完整藏文原文 · 德格版页 当前仅加载第 73 函德格 103a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིན་པར་བྱས་སོ། །དེ་ནས་དྲོད་པས་སྒྲ་བསྒྲགས་པ། ཀྱེ་འཛམ་བུའི་གླིང་པའི་ཚོང་པ་རྣམས་རིན་པོ་ཆེའི་གླིང་འདི་ན་མཆིང་བུ་ནོར་བུ་རིན་པོ་ཆེ་འདྲ་བ་དག་ཡོད་དེ། དེ་དག་ཁྱེད་ཀྱིས་བརྟག་ཅིང་བརྟག་ཅིང་བླང་བར་གྱིས་ཤིག །ཁྱེད་འཛམ་བུའི་གླིང་དུ་སོན་
D340.073.0103a01.01པའི་འོག་ཏུ་འགྱོད་པར་གྱུར་ཏ་རེ། རིན་པོ་ཆེའི་གླིང་འདི་ཉིད་ན་སྲིན་མོ་ཁྲུང་ཁྲུང་གཞོན་ནུ་མ་ཞེས་བྱ་བ་དག་ཀྱང་གནས་ཏེ། ཐབས་ཇི་ལྟ་བུས་ཀྱང་སྐྱེས་པ་བྲིད་ནས་འདི་ཉིད་དུ་མ་རུངས་པར་བྱེད་ཅིང་སྡུག་བསྔལ་བར་བྱེད་དོ། །རིན་པོ་ཆེའི་གླིང་འདི་ཉིད་ན་མྱོས་པར་བྱེད་པའི་ཤིང་ཏོག་
D340.073.0103a02.01དག་ཡོད་དེ། དེ་དག་སུས་ཟོས་པ་དེ་ཞག་བདུན་གྱི་བར་དུ་བརྒྱལ་ཏེ་འདུག་པར་འགྱུར་གྱིས་དེ་དག་ཁྱེད་མ་ཟ་ཞིག །རིན་པོ་ཆེའི་གླིང་འདི་ཉིད་ན་མི་མ་ཡིན་པ་དག་ཀྱང་གནས་ཏེ། དེ་དག་ནི་གཞན་ཞག་བདུན་གྱི་བར་དུ་འདུག་པར་ནི་བཟོད་ཀྱི། ཞག་བདུན་ལས་འདས་ནས་དོན་གང་
D340.073.0103a03.01བསྒྲུབས་པ་དེ་དག་མ་ཟིན་པར་རླུང་གང་གིས་གྲུ་ཁྱེར་བར་བྱེད་པ་དེ་ལྟ་བུའི་རླུང་གཏོང་བར་བྱེད་དོ་ཞེས་བསྒོ་ནས། དེ་ཐོས་པས་ཚོང་པ་རྣམས་ཀྱིས་བསྒྲིམས་ཏེ་བག་ཡོད་པར་འདུག་ནས། དེ་དག་གིས་རིན་པོ་ཆེ་རྣམས་བརྟག་ཅིང་བརྟག་ཅིང་གྲུ་དེ་བཀང་སྟེ། དཔེར་ན། ཏིལ་དང་། འབྲས་
D340.073.0103a04.01དང་། བ་ད་རའི་འབྲས་བུ་དང་རྒྱ་སྲན་གྱིས་གང་བ་བཞིན་དུ་བྱས་ཏེ། དེ་དག་རླུང་དྲང་པོས་འཛམ་བུའི་གླིང་དུ་ཕྱིན་པར་བྱས་སོ། །དེས་ཐབས་དེ་ལྟ་བུར་རྒྱ་མཚོའི་གྲུའི་དོན་ལན་དྲུག་གི་བར་དུ་བསྒྲུབས་ཏེ། བ་རཱ་ཎ་སཱིར་འོངས་ནས་སྦྱིན་པ་དག་སྦྱིན་པ་དང་བསོད་ནམས་དག་བྱེད་པ་ལ་
D340.073.0103a05.01ཞུགས་སོ། །དེའི་ཚེ་དེ་མ་ཡིན་པའི་གྲོང་ཁྱེར་ལྔ་ན་དེད་དཔོན་ལྔ་གནས་ཏེ། དེ་དག་ནི་སོང་སྟེ་བོར་ཡང་གྲུ་རྣམས་མ་རུངས་པར་གྱུར་ནས་དེ་དག་གིས་བསམས་པ། སེམས་ཅན་བསོད་ནམས་ཀྱིས་ཆེ་བར་གྲགས་པ་གཅིག་གི་མཐུས་སེམས་ཅན་མང་པོ་བདེ་བར་འགྱུར་ལ། དེད་
D340.073.0103a06.01དཔོན་ཆེན་པོ་དབྱིག་དགའ་དེ་ནི། བསོད་ནམས་ཀྱིས་ཆེ་བར་གྲགས་པ་ཡིན་ཏེ། དེས་རྒྱ་མཚོའི་གྲུའི་དོན་ལན་དྲུག་གི་བར་དུ་བསྒྲུབས་ཀྱིས། གལ་ཏེ་བདག་ཅག་གིས་དེ་སྤྲོ་བ་བསྐྱེད་པར་ནུས་ན་ནི། དེའི་མཐུས་བདག་ཅག་གིས་ནོར་བསྒྲུབ་པར་ནུས་པར་འགྱུར་རོ་སྙམ་སྟེ།
D340.073.0103a07.01