་ཡུལ་བ། །ཁྱེད་ཀྱིས་དེ་ལ་ང་ཡིས་བཤད། །
D475.083.0232b05.01གཤིན་རྗེའི་གཤེད་པོས་དེའི་ངལ་བ་འབྲས་བུ་མེད། ཅེས་སོ། །གཤིན་རྗེའི་གཤེད་དམར་པོའི་རྒྱུད་དུ་རླུང་གི་དེ་ཉིད་ཅེས་བྱ་བའི་ལེའུ་སྟེ་བཅུ་གཉིས་པའོ།། །།བཅོམ་ལྡན་གཤིན་རྗེའི་གཤེད་ཀྱི་མི། །དམར་པོ་བརྗོད་པའི་མིང་ཅན་ལ། །ཡ་ཡིག་གིས་ནི་ཅི་ཞིག་བརྗོད། །དེ་བཞིན་མ་ཡིག་གིས་
D475.083.0232b06.01ཀྱང་ནི། །སླར་ཡང་དེ་ཡི་ཨ་ཡིག་གིས། །རི་ཡིག་གིས་ཅི་བརྗོད་པར་བྱ། །རཀྟ་ཉིད་ནི་ཅི་ཡི་མིང་། །མངའ་བདག་བདེན་པས་གསུང་དུ་གསོལ། །ལེགས་སོ་ལེགས་སོ་གང་དྲིས་པ། །དེ་ནི་བཤད་ཀྱིས་ཉོན་ཅིག་དང་། །ཡ་ཡིག་གིས་ནི་རླུང་ཡང་སྟེ། །གཤིན་རྗེའི་གཤེད་དམར་པོར་
D475.083.0232b07.01