完整藏文原文 · 德格版页 当前仅加载第 79 函德格 26a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་རྣམ་པར་དགོད། །དབང་པོ་ཐམས་ཅད་འཕྲོག་པ་རུ། །བྱེད་པ་རུ་ནི་ཐེ་ཚོམ་མེད། །ལས་འདི་ཐམས་ཅད་བྱེད་པར་འགྱུར། །འདོད་པའི་དངོས་གྲུབ་རབ་ཏུ་སྟེར། །འདི་རྣམས་དེ་ཡི་དཔའ་བོས་གསུངས། །འདོད་པས་ས་སྟེངས་
D374.079.0026a01.01རྙེད་པར་དཀའ། །བདག་ཉིད་ཡིད་བཞིན་ནོར་བུ་ཉིད། །དེ་ཉིད་བསྡུས་པར་རྣམ་བཤད་པ། །འདི་ཡི་སྔགས་དང་འདྲ་བ་མེད། །འདི་ཡི་ལས་དང་མཉམ་པ་མེད། །རྣམ་པར་མི་ཤེས་པ་ཡིས་ནི། །ཅུང་ཟད་ལས་ནི་འགྲུབ་པ་མེད། །སྔགས་ཀྱི་རྒྱལ་པོ་རྣམ་པར་
D374.079.0026a02.01ཤེས། །དངོས་གྲུབ་ཐམས་ཅད་མཛེས་པར་བྱེད། །རང་གི་ལུས་ལ་རྣམ་པར་དགོད། །སྒྲུབ་པོ་ཤིན་ཏུ་མཉམ་གཞག་པས། །དེས་ནི་བལྟས་པས་དབང་དུ་འགྱུར། །ཐམས་ཅད་སྒྲུབ་པོའི་གཙོ་བོ་ཡིས། །རབ་ཏུ་ཁྲོས་པས་གསོད་པར་འགྱུར། །བརྟུལ་
D374.079.0026a03.01བཞིན་རྣམ་པར་ཁྲོས་པ་ཡིས། །ཆུ་བོ་དང་ནི་རྒྱ་མཚོ་དང་། །འཁྲུག་པ་དང་ནི་རྒྱལ་རིགས་དང་། །རྐུན་པོ་མེ་ཡི་འཇིགས་པ་ལས། །དེ་ཡིས་རྡོ་རྗེ་ཐོག་ཏུ་འགྱུར། །གང་དེར་ཡང་དག་བྲིས་པ་ཡིས། །འཇིག་རྟེན་གསུམ་ཡང་གཡོ་བ་དང་། །དངོས་གྲུབ་
D374.079.0026a04.01ཐམས་ཅད་ཐོབ་པར་འགྱུར། །སྒྲུབ་པོ་མཆོག་ཏུ་གྱུར་པ་ཡིས། །དབང་དང་དགུག་དང་རེངས་པ་ཡིས། །རྣམ་པར་སྡང་བ་བསྐྲད་དང་གསད། །གང་དུ་མིང་གིས་བྲིས་ཏེ་གཟུང་། །ཐམས་ཅད་དུ་ནི་འགྲུབ་པར་འགྱུར། །རྡོ་རྗེ་སེམས་དཔའ་ལ་སོགས་ལྷ། །
D374.079.0026a05.01མཁས་པ་ཡིས་ནི་མྱུར་བ་རུ། །སྐལ་མེད་ཀྱིས་ཀྱང་འགྲུབ་པ་ཡིན། །སྒྲུབ་པོས་རབ་ཏུ་འབད་པ་ཡིས། །འདི་ནི་རྟག་ཏུ་སྐྱེ་བར་འགྱུར། །འཁྲུག་པ་དགྲ་དང་གཡང་ས་དང་། །རྐུན་པོ་སྟག་དང་གླང་ཆེན་དང་། །སེང་སྦྲུལ་རྟ་དང་མཚོན་ཆའི་བར། །གཟའ་ནི་སྣ་
D374.079.0026a06.01ཚོགས་འཇིགས་པ་ལས། །ཐམས་ཅད་དུ་ནི་རྒྱལ་བར་འགྱུར། །དེ་ནི་རྩོད་པ་མེད་འདོད་ན། །སྔགས་པས་བྲི་བར་བྱ་བ་ཡིན། །དཔལ་ཁྲག་འཐུང་མངོན་པར་འབྱུང་བ་ལས་ཕྱག་རྒྱ་ཆེན་པོ་སྒྲུབ་པའི་ཀླུའི་ལས་ཀྱི་ཆོ་གའི་ལེའུ་ཞེས་བྱ་བ་སྟེ་སུམ་ཅུ་རྩ་ལྔ་པའོ།། །།
D374.079.0026a07.01