完整藏文原文 · 德格版页 当前仅加载第 79 函德格 28a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། །ཡང་དང་ཡང་དུ་བསྐྲད་པ་དང་། །ལྟེ་བ་རུ་ནི་བཀག་པ་ཉིད། །ཡང་དང་ཡང་དུ་བརྒྱལ་བར་འགྱུར། །ཉི་མ་ཕྱེད་དང་ནམ་ཕྱེད་ན། །གཟུགས་བརྙན་གྱི་ནི་སྦྱིན་སྲེག་བྱ། །ཉི་མ་གསུམ་པ་ཀུན་ཏུ་བྲི། །འཆི་བར་འགྱུར་ཞིང་མགོ་བོ་ལྟུང་། །
D374.079.0028a01.01སྔགས་ཀྱི་ཆོ་གས་འཆི་བ་ནི། །ས་སྟེངས་མཆེ་བས་བཏབ་པ་སྟེ། །རྣལ་འབྱོར་མ་ཡི་སྔགས་ཀྱིས་ནི། །རྣལ་འབྱོར་པ་ལ་དངོས་གྲུབ་སྟེར། །སྙིང་པོས་མི་ལ་བསྡུས་ནས་སུ། །ཕྱི་ནས་ཡང་ནི་ལྟུང་བ་ཡིན། །ཕྱག་རྒྱ་ཆེན་པོའི་སྙིང་པོ་རུ། །ཡོན་པོ་ཞེས་བར་རབ་ཏུ་
D374.079.0028a02.01གྲགས། །སྒྲུབ་པོས་འཇིག་རྟེན་གསུམ་པོ་ཡང་། །འདི་ཡིས་ཐམས་ཅད་བསྡུས་པ་ཡིན། །དེ་ནས་བསྐྲད་པ་བཤད་པར་བྱ། །དགྲ་བོ་རྣམས་ཀྱིས་སྟོབས་དྲེགས་དང་། །སྔགས་པས་སྔོན་གསུངས་ཆོ་ག་བཞིན། །ནིམ་པའི་འདབ་མའི་ཁུ་བ་དང་། །བྱ་རོག་སྒྲོ་
D374.079.0028a03.01ཡི་བྱེ་བྲག་གིས། །སྒྲུབ་པོས་རབ་ཏུ་འབད་པ་མཆོག །བློ་ལྡན་རང་གི་གནས་ལ་སྤྱོད། །དེ་ནི་ས་སྟེང་འཁོར་ལོས་སྒྱུར། །ཉི་མ་བདུན་གྱིས་ལྷ་ཉིད་དང་། །ཟླ་བ་ཡིས་ནི་འཇིག་རྟེན་པ། །ལོ་ཡིས་སངས་རྒྱས་བྱང་ཆུབ་སེམས། །དྲན་པས་ཕལ་ཆེའི་མི་རྣམས་
D374.079.0028a04.01སོ། །ཟླ་བ་ཕྱེད་ཀྱིས་ལྷ་མ་ཡིན། །སྲིན་པོ་དང་ནི་གནོད་སྦྱིན་མོ། །ཀླུ་དང་དྲི་ཟ་དག་དང་ནི། །མི་འམ་ཅི་ལ་སོགས་སྐད་དུ། །སྔགས་དང་ཕྱག་རྒྱ་འདི་རྣམས་ཀྱིས། །སྒྲུབ་པོས་ས་སྟེང་རྙེད་པར་དཀའ། །རྣལ་འབྱོར་འདི་ནི་དངོས་གྲུབ་ཆེ། །རྣལ་འབྱོར་ཀུན་ལ་འདི་
D374.079.0028a05.01མཆོག་ཡིན། །རྣལ་འབྱོར་འདི་ནི་དཔལ་ཆེན་པོ། །སུམ་ཅུ་པས་ནི་མཆོད་པ་ཡིན། །འདི་དང་འདྲ་བ་གཞན་ན་མེད། །ཅུང་ཟད་མཛེས་པ་གསང་བ་རྒྱས། །འཇིག་རྟེན་གསུམ་ལས་རྣམ་པར་རྒྱལ། །གསང་བའི་མིང་དང་མཁའ་འགྲོ་མ། །གང་ཞིག་ཅུང་ཟད་པས་
D374.079.0028a06.01རབ་སྐྱེ། །མི་ཡི་འཇིག་རྟེན་ན་ནི་ཡོད། །དེ་ཀུན་ལྷོ་རུ་ཁ་བལྟས་པའོ། །དཔལ་ཁྲག་འཐུང་མངོན་པར་འབྱུང་བ་ལས་བསྐྲད་པ་དང་གསང་པའི་སྔགས་ཀྱི་ལས་ཀྱི་ཆོ་གའི་ལེའུ་ཞེས་བྱ་བ་སྟེ་སུམ་ཅུ་རྩ་བརྒྱད་པའོ།། །།དེ་ནས་ཡང་དག་བཤད་བྱ་བ། །འཁོར་ལོས་
D374.079.0028a07.01