完整藏文原文 · 德格版页 当前仅加载第 79 函德格 24b 版页；藏文 NFD、目录标记与异常页序保留在来源切片中，重复版页行以稳定序号区分。
མ་ཡིད་ཀྱིས་བཟླས་ན་རིགས་ཐམས་ཅད་དབང་དུ་འགྱུར་རོ། །རྟག་ཏུ་བཟླས་ན་དཔལ་མོ་སྐྱེ་བར་འགྱུར་རོ། །དཔལ་ཁྲག་འཐུང་མངོན་པར་འབྱུང་བ་ལས་དེ་ཉིད་སྔགས་ཀྱིས་གཟུགས་ཐམས་ཅད་ཡོངས་སུ་བརྗེ་བ་དང་། དབང་དུ་བྱེད་པའི་ཆོ་གའི་ལེའུ་ཞེས་བྱ་བ་སྟེ་སུམ་ཅུ་
D374.079.0024b01.01རྩ་གཉིས་པའོ།། །།དེ་ནས་ཕུར་བུའི་ཆོ་ག་བཤད། །བྲམ་ཟེའི་དམོད་པ་འདྲ་བ་ཡི། །རྣལ་འབྱོར་ཡན་ལག་ཡང་དག་བླངས། །གསང་བའི་ལས་ནི་སྐྱེ་བར་འགྱུར། །སྤྲེའུའི་རུས་པའི་རང་བཞིན་ལས། །ཕུར་བུ་སོར་ནི་དྲུག་པར་བྱ། །ལན་བདུན་དུ་ནི་
D374.079.0024b02.01མངོན་བསྔགས་ཏེ། །གང་གི་སྒོ་རུ་སྦས་པ་ནི། །དེ་ཡི་རིགས་ནི་འཆད་པར་འགྱུར། །བ་ལང་གླང་ཆེན་རྟ་དང་ནི། །བོང་བུ་རྔ་མོ་མ་ཧེ་ཤ། །གནས་པའི་ས་དེར་སྦས་ན་ནི། །དེ་རྣམས་བརླག་པར་འགྱུར་བ་ཡིན། །མདོར་བསྡུས་ནས་ནི་གསུངས་པ་ཡིན། །
D374.079.0024b03.01གང་ཞིག་རྟག་ཏུ་འདི་བསྒོམ་པ། །རྟག་ཏུ་མིག་མི་འཛུམས་པར་བལྟ། །གང་ལ་བཟླས་པར་གྱུར་པ་ཡིས། །དེ་ཡི་མིག་ནི་ལྟུང་བར་འགྱུར། །གང་གི་མིང་དང་སྔགས་སུ་བཟླས། །དེ་ཡི་ཁྲག་ནི་འགུགས་པར་འགྱུར། །ཐམས་ཅད་བདག་ཉིད་བཅོམ་ལྡན་མོ། །
D374.079.0024b04.01རིག་པའི་མཆོག་ནི་ཉེར་སྤྱོད་ཀྱིས། །ལས་ནི་ཀུན་ཏུ་བྱ་བ་ཡིན། །ཇི་ལྟར་འདོད་པ་དཔལ་ཁྲག་འཐུང་། །རྡོ་རྗེ་ཕག་མོའི་སྙིང་པོ་དང་། །དེ་བཞིན་ཉེ་བའི་སྙིང་པོའོ། །དཔལ་ཁྲག་འཐུང་མངོན་པར་འབྱུང་བ་ལས་ལས་ཀྱི་ཆོ་གའི་ལེའུ་ཞེས་བྱ་བ་སྟེ་སུམ་ཅུ་རྩ་གསུམ་
D374.079.0024b05.01པའོ།། །།དེ་ནས་ཡང་དག་བཤད་བྱ་བ། །རྣལ་འབྱོར་མ་རྣམས་མཆོག་ཏུ་མཛེས། །གསང་བའི་བླ་མ་བླ་མེད་སྔགས། །ལྷ་རྣམས་ཀྱིས་ཀྱང་རྙེད་པར་དཀའ། །ལྷ་མོ་ཀུན་གྱི་སྙིང་པོ་ནི། །འདོད་པའི་དོན་ཀུན་སྒྲུབ་པར་བྱེད། །བྷ་ཡིག་བདག་གིས་རབ་ཏུ་
D374.079.0024b06.01གསུངས། །ཨོཾ་ཡིག་ས་བོན་ཞེས་སུ་བརྗོད། །ཇི་ལྟར་ཨེ་ཡིག་ས་བོན་ལ། །མེ་ཡི་བུ་ནི་གསུམ་པས་དབྱེ། །ཧཱུྃ་ཕཊ་ཡི་གེ་མཐའ་རུ་སྦྱར། །འདི་རྣམས་ཡི་གེ་དྲུག་པའི་སྔགས། །མདོར་བསྡུས་ནས་ནི་གསུངས་པ་ཡིན། །གང་ཞིག་རྟག་ཏུ་འདི་བསྒོམས་པ། །རྣལ་
D374.079.0024b07.01