完整藏文原文 · 德格版页 当前仅加载第 73 函德格 98a 版页；藏文 NFD、目录标记与异常页序保留在来源切片中，重复版页行以稳定序号区分。
ཡེ་ཤེས་དང་རིག་པ་དང་བློ་སྐྱེས་སོ། །དགེ་སློང་དག་སྔོན་མ་ཐོས་པའི་ཆོས་རྣམས་ལ་ང་ཚུལ་བཞིན་ཡིད་ལ་བྱེད་པ་ལས། སྡུག་བསྔལ་ཀུན་འབྱུང་བ་འཕགས་པའི་བདེན་པ་དེ་ནི་མངོན་པར་ཤེས་པས་སྤངས་སོ་སྙམ་དུ་མིག་སྐྱེས་སོ། །ཡེ་ཤེས་དང་རིག་པ་
D340.073.0098a01.01དང་བློ་སྐྱེས་སོ། །དགེ་སློང་དག་སྔོན་མ་ཐོས་པའི་ཆོས་རྣམས་ལ་ང་ཚུལ་བཞིན་ཡིད་ལ་བྱེད་པ་ལས། སྡུག་བསྔལ་འགོག་པ་འཕགས་པའི་བདེན་པ་དེ་ནི་མངོན་པར་ཤེས་པས་མངོན་སུམ་དུ་བྱས་སོ་སྙམ་དུ་མིག་སྐྱེས་སོ། །ཡེ་ཤེས་དང་རིག་པ་དང་བློ་སྐྱེས་སོ། །དགེ་སློང་
D340.073.0098a02.01དག་སྔོན་མ་ཐོས་པའི་ཆོས་རྣམས་ལ་ང་ཚུལ་བཞིན་ཡིད་ལ་བྱེད་པ་ལས། སྡུག་བསྔལ་འགོག་པར་འགྱུར་བའི་ལམ་འཕགས་པའི་བདེན་པ་དེ་ནི་མངོན་པར་ཤེས་པས་བསྒོམས་སོ་སྙམ་དུ་མིག་སྐྱེས་སོ། །ཡེ་ཤེས་དང་རིག་པ་དང་བློ་སྐྱེས་སོ། །དགེ་སློང་དག་འཕགས་པའི་བདེན་པ་
D340.073.0098a03.01བཞི་ལ། དེ་ལྟར་ངའི་རབས་གསུམ་རྣམ་པ་བཅུ་གཉིས་པའི་མིག་མ་སྐྱེས། ཡེ་ཤེས་མ་སྐྱེས། རིག་པ་མ་སྐྱེས། བློ་མ་སྐྱེས་ཀྱི་བར་དུ། དགེ་སློང་དག་ང་ལྷ་དང་བཅས་པ་དང་བདུད་དང་བཅས་པ་དང་ཚངས་པ་དང་བཅས་པའི་འཇིག་རྟེན་དང་། དགེ་སྦྱོང་དང་བྲམ་ཟེ་དང་བཅས་
D340.073.0098a04.01པའི་སྐྱེ་དགུ་དང་ལྷ་དང་མི་དང་བཅས་པའི་སྐྱེ་དགུ་འདི་ལས་གྲོལ་བ་དང་ངེས་པར་བྱུང་བ་དང་། མི་ལྡན་པ་དང་རྣམ་པར་གྲོལ་བ་དང་ཕྱིན་ཅི་ལོག་དང་བྲལ་བའི་སེམས་ཀྱིས་ཤས་ཆེར་གནས་པར་ཡང་མ་གྱུར་ལ། དགེ་སློང་དག་བདག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་
D340.073.0098a05.01མངོན་པར་རྫོགས་པར་སངས་རྒྱས་སོ་སྙམ་དུ་ཡང་ངས་མ་རྟོགས་སོ། །དགེ་སློང་དག་འཕགས་པའི་བདེན་པ་བཞི་ལ་དེ་ལྟར་ངའི་རབས་གསུམ་རྣམ་པ་བཅུ་གཉིས་པའི་མིག་སྐྱེས། ཡེ་ཤེས་དང་རིག་པ་དང་བློ་སྐྱེས་ནས། གདོད་དགེ་སློང་དག་ང་ལྷ་དང་བཅས་པ་དང་བདུད་དང་
D340.073.0098a06.01བཅས་པ་དང་ཚངས་པ་དང་བཅས་པའི་འཇིག་རྟེན་དང་དགེ་སྦྱོང་དང་བྲམ་ཟེ་དང་བཅས་པའི་སྐྱེ་དགུ་དང་། ལྷ་དང་མིར་བཅས་པའི་སྐྱེ་དགུ་འདི་ལས་གྲོལ་བ་དང་ངེས་པར་བྱུང་བ་དང་མི་ལྡན་པ་དང་རྣམ་པར་གྲོལ་བ་དང་ཕྱིན་ཅི་ལོག་དང་བྲལ་བའི་སེམས་ཀྱིས་ཤས་ཆེར་གནས་པར་ཡང་གྱུར་ལ།
D340.073.0098a07.01