完整藏文原文 · 德格版页 当前仅加载第 79 函德格 16b 版页；藏文 NFD、目录标记与异常页序保留在来源切片中，重复版页行以稳定序号区分。
པས་ནུབ་མོ་སྦྱིན་སྲེག་བྱ། །འདོད་པས་ཕོ་ཉ་བཅས་པ་རུ། །དེ་ཡིས་ཐམས་ཅད་འགྲུབ་པར་འགྱུར། །ཕྱག་རྒྱ་ཡི་ནི་རྗེས་འཇུག་པས། །ཕྱག་རྒྱ་ཡི་ནི་སྦྱོར་བར་འགྲུབ། །རྟག་ཏུ་རྒྱལ་པོ་དབང་པོ་དང་། །ཡང་དག་སངས་རྒྱས་ཕ་རོལ་གནོན། །ཡེ་ཤེས་
D374.079.0016b01.01གཟུགས་ནི་རྣལ་འབྱོར་ཆེ། །འདོད་གཟུགས་མར་ནི་གྱུར་པ་སྟེ། །ལྷ་མོ་ཆེན་མོ་ལྷ་མ་ཡིན། །ཀླུ་མོ་ཉིད་ཀྱི་བུ་མོར་འདོད། །སྲིན་མོ་དང་ནི་ཉེ་སྲིན་མོ། །དྲི་ཟ་དང་ནི་གནོད་སྦྱིན་མོ། །མི་རྣམས་ཉིད་ནི་ཐམས་ཅད་དུ། །འཇིག་རྟེན་གསུམ་ནི་དབང་དུ་འགྱུར། །དྲུག་
D374.079.0016b02.01ཅུ་རྩ་བཞི་རབ་སྦྱར་བས། །རྣལ་འབྱོར་ཕྱག་རྒྱ་ལ་ནི་རྩེ། །བཟའ་དང་བཏུང་དང་རྙེད་དང་འཇིགས། །འདི་རྣམས་ཀུན་ནི་ཡོངས་སུ་གཏང་། །དེ་ཉིད་དོན་དམ་ཡེ་ཤེས་ཏེ། །དེ་ཉིད་དོན་དམ་གོ་འཕང་ཡིན། །དེ་ཉིད་དོན་དམ་སངས་རྒྱས་ཉིད། །དེ་ཉིད་དོན་དམ་བདེ་བ་སྟེ། །
D374.079.0016b03.01གཞན་དུ་ཡོད་པར་མི་བརྗོད་དོ། །དམ་ཚིག་ཉེ་བར་སྤྱད་པ་ཡིན། །རྟག་ཏུ་གཉིས་མེད་ཕྱག་རྒྱར་བཅས། །ཕོ་ཉ་མཆོད་པས་རབ་ཏུ་འཕེལ། །སྒྲུབ་པོས་མཆོད་པ་ཙམ་གྱིས་ནི། །དངོས་གྲུབ་ཀུན་ནི་ཤིན་ཏུ་བྱེད། །ཕོ་ཉ་སྨད་པར་མི་བྱ་སྟེ། །སྒྲུབ་པོས་ཐམས་ཅད་
D374.079.0016b04.01འགུགས་པ་ཡིན། །རྒྱབ་དང་སྨད་དང་བཅས་པ་དང་། །ལོངས་སྤྱོད་སྡིག་པས་གོས་མི་འགྱུར། །ཕོ་ཉས་ལྷན་ཅིག་སྐྱེས་དངོས་གྲུབ། །གསང་བའི་མཆོད་པ་རབ་ཏུ་འཕེལ། །རྣལ་འབྱོར་སྦྱོར་བྲལ་མི་བྱ་སྟེ། །འདི་རྣམས་སྔགས་ནི་སྨྲས་པ་ཡིན། །དཔལ་ཁྲག་
D374.079.0016b05.01འཐུང་མངོན་པར་འབྱུང་བ་ལས་ཕྲིན་ལས་བཞིའི་སྦྱིན་སྲེག་གི་ཆོ་གའི་ལེའུ་ཞེས་བྱ་བ་སྟེ་ཉི་ཤུ་རྩ་གཅིག་པའོ།། །།དེ་ནས་ཡང་དག་བཤད་པར་བྱ། །རོ་ལངས་ཆེན་པོ་སྒྲུབ་པའི་ཐབས། །དཔལ་ལྡན་ཁྲག་འཐུང་རྣལ་འབྱོར་ཆེ། །འཁོར་ལོ་ཀུན་ལ་རྣམ་པར་
D374.079.0016b06.01གནས། །མི་ཡི་མར་ཁུ་དེ་ཡི་ཤ། །སྲེག་བླུགས་བརྒྱ་རྩ་བརྒྱད་བླུགས་བྱ། །དེ་རུ་རྡོ་རྗེ་ཕག་མོ་བྱིན། །མཁའ་འགྲོ་མ་ཡི་འཁོར་གྱིས་བསྐོར། །རོ་ལངས་སྲིན་པོས་ཡང་དག་གང་། །བསྲེགས་པ་རྒོད་ཅིང་འཇིགས་པར་བྱེད། །ཅེ་སྤྱང་སྣ་ཚོགས་ང་རོ་ཆེ། །ཡོངས་སུ་
D374.079.0016b07.01