完整藏文原文 · 德格版页 当前仅加载第 79 函德格 20a 版页；藏文 NFD、目录标记与异常页序保留在来源切片中，重复版页行以稳定序号区分。
མི་དོར། །རང་གི་རིགས་ཀྱི་རིག་པ་བཟླས། །དེ་བཞིན་དུ་ནི་དམ་ཚིག་བསྟན། །གང་ཞིག་ཕྱག་ནི་བྱེད་པ་ནི། །རྟག་ཏུ་གཡོན་པ་ཡིས་ནི་བྱ། །བུད་མེད་རྣམས་དང་མཐུན་པར་བྱ། །དེ་ཡིས་ངེས་པར་བདེན་པར་འབྱུང་། །རྐང་པ་གཡོན་པའི་མཐེ་བོང་
D374.079.0020a01.01གིས། །ས་ལ་བརྐོ་ཞིང་རི་མོ་འདྲི། །ལག་པ་གཡོན་པ་རང་ཕྱོགས་ཀྱི། །སྤྱི་བོ་ལ་ནི་འདྲུད་པར་བྱེད། །དེ་ཡིས་རང་གི་རིག་པ་དྲན། །སྒྲུབ་པོའི་ལུས་ལ་ཕན་པ་ཡིན། །མཁུར་ཚོས་དང་ནི་ཀོས་ཀོ་དང་། །སྣ་ལ་སྙིམ་པས་རེག་པ་ཡིན། །ལོགས་སུ་བལྟ་ཞིང་སྔགས་
D374.079.0020a02.01བཟླས་དང་། །ལན་ཅིག་རིག་པ་ལ་ནི་བལྟ། །རྣལ་འབྱོར་མ་ནི་བདེ་བར་འགྲོ། །གང་གི་དམ་ཚིག་ངེས་པ་ཡི། །མཁའ་འགྲོ་མ་རྣམས་རྙེད་པར་དཀའ། །རྣལ་འབྱོར་མ་རྣམས་དེ་བཞིན་ནོ། །བདུད་རྩི་ལྔ་ནི་བདེན་པར་འགྱུར། །དངོས་གྲུབ་ཀུན་བྱེད་མཛེས་པའོ། །མཁའ་
D374.079.0020a03.01འགྲོ་མ་རྣམས་རིགས་དང་ནི། །འདི་རུ་དཔའ་བོ་ལ་སོགས་མཚན། །ཐོད་པ་བླ་རེ་མཆེ་བ་དང་། །འཁོར་ལོ་རྒྱལ་མཚན་རལ་གྲི་དང་། །རྩེ་གཅིག་ཏུ་ནི་བརྒྱད་པར་བརྗོད། །མཁའ་འགྲོ་མ་ཡི་རིགས་ཕྱག་རྒྱ། །དཔའ་བོ་སྒྲུབ་པ་རབ་ཏུ་གྲགས། །དཔལ་ལྡན་རྡོ་རྗེ་ཕག་
D374.079.0020a04.01མོ་ཡི། །རིགས་ལས་ཡང་དག་བྱུང་བ་ཡིན། །རྣལ་འབྱོར་ཆེན་པོ་དབང་ཕྱུག་གཙོ། །གང་ཞིག་རྟག་ཏུ་ཤ་ལ་སྲེད། །མཁའ་འགྲོ་ཐབས་ཀྱི་ང་རྒྱལ་གྱིས། །ཟད་པ་མེད་ཅིང་ཁྱད་པར་མེད། །དེ་བཞིན་གཤེགས་པའི་རིགས་སུ་འབྱུང་། །འཇིགས་པ་མེད་ཅིང་ངོ་ཚ་
D374.079.0020a05.01མེད། །ཐམས་ཅད་དུས་སུ་འགྱོད་པ་མེད། །མཆོད་པ་བྱེད་པར་འདོད་པ་སྟེ། །སྒྲུབ་པོས་མཚན་ནི་ཐོག་ཐག་ཏུ། །གཞན་ལ་ནམ་ཡང་བཤད་མི་བྱ། །དཔལ་ལྡན་ཁྲག་འཐུང་མངོན་པར་འབྱུང་། །ཞེས་བྱ་གང་གིས་བཀླགས་པས་འགྲུབ། །སྒྲུབ་པོས་དཀའ་བ་མེད་
D374.079.0020a06.01པ་རུ། །ས་འོག་ཏུ་ནི་འགྲོ་བར་འགྱུར། །སེམས་ཅན་ལ་ནི་ཕན་དང་གནོད། །ཡུལ་ཀུན་ལ་ནི་སྐྱེས་པ་ལ། །ཇི་ལྟར་རིམ་པ་ཞི་དང་རྒྱས། །དཔལ་ཁྲག་འཐུང་མངོན་པར་འབྱུང་བ་ལས་ལག་པའི་བརྡ་དང་རྣལ་འབྱོར་མའི་མཚན་མ་དང་། །ཕྱག་རྒྱའི་མཚན་མའི་ཆོ་གའི་
D374.079.0020a07.01