完整藏文原文 · 德格版页 当前仅加载第 79 函德格 11b 版页；藏文 NFD、目录标记与异常页序保留在来源切片中，重复版页行以稳定序号区分。
དུས་ཀྱི་དངོས་གྲུབ་ནི། །འཆི་བ་ལ་ནི་བརྗོད་པར་འགྱུར། །དངོས་གྲུབ་འདི་ཡི་བྱེ་བྲག་གིས། །ཉི་མ་གཅིག་གིས་དངོས་གྲུབ་ཆེ། །འཇིག་རྟེན་གསུམ་སྒྲུབ་བསྒོམ་པར་བྱ། །སྒྲུབ་པའི་དབང་པོ་ཆོ་ག་ཤེས། །དཔལ་ལྡན་ཧེ་རུ་ཀ་ཡི་ནི། །བརྟུལ་ཞུགས་ལ་ནི་ནུབ་
D374.079.0011b01.01གསུམ་གནས། །ལྷ་ཡི་ལུས་སུ་སྐྱེ་བར་འགྱུར། །ལྷ་ཡི་ཡེ་ཤེས་མཐོང་འགྱུར་ཏེ། །དེ་བཞིན་ལྷ་ཡི་གཟུགས་སུ་འགྱུར། །རྩོད་པ་ཀུན་ལས་རྒྱལ་བ་དང་། །རྒས་དང་འཆི་བ་རྣམ་པར་སྤངས། །སངས་རྒྱས་བཞིན་དུ་ལྷ་མོ་བསྟེན། །དཔའ་བོ་བཞིན་དུ་ས་ལ་རྩེ། །
D374.079.0011b02.01ཕྱག་རྒྱ་དང་ནི་བཅས་ཉིད་དུ། །ཉི་མ་གསུམ་གྱིས་འགྱུར་བ་ཉིད། །དཔལ་ཁྲག་འཐུང་མངོན་པར་འབྱུང་བ་ལས་ལྷ་དགོད་པ་དང་དབང་བསྐུར་བ་དང་། བླ་མ་མཆོད་པའི་ཆོ་གའི་ལེའུ་ཞེས་བྱ་བ་སྟེ་བཅུ་བཞི་པའོ།། །།དེ་ནས་དཀྱིལ་འཁོར་བཤད་
D374.079.0011b03.01པར་བྱ། །དབང་བསྐུར་འཁོར་ལོ་མཆོད་པ་ནི། །སློབ་མས་ཉི་མ་བཟང་པོ་འམ། །ཇི་ལྟར་དུ་ནི་ནུབ་མོ་ལའོ། །དེ་ནས་དཔའ་བོ་མཆོད་པར་བྱ། །སྟན་གཅིག་ལ་ནི་གནས་ནས་ཀྱང་། །ཕོ་ཉ་མོ་ནི་བཅུ་དྲུག་ཉིད། །དཔའ་བོ་དང་ནི་གཉིས་མེད་གནས། །དཔལ་
D374.079.0011b04.01ལྡན་རྡོ་རྗེ་ཕག་མོ་ལ། །སུམ་བྷ་ནི་ཡི་རིག་པ་ཡིས། །ཕྱོགས་བཞི་རུ་ནི་མཆོད་པར་བྱ། །དེ་ལྟར་རྣལ་འབྱོར་ཆེན་པོ་མཆོད། །གཟུགས་བརྒྱད་པོས་ནི་རབ་ཏུ་བསྲུང་། །སྔགས་དང་ཕྱག་རྒྱ་ཡོངས་རྫོགས་ནས། །གཉིས་མེད་ཡེ་ཤེས་བརྩམ་པར་བྱ། །ནུབ་མོ་
D374.079.0011b05.01ཀུན་ཏུ་སྒྲུབ་པ་པོས། །དེ་ནས་ཕོ་ཉ་མཆོད་པར་བྱ། །དུས་མི་རིང་བར་རྒྱལ་པོ་འགྲུབ། །འཁོར་ལོས་སྒྱུར་བ་སྟོབས་ཀྱི་རྒྱལ། །སྒྲུབ་པོ་ཤིན་ཏུ་མཉམ་གཞག་པས། །སྔགས་དང་ཕྱག་རྒྱ་སྦྱར་བར་བྱ། །དམ་ཚིག་ཐམས་ཅད་བསྐྱང་བྱ་སྟེ། །འཇིག་རྟེན་གསུམ་ན་
D374.079.0011b06.01རྙེད་དཀའ་བ། །གཡོན་ནས་སྐྱེས་པས་བྱེད་པ་ཡིན། །དམ་ཚིག་སྤྱོད་པའི་མཚན་ཉིད་དང་། །སྦྱོར་ཉིད་ཆོ་གའི་ཡེ་ཤེས་ནི། །དེ་ནི་ང་ཡིས་བཤད་ཀྱིས་ཉོན། །དབུགས་དབྱུང་མཆོག་གི་བར་དག་ནི། །དྲི་ཡི་ཆུ་དང་བཅས་པ་དང་། །རྟག་ཏུ་རིལ་བུ་བཟའ་བར་བྱ། །མཆོད་
D374.079.0011b07.01