完整藏文原文 · 德格版页 当前仅加载第 73 函德格 275b 版页；藏文 NFD、目录标记与异常页序保留在来源切片中，重复版页行以稳定序号区分。
ཅིག །འདི་ལྟར་བདག་གི་མཁན་པོ་ཡང་དག་པར་རྫོགས་པའི་སངས་རྒྱས་འོད་སྲུང་གིས། སྦྱངས་པའི་ཡོན་ཏན་དང་ལྡན་པ་རྣམས་ཀྱི་མཆོག་ཏུ་བསྟན་པ་དེ་བཞིན་དུ། བདག་ཀྱང་ཤཱཀྱ་ཐུབ་པ་ཤཱཀྱའི་རྒྱལ་པོའི་མཆོག་དེས། སྦྱངས་པའི་ཡོན་ཏན་དང་ལྡན་པ་རྣམས་ཀྱི་མཆོག་ཏུ་
D340.073.0275b01.01བསྟན་པར་གྱུར་ཅིག་ཅེས་བྱས་ནས། དེ་དེ་ནས་ཤི་འཕོས་ཏེ། དུས་ལས་འདས་ནས། གྲོང་ཁྱེར་བཱ་རཱ་ཎ་སཱི་དེ་ཉིད་དུ། བློན་པོའི་མཆོག་གི་ཁྱིམ་དུ་ཉིང་མཚམས་བླངས་ནས། དེ་གང་གི་ཚེ་བཙས་ནས་ཆེར་སྐྱེས་པ་དེའི་ཚེ། རྒྱལ་པོ་ཀྲྀ་ཀཱིས་བློན་པོར་བཅུག་གོ། །དེ་ནས་གང་གི་ཚེ་ཡང་
D340.073.0275b02.01དག་པར་རྫོགས་པའི་སངས་རྒྱས་འོད་སྲུང་། སངས་རྒྱས་ཀྱི་ཕྲིན་ལས་ཐམས་ཅད་ཟིན་ནས། ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་པའི་ཚེ། རྒྱལ་པོ་ཀྲྀ་ཀཱིས་དེའི་སྐུ་གདུང་ལ་མཆོད་པ་བྱས་ནས། རིན་པོ་ཆེའི་མཆོད་རྟེན་ཁོ་ར་ཁོར་
D340.073.0275b03.01ཡུག་ཏུ་དཔག་ཚད་གཅིག་ཡོད་པ་ཞིག་བྱེད་དུ་བཅུག་སྟེ། རྒྱལ་པོ་དེས་བློན་པོའི་བུ་དེ་མཆོད་རྟེན་དེའི་ལག་དཔོན་དུ་བསྐོས་སོ། །དེ་ནས་ཕྱི་ཞིག་ན་རྒྱལ་པོ་ཀྲྀ་ཀཱིས་མཆོད་རྟེན་དེ་རྣམ་པ་ཐམས་ཅད་ཡོངས་སུ་རྫོགས་པར་བྱས་ནས། དེར་མཆོད་རྟེན་གྱི་དུས་སྟོན་བྱ་བར་འདོད་དེ།
D340.073.0275b04.01དེས་བཟའ་བ་དང་བཅའ་བ་དང་གོས་མང་པོ་སྦྱར་ནས། དགེ་སློང་རྣམས་ལ་འབོད་དུ་བཅུག་གོ་གཡར་འདྲེན་བཏང་ངོ་། །དེར་ཡང་དག་པར་རྫོགས་པའི་སངས་རྒྱས་འོད་སྲུང་ཡོངས་སུ་མྱ་ངན་ལས་འདས་ནས་ཞག་བདུན་ལོན་ནས་བསྟན་པ་ནུབ་སྟེ། དེ་ཡོངས་སུ་མྱ་ངན་
D340.073.0275b05.01ལས་འདས་ནས། དགེ་སློང་དབང་ཐོབ་པ་གང་ཡིན་པ་དེ་དག་ནི་ཡོངས་སུ་མྱ་ངན་ལས་འདས་སོ། །སོ་སོའི་སྐྱེ་བོ་གང་ཡིན་པ་དེ་དག་ནི་ཁྱིམ་པར་གྱུར་ཏོ། །དེ་ནས་དེར་གཡར་འདྲེན་པ་དེ་དག་གིས་དགེ་སློང་གཅིག་ཀྱང་མ་རྙེད་ནས། རྒྱལ་པོ་ཀྲྀ་ཀཱིས་དགེ་སློང་དེ་དག་གར་དོང་ཞེས་
D340.073.0275b06.01སྨྲས་པ་དང་། བློན་པོ་རྣམས་ཀྱིས་ཡང་དག་པར་རྫོགས་པའི་སངས་རྒྱས་ཡོངས་སུ་མྱ་ངན་ལས་འདས་ཏེ་ཞག་བདུན་ལོན་ནས་བསྟན་པ་ནུབ་ལགས་སོ་ཞེས་གསོལ་ཏོ། །རྒྱལ་པོས་བཀའ་སྩལ་པ། དེའི་དགེ་སློང་གང་གིས། དེའི་བསྟན་པ་འཛིན་པར་འགྱུར་བ་དེ་ལྟ་བུ་གཅིག་
D340.073.0275b07.01