dpal ldan gshin rje gshed dmar po'i rgyud kyi rgyal po zhes bya ba/
当前为德格木刻版 235a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 235a
- 可引用原文
- 7 行
- 全文规模
- 全经 420 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 83 函 · 德格 235a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ཡོངས་སུ་ངལ་མེད་པར། །བདེ་བ་ཆེན་པོ་གསུངས་པ་དེའི། །བདེ་བ་ཐམས་ཅད་ཀུན་བསྡུས་པའོ། །པད་འདབ་དྲུག་ཅུ་རྩ་བཞི་པ། །རྒྱུ་བཅས་ཆེད་དུ་རྣལ་འབྱོར་མ། །ལོངས་སྤྱོད་རྫོགས་ལས་བདེ་བ་ཐོབ། །སྤྱོད་ཅིང་སྤྱོད་ལ་དེ་རྩེའོ། །སྐད་ཅིག་གཅིག་མངོན་རྫོགས་བྱང་ཆུབ། །གཞན་དུ་འཇིག་རྟེན་གསུམ་སྤྱོད་བྱེད། །འདི་ནི་སྐུ་ནི་བཞི་པོ་སྟེ། །སངས་རྒྱས་རྣམས་ཀྱིའང་སྤྱོད་ཡུལ་མིན། །འཇིག་རྟེན་འདས་པའི་ཐ་སྙད་ཀྱིས། །རྣལ་འབྱོར་དམ་པའི་རྣམ་པས་བསྟན། །འཁོར་ལོ་བཞི་ཡི་རྣམ་པ་ཡིས། །ཀྱེ་ཡི་རྡོ་རྗེར་བདག་གིས་བསྟན། །སྒོམ་པའི་སྦྱོར་བ་འདུས་པ་རུ། །རྩ་རྣམས་མཁའ་འགྲོ་མ་ཀུན་གྱིས། །
འབྲས་བུའི་སྒྲུབ་ཐབས་ཀྱེ་རྡོ་རྗེར། །གང་དུ་རླུང་གི་སྒྲུབ་ཐབས་ནི། །ཉིན་དང་མཚན་མའི་རབ་དབྱེ་ལ། །འདབ་མ་དྲུག་ཅུ་བཞིར་དབྱུག་གུ། །ཞེས་པ་འདི་དག་ཐུན་མོང་གི། །རབ་ཏུ་དབྱེ་བས་བརྗོད་པར་བྱ། །ལྷ་ཡི་གཟུགས་ཀྱི་བདག་ཉིད་ཅན། །སླར་ཡང་སྐུ་གསུང་ཐུགས་དབྱེ་བས། །ཡིག་གསུམ་ཉིད་ཀྱི་མཉམ་གཞག་པའི། །ཡིད་ཀྱིས་ཁོང་དུ་ཆུད་པར་བྱ། །ཨོཾ་ཡིག་གིས་ནི་འཇུག་པ་དང་། །ཨཱཿཡིག་གིས་ནི་དེ་བཞིན་གནས། །ཧཱུྃ་ཡིག་གིས་ནི་དབྱུང་བ་ཡང་། །རྣལ་འབྱོར་མན་ངག་ལས་བྱའོ། །ཨོཾ་ཨཱཿཧཱུྃ་ཞེས་བྱ་བ་འདིས། །རྒྱུ་བཅས་རྒྱུ་མེད་བསྟན་པར་འགྱུར། །དེ་ལས་ས་བོན་མཚན་མའང་སླར། །སྣ་རྩེར་མཆོག་ཏུ་བསམ་པར་བྱ། །འོད་
གསལ་བ་ཡི་རང་བཞིན་བྱ། །དེ་བཞིན་བདག་གཞན་མཉམ་པ་ཉིད། །བྱེད་མེད་གཟུགས་ཀྱི་ཕྲེང་བ་ཡི། །ཡང་ཡང་སྐད་ཅིག་སྐད་ཅིག་མ། །གཅིག་ལས་སླར་ཡང་བཞེངས་ཆེད་དུ། །སྔགས་པས་གྲིབ་མ་སྒྱུ་མ་ལྟའི། །དབྱེ་བས་ཀུན་ཏུ་བསམ་པར་བྱ། །དག་པའི་སྐུ་འདི་ཡིས་ནི་གང་། །ཡེ་ཤེས་བརྩོན་པས་བསྒོམ་པར་བྱ། །སེམས་ཅན་ཀུན་ནི་ཆོས་ཉིད་བྱེད། །ལྷ་ཡི་རྣལ་འབྱོར་འདི་ཉིད་ནི། །བླ་མའི་མན་ངག་ལས་རྟོགས་བྱ། །སླར་ཡང་སྔགས་པས་འཇིག་རྟེན་དོན། །སླར་ཡང་ཡི་གེ་བསྒོམ་པར་བྱ། །ལོངས་སྤྱོད་རྫོགས་པའི་སར་ལན་གྲངས། །
ཀུན་ཏུ་ངེས་པ་འཆིང་བས་བཅིང་། །ལག་པས་ངེས་སྦྱར་སྟེང་གིས་ནི། །ཡི་གེས་བསྟན་པའི་འཁྲུལ་འཁོར་ལས། །རྐྱང་མ་དང་ནི་རོ་མ་ཡིས། །དབུས་སུ་གཡོ་མེད་འཇུག་པར་གྱིས། །སྐུ་གསུང་ཐུགས་སུ་ངེས་སྦྱར་ནས། །ཕྱག་རྒྱ་མཆོག་ཏུ་བསམ་པར་བྱ། །སྐད་ཅིག་དེ་ལས་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D475
- 德格版页
- 235a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0475 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。