完整藏文原文 · 德格版页 当前仅加载第 79 函德格 9a 版页；藏文 NFD、目录标记与异常页序保留在来源切片中，重复版页行以稳定序号区分。
དང་རང་བྱུང་གཅིག་བྱས་ཏེ། །སྒྲུབ་པོས་རིག་པ་ལན་བདུན་བཟླས། །དེས་ནི་མི་ལ་རེག་བྱས་ན། །རེག་པས་སྐྱེས་བུ་ཁྲག་འཛག་འགྱུར། །ལན་ཅིག་བཟླས་པའི་རིག་པ་འདིས། །ཆུས་ནི་ཡོངས་སུ་ཐར་བར་འགྱུར། །དེ་ལྟར་སེམས་ཅན་གང་
D374.079.0009a01.01གང་ནི། །ཁྲག་དང་ཁྲག་ཆེན་པོ་དག་གིས། །སྐུད་པ་སྦགས་ཏེ་བཅིང་བར་བྱ། །ལན་བདུན་བཟླས་པ་དག་གིས་ནི། །དེ་གཟུགས་འཛིན་པར་ཐེ་ཙོམ་མེད། །ཀུན་ཏུ་ཆུ་ཡིས་གྲོལ་བར་འགྱུར། །བལྟས་པས་བུད་མེད་གཟུགས་བཟང་དང་། །རྒྱལ་པོ་རྣམས་དང་
D374.079.0009a02.01ས་བདག་དག །སྒྲུབ་པོས་མཐོང་དང་མ་མཐོང་བ། །ཐམས་ཅད་འགུགས་པར་འགྱུར་བ་སྟེ། །ལན་བདུན་མངོན་པར་བསྔགས་བྱས་ནས། །མདའ་ཡི་ཤུགས་ཀྱིས་འོང་བར་འགྱུར། །ཉི་མ་བདུན་ན་ཐེ་ཙོམ་མེད། །དཔལ་ཁྲག་འཐུང་མངོན་པར་འབྱུང་བ་ལས་དཔལ་
D374.079.0009a03.01རྡོ་རྗེ་ཕག་མོའི་རྩ་བའི་སྔགས་ཀྱི་རྣལ་འབྱོར་གྱི་འདོད་པ་དང་། བཅུད་ཀྱིས་ལེན་དང་འགུགས་པའི་ཆོ་གའི་ལེའུ་ཞེས་བྱ་བ་སྟེ་བཅུ་གཅིག་པའོ།། །།དེ་ནས་དངོས་གྲུབ་རྣལ་འབྱོར་ཆེ། །འཇིགས་པ་ཐམས་ཅད་རྣམ་སྤངས་ཏེ། །ཐང་ཀའི་གཟུགས་ཀྱི་རི་མོ་ནི། །
D374.079.0009a04.01སྔགས་པས་ཆོ་ག་བཞིན་དུ་བྲི། །རྣལ་འབྱོར་མ་ཡི་ལུས་གནས་པ། །སྒྲུབ་པ་པོས་ནི་མཚན་པར་བྱ། །བཅུ་བཞི་དང་ནི་ཚེས་བརྒྱད་དམ། །ནག་པོའི་ཕྱོགས་ཀྱི་ཚེས་བཅུ་ལ། །རིག་པས་ནུབ་མོ་མཆོད་པར་བྱ། །སྒྲུབ་པོས་དྲི་དང་མེ་ཏོག་དང་། །སྤོས་ནི་ཇི་
D374.079.0009a05.01ལྟར་གསུངས་པ་དང་། །དེ་བཞིན་ཡང་ནི་བཟའ་དང་བཏུང་། །མར་མེ་ཕྲེང་བ་དབུལ་བ་དང་། །དྲི་ཞིམ་སྤོས་ཀྱིས་མཆོད་པར་བྱ། །སྟན་གཅིག་ལ་ནི་གནས་ནས་ནི། །ལྷ་ལ་མངོན་པར་ཁ་བལྟས་ནས། །སྔགས་པས་ཁ་ནི་ནུབ་ཏུ་བལྟ། །སྒྲུབ་པ་པོས་ནི་ཐང་
D374.079.0009a06.01ཀའི་གཟུགས། །ཞལ་བཞི་ཕྱག་ནི་བཞི་པ་དང་། །ཐོད་པ་དང་ནི་ཁ་ཊྭཱཾ་ག། །མཛེས་པ་དག་ནི་གཟུང་བར་བྱ། །ལག་པས་ཞགས་པ་ལྕགས་ཀྱུ་བཟུང་། །ཁ་དོག་ནག་པོ་འབར་བ་ཆེ། །ཐོད་པའི་ཕྲེང་བ་བཅིངས་པ་དང་། །སྟག་གི་བགས་པས་བླ་གོས་བྱས། །སྟན་ལ་
D374.079.0009a07.01