完整藏文原文 · 德格版页 当前仅加载第 73 函德格 115b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་ནི་དར་སུ་ནི་ཕོངས་ཤིང་འདུག་སུ་ནི་ཉམ་ང་བར་གྱུར་སུ་ནི་གནོད་པ་དང་ལྡན་སུ་ནི་ཕོངས་པ་དང་ཉམ་ང་བ་དང་གནོད་པ་དང་ལྡན་སུ་ནི་ངན་སོང་དུ་གཞོལ་སུ་ནི་ངན་སོང་དུ་འབབ་སུ་ནི་ངན་སོང་དུ་བབ་སུ་ནི་ངས་ངན་སོང་ནས་ཕྱུང་སྟེ་མཐོ་རིས་དང་ཐར་པ་དང་འབྲས་བུ་ལ་གཞག་པར་
D340.073.0115b01.01བྱ། སུ་ནི་ཉེས་པར་སྤྱོད་པའི་འདམ་དུ་བྱིང་བ་ལས་ལག་ནས་དྲང་བར་བྱ། སུ་ནི་འཕགས་པའི་ནོར་བདུན་མེད་པ་ལས་འཕགས་པའི་ནོར་བདུན་གྱི་དབང་ཕྱུག་ལ་དབང་བྱེད་དུ་གཞུག་པར་བྱ། སུ་ནི་དགེ་བའི་རྩ་བ་རྣམས་མ་བསྐྱེད་པ་ལས་བསྐྱེད་པར་བྱ། སུ་ནི་དགེ་བའི་རྩ་
D340.073.0115b02.01བ་རྣམས་བསྐྱེད་ཟིན་པ་ལས་ཡོངས་སུ་སྨིན་པར་བྱ། སུ་ནི་དགེ་བའི་རྩ་བ་རྣམས་ཡོངས་སུ་སྨིན་ཟིན་པ་ལས་ཡེ་ཤེས་ཀྱི་མཚོན་གྱིས་བརྟོལ་བར་བྱ། སུ་ལ་ནི་སངས་རྒྱས་བྱུང་བས་བརྒྱན་པའི་འཇིག་རྟེན་འབྲས་བུ་དང་བཅས་པར་བྱ་སྙམ་དུ་ཡེ་ཤེས་གཟིགས་པ་འཇུག་གོ། །
D340.073.0115b03.01རྒྱ་མཚོ་ཆུ་སྲིན་རྣམས་ཀྱི་གནས། །དུས་རླབས་ཡོལ་བར་འགྱུར་ཡང་སྲིད། །གདུལ་བར་བྱ་བའི་སྲས་རྣམས་ལ། །སངས་རྒྱས་དུས་ལས་ཡོལ་བ་མེད། །དེ་ནས་བཅོམ་ལྡན་འདས་ཀྱིས་དགོངས་པ། སྲིན་ལུང་བསྟན་པའི་དུས་ལ་བབ་སྟེ། དེ་ལ་བརྟེན་ནས་བདག་གིས་
D340.073.0115b04.01གདུལ་བྱ་ཕལ་པོ་ཆེ་དྲང་དགོས་སོ་སྙམ་དུ་དགོངས་ནས་བཅོམ་ལྡན་འདས་ཀྱིས་སྐྱེ་བོ་ཕལ་པོ་ཆེ་དེ་དག་དྲང་བའི་ཕྱིར་ཅི་ནས་ཕྱི་སའི་འདམ་དེའི་དྲི་མནམ་བས་མཉན་དུ་ཡོད་པ་ཐམས་ཅད་གང་བར་འགྱུར་བ་དེ་ལྟ་བུར་བྱིན་གྱིས་བརླབས་སོ། །དེ་ནས་དེར་སྐྱེ་བོ་ཕལ་པོ་ཆེ་སྔོན་གྱི་དགེ་
D340.073.0115b05.01བའི་རྩ་བས་བསྐུལ་བ་དེ་དག་ངོ་མཚར་དུ་གྱུར་ཏེ་དྲི་མནམ་པ་འདི་དག་གང་ནས་བྱུང་སྙམ་ནས་སྐྱེ་བོ་སྟོང་ཕྲག་དུ་མ་ལྟད་མོ་ལྟ་འདོད་པར་གྱུར་ཏེ། དྲི་མནམ་པའི་ཕྱོགས་སུ་ཕྱི་སའི་འདམ་ག་ལ་བ་དེར་དོང་བ་དང་སྐྱེ་བོ་ཕལ་པོ་དེ་དག་གིས་ཕྱི་སའི་འདམ་དེ་ན་སྲིན་དེ་འདྲ་བ་ཕན་ཚུན་འཁོར་
D340.073.0115b06.01ཞིང་འདུག་པ་དེ་མཐོང་ངོ་། །མཐོང་ནས་དེ་དག་གིས་བསམས་པ། སེམས་ཅན་འདི་ལྟ་བུ་སྡུག་བསྔལ་འདི་འདྲ་བ་མྱོང་བ་ཅི་ཡིན་ཞིག་གུ་སྙམ་མོ། །དེ་ནས་བཅོམ་ལྡན་འདས་ཀྱིས་དགོངས་པ། བདག་གི་གདུལ་བྱ་མཉན་དུ་ཡོད་པ་ན་ཇི་སྙེད་ཡོད་པ་དེ་དག་ཐམས་ཅད་ད་
D340.073.0115b07.01