完整藏文原文 · 德格版页 当前仅加载第 83 函德格 218a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཞལ་གཅིག་པ་ཕྱག་གཉིས་པ་གཤིན་རྗེ་གཤེད་ཁོ་ན་ངའོ་ཞེས་སོ། །རྣལ་འབྱོར་ཆེན་པོའོ། །རྣལ་འབྱོར་བཞི་བརྗོད་པ་འདིས་ཐུན་གསུམ་ཉིད་ཀྱིས་སམ། ཐུན་བཞིས་ཀྱང་རུང་སྟེ། དེ་ལྟར་མངོན་པར་འདོད་པའི་དུས་སུ་རྟག་ཏུ་ཡོངས་སུ་རྫོགས་པའི་བར་ཇི་
D475.083.0218a01.01སྲིད་དུའོ་ཞེས་སོ། །དེ་ནས་འབུམ་ཕྲག་གི་མཐར་མཚན་ཐོག་ཐག་ཏུ་བཟླས་པར་བྱ་སྟེ། །སྔོན་དུ་བསྙེན་པར་བྱས་པར་འགྱུར་རོ། །དེ་ནས་ལས་ཐམས་ཅད་པའི་ཐབས་ཀྱི་ཆོ་གས་མར་དང་སྦྲང་རྩི་དང་མེ་ཏོག་དམར་པོས་སྟོང་ཕྲག་བཅུར་སྦྱིན་སྲེག་བྱ་སྟེ། རེ་རེ་ཞིང་གསང་སྔགས་
D475.083.0218a02.01བཀླགས་ནས་སོ། །ཨོཾ་ཧྲཱིཿཥྚྲཱིཿབི་ཀྲྀ་ཏཱ་ན་ན་མནྟྲ་སིདྡྷིམྨེ་དེ་ཧི་ཏཱི་ཧཱུྃ་ཧཱུྃ་ཕཊ་ཕཊ་སྭཱ་ཧཱ། དེ་ནས་གསང་སྔགས་ཀྱི་སྔགས་ཀྱི་དངོས་གྲུབ་ཏུ་འགྱུར་རོ། །ལས་ཐམས་ཅད་ཀྱི་དངོས་གྲུབ་བོ། །དམར་པོ་ཞེས་པའི་ལྷ་ལ་སོགས་པའི་ལེའུ་སྟེ་དང་པོའོ།། །།འདིར་
D475.083.0218a03.01བཅོམ་ལྡན་འདས་ལ་གསོལ་པ། བཅོམ་ལྡན་འདས་ཀྱེ་ཕྱག་རྒྱ་ཆེའི། །དངོས་གྲུབ་ཇི་ལྟར་འགྱུར་བ་དང་། །རྣམ་པ་ཅི་ཡིས་བསྒྲུབ་བྱ་བ། །དེའང་བཅོམ་ལྡན་འདས་གསུང་དུ་གསོལ། །ཁ་ཡིས་ཁ་ལ་འོ་བྱས་ནས། །ཕན་ཚུན་དམ་པོ་ཡིས་ནི་འཁྱུད། །མཆོག་ཏུ་
D475.083.0218a04.01དགའ་བའི་གཟུགས་ཀྱིས་ནི། །དགའ་མ་བཤད་པར་བྱ་ཡིས་ཉོན། །གར་བྱེད་པའི་འབྱུང་གནས་རྣལ་འབྱོར་བ་དག་ཉིད་ཀྱི་གཟུགས་གང་ཡིན་པ། བཅོམ་ལྡན་འདས་མཆོག་ཏུ་རྣམ་པར་མ་ཆད་པར་འབབ་པ་སྟེ། །དཔེར་ན་ཆུ་ཀླུང་གི་རྒྱུན་རབ་ཏུ་འབབ་པ་བཞིན་ནོ། །
D475.083.0218a05.01འདིར་ཇི་སྲིད་དུ་བསྒོམས་པ་ལས་སྐྱོན་སྔགས་བཟླས་པར་བྱའོ། །བཅོམ་ལྡན་འདས་ཀྱི་གཟུགས་གལ་ཏེ་མྱུར་དུ་གྲུབ་པར་འགྱུར་གྱི་གཞན་དུ་མ་ཡིན་ནོ། །ཇི་སྲིད་དུ། འདིའི་དངོས་གྲུབ་ཀྱང་ཕྱག་རྒྱ་ཆེན་པོའི་དངོས་གྲུབ་ཁོ་ན་དེའོ། །འདི་རྣམས་ཀྱང་རྣལ་འབྱོར་གོམས་པ་
D475.083.0218a06.01ཁོ་ནས་ཐམས་ཅད་སྒྲུབ་པར་བྱེད་ཀྱི་གཞན་དུ་མ་ཡིན་ནོ། །གོམས་པའི་སྦྱོར་བར་འགྱུར་བ་ནི་སྐྱེས་པ་དང་བྱུང་བ་དང་མ་བྱུང་བ་དང་། སྔོན་དུ་གནས་པ་རྣམས་ཐར་པའི་དོན་དང་འདོད་པའི་དོན་རྣམ་པ་སྣ་ཚོགས་པ་དང་སངས་རྒྱས་ཉིད་ཀྱི་དངོས་གྲུབ་ཀྱང་སྐྱེ་བ་འདི་ཉིད་ལའོ། །ལས་
D475.083.0218a07.01