完整藏文原文 · 德格版页 当前仅加载第 79 函德格 31b 版页；藏文 NFD、目录标记与异常页序保留在来源切片中，重复版页行以稳定序号区分。
ཞུས། །ཀུན་གྱི་རྣམ་པ་རྒྱས་པ་རུ། །བཅོམ་ལྡན་འདས་ཀྱིས་བཤད་དུ་གསོལ། །གང་ནི་གནས་སུ་གནས་པ་ཡིན། །རྒྱུ་དང་མི་རྒྱུ་རྣམས་ལ་བརྩེ། །ཉོན་ཅིག་མན་ངག་ཇི་བཞིན་བཤད། །རྟག་པ་བསམ་གྱིས་མི་ཁྱབ་གཟུང་། །གང་གིས་ཇི་ལྟར་སྔོན་དུ་གསུང་། །ཐམས་
D374.079.0031b01.01ཅད་བདག་ཉིད་རྟག་ཏུ་གནས། །ལུས་ཀྱི་དཀྱིལ་འཁོར་ཞེས་སུ་བརྗོད། །སྒོ་དགུ་རུ་ནི་གྱུར་པ་སྟེ། །ལྟེ་བའི་དབུས་ན་པདྨ་ཆེ། །ཐམས་ཅད་མཁྱེན་པའི་ཡེ་ཤེས་གྲགས། །དེ་ཡི་གནས་ན་དཔའ་བོ་བཞུགས། །ཆ་མེད་ཆ་ནི་རྣམ་པར་སྤངས། །ལུས་རྣམས་ཀུན་གྱིས་རྣམ་
D374.079.0031b02.01པར་བརྩེ། །ལུས་བྲལ་དྲི་མ་མེད་པ་སྟེ། །ལ་ལར་གཟུགས་ཀྱི་གནས་ན་བཞུགས། །ལ་ལར་སྣ་ཡི་གནས་ན་བཞུགས། །ལ་ལར་མིག་གི་སྒོ་ན་གནས། །ལ་ལར་སྒྲ་ཡི་སྒོ་ན་བཞུགས། །ལ་ལར་བཤང་གཅིའི་སྒོ་ན་གནས། །ལ་ལར་སེམས་དང་རྣམ་ཤེས་བཅས། །
D374.079.0031b03.01ལ་ལར་སྲེད་དང་ལྟོགས་དང་སྐོམ། །ལ་ལར་ཁྲོ་དང་ལ་ལར་ཞི། །ལ་ལར་ལྟོགས་དང་བཅས་པའི་གདོང་། །ལ་ལར་བུད་མེད་མཆོག་གི་ལུས། །ལ་ལར་གསོད་ཅིང་བརྡེག་པ་དང་། །ལ་ལར་སྨྲ་བ་བཞིན་དུ་གནས། །ལ་ལར་མེ་ཏོག་འབྲས་ལ་གནས། །ལ་ལར་རྩེ་ཞིང་
D374.079.0031b04.01ལོངས་སྤྱོད་ག་ནས། །ལ་ལར་དྲི་ལ་རྣམ་པར་གནས། །ལ་ལར་འབྱུང་བ་ཆེན་པོ་ལྔ། །ས་དང་ཆུ་དང་མེ་དག་དང་། །ལ་ལར་རིགས་ཀྱི་དབྱེ་བ་ཡིས། །གཏུམ་མོ་དང་ནི་སྦོམ་པོ་དང་། །ལ་ལར་མ་དང་སྲིང་མོ་ཡིན། །ལ་ལར་ཆུང་མ་བུ་མོ་དང་། །ལ་ལར་ཚངས་པ་དབང་ཕྱུག་དང་། །
D374.079.0031b05.01ཉི་མ་དང་ནི་འཕྲོག་མ་དང་། །ལ་ལར་ཟླ་བ་སྐར་མ་དང་། །ལ་ལར་ནུབ་མོ་ཉིན་མོ་དང་། །ལ་ལར་ཁམས་གསུམ་པ་ཡིན་ཏེ། །ལ་ལར་ཐམས་ཅད་མེད་ཟད་རྒྱལ། །ལ་ལར་རོ་དང་བག་ཆགས་ནུབ། །ཆ་མེད་སྟོང་པ་ཀུན་མི་གསལ། །ལ་ལར་བྱང་ཆུབ་གཟིགས་མོ་ཆེ། །ལ་ལར་
D374.079.0031b06.01བདུད་ལས་རྒྱལ་བ་ཡིན། །ལ་ལར་ཆོས་ཀྱི་འཁོར་ལོ་ཆེ། །དེ་བཞིན་ལ་ལར་འཆི་འཕོ་སྟེ། །ལ་ལར་དཀའ་བ་སྤྱོད་པ་ཡིན། །ལ་ལར་དགེ་སློང་ཚུལ་དུ་གནས། །ལ་ལར་བྱིས་པ་ཡི་ནི་གཟུགས། །ལ་ལར་རྒས་ཤིང་འཁོགས་པ་དང་། །ལ་ལར་ན་བས་ཟོས་པ་དང་། །
D374.079.0031b07.01