完整藏文原文 · 德格版页 当前仅加载第 83 函德格 236a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱིས་བཀའ་སྩལ་པ། །སྲིད་པའི་འཁོར་ལོར་བརྗོད་བྱ་ཅི། །ལྷ་ཡི་གསང་ལས་ཆེས་གསང་དྲིས། །སྲིད་གསུམ་སེམས་ཅན་རྨོངས་པ་རྣམས། །ཉམས་བྱེད་སྙིང་པོ་འདི་ཉོན་ཅིག །རྟག་ཏུ་སངས་རྒྱས་ཉིད་སྒྲུབ་པ། །བདུད་ཀྱིས་སྤྲུལ་པ་
D475.083.0236a01.01འདིས་ནི་ཞེས། །དེ་ལྟར་རྣལ་འབྱོར་འཁོར་བར་འཁྱམ། །རྣལ་འབྱོར་འཁོར་བར་འཁྱམ་པ་ལས། །འཁོར་བ་མཆོག་ཏུ་བརྩེ་བར་བྱེད། །ཆུ་ལ་པདྨའི་འདབ་མ་བཞིན། །སྐྱོན་གྱིས་ཅི་ཡང་གོས་པ་མེད། །བཅུ་གཉིས་རྣམ་པའི་འཁོར་ལོ་འདི། །བཅུ་གཉིས་དོན་ཞེས་
D475.083.0236a02.01རབ་ཏུ་གནས། །འཁོར་ལོ་འདི་ཉིད་ཁོ་ན་ཡང་། །ཡན་ལག་བཅུ་གཉིས་རབ་ཏུ་གྲགས། །གང་གིས་འཁོར་ལོ་འདི་ཤེས་བྱེད། །སངས་རྒྱས་ཀུན་གྱིས་རབ་གྲགས་པའི། །ཆོས་རྣམས་མ་ལུས་ཤེས་བྱེད་ཅིང་། །ཆོས་ཀྱི་འཁོར་ལོ་རབ་བསྐོར་བྱེད། །དེ་ཕྱིར་ཡན་ལག་བཅུ་གཉིས་
D475.083.0236a03.01པའི། །ཆོས་ཀྱི་འཁོར་ལོ་རབ་བསྐོར་བ། །བདག་གིས་བཤད་པར་བྱ་ཡིས་ཉོན། །མ་རིག་པ་དང་འདུ་བྱེད་དང་། རྣམ་པར་ཤེས་པ་དང་། མིང་དང་གཟུགས་དང་། སྐྱེ་མཆེད་དྲུག་དང་། རེག་པ་དང་། ཚོར་བ་དང་། སྲེད་པ་དང་ཉེ་བར་ལེན་པ་དང་། སྲིད་པ་དང་། སྐྱེ་བ་དང་། རྒ་ཤི་
D475.083.0236a04.01ཞེས་བྱ་བ་ཡན་ལག་བཅུ་གཉིས་རྣམས་སོ། །མ་རིག་པ་ནི་སྔོན་གྱི་ཉོན་མོངས་པའོ། །འདུ་བྱེད་ནི་སྔོན་གྱི་ལས་རྣམས་སོ། །རྣམ་པར་ཤེས་པ་ནི་སྔོན་གྱི་སོ་སོར་ཀུན་ཏུ་རྟོག་པའོ། །མིང་དང་གཟུགས་ནི་ནུར་ནུར་པོ་དང་། མེར་མེར་པོ་དང་། གོར་གོར་བོ་དང་། ནར་ནར་པོ་དང་། རྐང་ལག་
D475.083.0236a05.01འགྱུས་པའི་གནས་སྐབས་ལྔའོ། །སྐྱེ་མཆེད་དྲུག་ནི་མངལ་ནས་ངེས་བྱུང་བའི་མིག་ལ་སོགས་པའི་དབང་པོ་དྲུག་རྫོགས་པའོ། །རེག་པ་ནི་ཡུལ་དང་། དབང་པོ་དང་། རྣམ་པར་ཤེས་པ་གསུམ་འདུས་པ་ལས་སོ། །ཚོར་བ་ནི་བདེ་བ་དང་། སྡུག་བསྔལ་དང་། བཏང་སྙོམས་ཀྱི་
D475.083.0236a06.01མཚན་ཉིད་ལས་དོན་རྣམ་པ་གསུམ་དུ་དབྱེའོ། །སྲེད་པ་ནི་འཁྲིག་པའི་འདོད་ཆགས་སོ། །ཉེ་བར་ལེན་པ་ནི་འདོད་པའི་ཡུལ་ཡོངས་སུ་འཛིན་པའོ། །སྲིད་པ་ནི་འབྱུང་འགྱུར་གྱི་སྲིད་པ་ལས་ཀྱི་འབྲས་བུའོ། །སྐྱེ་བ་ནི་སླར་ཡང་ཕུང་པོ་ལ་ཉིང་མཚམས་སྦྱོར་བའོ། །རྒ་ཤི་
D475.083.0236a07.01