dpal khrag 'thung mngon par 'byung ba zhes bya ba/
当前为德格木刻版 14a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 14a
- 可引用原文
- 7 行
- 全文规模
- 全经 452 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 79 函 · 德格 14a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文དེ་ལྟར་ཆོ་གའི་རིམ་པ་ནི། །མཚན་ཉིད་ཀུན་ལ་བྲལ་གྱུར་ན། །སྡིག་པ་དང་ནི་ཡང་དག་ལྡན། །དངོས་གྲུབ་རབ་ཏུ་བརླག་པར་འགྱུར། །རྟོག་པ་འདི་ཡི་ཚད་མ་རྣམས། །སྙིང་པོ་རུ་ནི་རབ་ཏུ་སྒྲོགས། །ཁྱབ་འཇུག་དྲག་པོ་དབང་པོ་དང་། །ཚངས་པ་ལ་སོགས་པ་དག་དང་། །བྱང་ཆུབ་སེམས་དཔའ་རྣམས་དང་ནི། །དྲང་སྲོང་སྣ་ཚོགས་དག་པ་དང་། །ཀླུ་དང་དྲི་ཟ་ལྷ་རྣམས་ཏེ། །རོ་ལངས་ནམ་མཁའ་ལྡིང་ལ་སོགས། །དྲག་པོ་ལྷ་མིན་མི་འམ་ཅི། །ཤ་ཟ་དང་ནི་སྲིན་པོ་སོགས། །ཉི་མ་
ཟླ་བ་སྐར་མ་བཅས། །འཇིག་རྟེན་སྐྱོང་བ་བགེགས་ཀྱི་རྒྱལ། །མ་མོའི་དཀྱིལ་འཁོར་རྣལ་འབྱོར་མ། །མཁའ་འགྲོ་མ་ནི་སྣ་ཚོགས་དང་། །ལཱ་མ་དང་ནི་དུམ་སྐྱེས་མ། །གཟུགས་ཅན་མ་ནི་སླར་ལྡོག་མ། །འདོད་མ་སངས་རྒྱས་དབང་དང་ནི། །གྲུབ་པའི་རིག་པ་འཛིན་པ་དང་། །གནོད་སྦྱིན་ཕོ་དང་གནོད་སྦྱིན་མོ། །ཕྱོགས་ཆེན་དཔའ་མོ་ཨུ་མ་ལ། །ཇི་ལྟར་བདེ་བར་རྩེ་ཞིང་རྩེ། །དེ་ནས་གྲུབ་པའི་དཔའ་བོ་ཆེ། །སྔགས་རྣམས་ཀྱིས་ནི་འདི་དག་གིས། །དེ་ལྟར་གྲུབ་པའི་སྔགས་ཆེན་པོ། །རིག་པ་ཡིས་ནི་རྣལ་འབྱོར་སྐྱེ། །
དཔལ་ཁྲག་འཐུང་མངོན་པར་འབྱུང་བ་ལས་རོ་ལངས་ཆེན་པོ་བསྒྲུབ་པའི་ཐབས་ལྷ་ཐམས་ཅད་དང་རྩེ་ཞིང་བདེ་བའི་ཆོ་གའི་ལེའུ་ཞེས་བྱ་བ་སྟེ་{བཅྭ་,བཅོ་}བརྒྱད་པའོ།། །།དེ་ནས་ཡང་དག་བཤད་བྱ་བ། །སྙིང་པོའི་སྔགས་སོགས་བཟླས་པ་ལ། །ཕྲེང་བའི་རིགས་དང་གྲངས་དག་དང་། །ཆོ་གས་རྣལ་འབྱོར་བཟླས་པ་བྱ། །ཤེལ་དང་ཉ་ཕྱིས་མུ་ཏིག་དང་། །རུ་དྲཱ་ཀྵ་ནི་མཛེས་པ་ཡིན། །རྡོ་རྗེའི་མིག་གིས་དངོས་གྲུབ་སྟེར། །པུ་ཏྲ་ཛཱི་བ་ཀུན་ལ་བཤད། །ནི་བར་ཏ་དང་ལུང་ཐང་དང་། །ཚེ་རིང་ནད་མེད་འཕེལ་བ་ཡིན། །དབང་
དུ་བྱེད་དང་ཞི་འདོད་དང་། །ནོར་འཕེལ་བ་ནི་བྱེད་པ་ཡིན། །བྱི་རུ་ཡིས་ནི་འཕེལ་བ་དང་། །རིན་ཆེན་ཕྲེང་བས་མཛེས་པ་ཡིན། །གསེར་གྱི་ཕྲེང་བ་དག་དང་ནི། །སྒྲུབ་པོས་རིན་ཆེན་ཕྲེང་བ་བསྲེལ། །རྒྱལ་པོའི་དོན་དུ་སྔགས་པས་བཟླས། །དཔལ་ནི་ཆེ་བ་ཉིད་དུ་ཐོབ། །
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D374
- 德格版页
- 14a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0374 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。