完整藏文原文 · 德格版页 当前仅加载第 73 函德格 87a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་པ་ཞིག་གནས་སོ། །དེ་ནས་བྲམ་ཟེའི་ཁྱེའུ་བློ་གྲོས་བཟང་པོ་ཐེ་ཚོམ་གཅད་པའི་ཕྱིར། དྲང་སྲོང་དེའི་ཐད་དུ་སོང་ནས་བློ་གྲོས་བཟང་པོས་དྲང་སྲོང་དེ་ལ་ཀུན་དུ་དགའ་བའི་གཏམ་བྱས་ནས་རྨི་ལམ་དེ་རྣམས་བསྙད་དེ། ཁྱོད་ཀྱིས་རྨི་ལམ་རྣམ་པ་བཅུ་
D340.073.0087a01.01པོ་འདི་རྣམས་ཀྱི་དོན་ངེས་པར་གྱིས་ཤིག་ཅེས་བྱས་སོ། །དེ་ནས་དྲང་སྲོང་དེས་སྨྲས་པ། བདག་གིས་རྨི་ལམ་འདི་རྣམས་ལུང་སྟོན་མི་ནུས་ཀྱིས་རྒྱལ་པོའི་ཕོ་བྲང་མར་མེ་ལྡན་དུ་སོང་ཤིག་དང་། དེ་ན་རྒྱལ་པོ་མར་མེས་ཡང་དག་པར་རྫོགས་པའི་སངས་རྒྱས་མར་མེ་མཛད་
D340.073.0087a02.01ཞབས་ས་ལ་རེག་པར་བྱ་བའི་ཕྱིར། གྲོང་ཁྱེར་གྱི་ནང་དུ་སྤྱན་དྲངས་ཏེ། དེས་རྨི་ལམ་འདི་རྣམས་ལུང་སྟོན་པར་འགྱུར་རོ་ཞེས་བྱས་སོ། །དེ་ནས་རྒྱལ་པོ་ནོར་ཅན་གྱི་བུ་དེས་རྒྱལ་པོ་མར་མེས་སྤྲིང་བ་བཞིན་དུ་མཉན་ཏེ། བློན་པོ་བརྒྱད་ཁྲིས་ཞབས་འབྲིང་བྱས་ནས་རྒྱལ་པོའི་
D340.073.0087a03.01ཕོ་བྲང་མར་མེ་ལྡན་དུ་ཕྱིན་ཏོ། །རྒྱལ་པོ་མར་མེས་ཀྱང་ཞག་བདུན་ལོན་ནས་ཡང་དག་པར་རྫོགས་པའི་སངས་རྒྱས་མར་མེ་མཛད་ཞབས་ས་ལ་རེག་པར་བྱ་བའི་ཕྱིར། གྲོང་ཁྱེར་གྱི་ནང་དུ་སྤྱན་དྲང་བར་བྱའོ་སྙམ་སྟེ། ཡུལ་དང་གྲོང་ཁྱེར་ཐམས་ཅད་ནས་མེ་ཏོག་ཐམས་ཅད་བསྡུས་
D340.073.0087a04.01སོ། །དེར་གང་གི་ཉིན་པར་རྒྱལ་པོ་མར་མེས་ཡང་དག་པར་རྫོགས་པའི་སངས་རྒྱས་མར་མེ་མཛད་ཞབས་ས་ལ་རེག་པར་བྱ་བའི་ཕྱིར། གྲོང་ཁྱེར་གྱི་ནང་དུ་སྤྱན་འདྲེན་པ་དེའི་ཉིན་པར་བློ་གྲོས་བཟང་པོ་ཡང་དེར་འོངས་ནས། དེར་རྒྱལ་པོ་དེས་མེ་ཏོག་ཐམས་ཅད་བསྡུས་པར་གྱུར་ཏོ། །
D340.073.0087a05.01བུ་མོ་ལྷའི་རིམ་གྲོ་བྱེད་པ་དེ་ཡང་མེ་ཏོག་ཕྲེང་བ་རྒྱུད་པའི་ཐད་དུ་སོང་ནས་ལྷའི་མཆོད་པ་བྱ་དགོས་ཀྱིས་བདག་ལ་ཨུད་པ་ལ་སྔོན་པོ་བྱིན་ཅིག་ཅེས་བྱས་སོ། །མེ་ཏོག་ཕྲེང་བ་རྒྱུད་པས་སྨྲས་པ། དེང་རྒྱལ་པོས་སངས་རྒྱས་སྤྱན་དྲང་བའི་ཕྱིར་མེ་ཏོག་ཐམས་ཅད་བསྡུས་སོ། །
D340.073.0087a06.01དེས་སྨྲས་པ། མེ་ཏོག་གི་རྫིང་དེར་སོང་ལ་ཡང་ལྟོས་ཤིག་དང་གལ་ཏེ་བདག་གི་བསོད་ནམས་ཀྱིས་ཨུད་པ་ལ་སྔོན་པོ་མ་བཏོགས་པ་རྙེད་ཀྱང་སྲིད་དོ། །དེ་ནས་མེ་ཏོག་གི་རྫིང་དེར་བློ་གྲོས་བཟང་པོའི་བསོད་ནམས་ཀྱི་མཐུས་ཨུད་པ་ལ་སྔོན་པོ་བདུན་བྱུང་ངོ་། །
D340.073.0087a07.01