完整藏文原文 · 德格版页 当前仅加载第 73 函德格 266a 版页；藏文 NFD、目录标记与异常页序保留在来源切片中，重复版页行以稳定序号区分。
ཐོས་པ་འཛིན་པ་རྣམས་དང་ཐོས་པ་བསགས་པ་རྣམས་ཀྱི་མཆོག་ཏུ་བསྟན་པ་དང་། ཚེ་དང་ལྡན་པ་འོད་སྲུང་ཆེན་པོ་ཡང་། བཅོམ་ལྡན་འདས་ཀྱིས་བདག་ཉིད་དང་འདྲ་བར་ཆེ་བ་དང་རྒྱ་ཆེ་བར་སྟོན་པ་དེའི་ཚེ། དེ་གཉི་ག་ལྷ་དང་བཅས་པའི་འཇིག་
D340.073.0266a01.01རྟེན་གྱི་བླ་མར་གྱུར་ཏོ། །དེ་ནས་བཅོམ་ལྡན་འདས་ཀྱིས་དགོངས་པ། དགེ་སློང་འདི་ཉིད་ཀྱིས་ནི་ང་ཡོངས་སུ་མྱ་ངན་ལས་འདས་ནས་བསྟན་པའི་དོན་བྱེད་ནུས་པར་འགྱུར་ཏེ། གཅིག་གིས་ནི་ཐོས་པའི་མཛོད་སྲུང་བར་ནུས་སོ། །གཅིག་གིས་ནི་བསྟན་པའི་དོན་
D340.073.0266a02.01བྱེད་ནུས་པར་འགྱུར་རོ་སྙམ་དུ་དགོངས་ནས། བཅོམ་ལྡན་འདས་ཀུ་ཤའི་གྲོང་ཁྱེར་དུ་ཆས་ཏེ་གཤེགས་སོ། །དེ་ནས་བཅོམ་ལྡན་འདས་ཡོངས་སུ་མྱ་ངན་ལས་འདའ་བའི་ཚེ། འདི་སྙམ་དུ་དགོངས་ཏེ་གལ་ཏེ་མི་རྣམས་འབའ་ཞིག་ལ་བསྟན་པ་གཏད་དེ། མི་མ་ཡིན་པ་
D340.073.0266a03.01རྣམས་ལ་མ་གཏད་ན་ཡང་ཡུན་རིང་དུ་གནས་པར་མི་འགྱུར་ལ། གལ་ཏེ་མི་མ་ཡིན་པ་རྣམས་འབའ་ཞིག་ལ་གཏད་དེ་མི་རྣམས་ལ་མ་གཏད་ན་ཡང་ཡུན་རིང་དུ་གནས་པར་མི་འགྱུར་གྱིས། མ་ལ་ངས་ལྷ་དང་མི་རྣམས་དང་དགེ་སློང་དེ་གཉིས་ལ་བསྟན་པ་གཏད་ན།
D340.073.0266a04.01ལྷ་དང་མི་རྣམས་ཀྱིས་ཀྱང་ཡོངས་སུ་གཟུང་ལ་དགེ་སློང་གཉིས་ཀྱིས་ཀྱང་ཡོངས་སུ་བཟུང་བས་བསྟན་པ་ཡུན་རིང་དུ་གནས་པར་འགྱུར་རོ་སྙམ་དུ་དགོངས་ནས་བཅོམ་ལྡན་འདས་ཀྱིས་ཚེ་དང་ལྡན་པ་འོད་སྲུང་ཆེན་པོ་ལ་བཀའ་སྩལ་པ། འོད་སྲུང་ཁྱོད་ང་ཡོངས་སུ་མྱ་ངན་
D340.073.0266a05.01ལས་འདས་པའི་འོག་ཏུ་བསྟན་པའི་དོན་བྱས་ཏེ། སྡེ་སྣོད་གསུམ་ཡང་དག་པར་བསྡུས་ནས་དགེ་སློང་ཀུན་དགའ་བོས་ཉོན་མོངས་པ་ཐམས་ཅད་སྤངས་ཏེ། དགྲ་བཅོམ་པ་ཉིད་མངོན་སུམ་དུ་མ་བྱས་ཀྱི་བར་དུ་ཡོངས་སུ་མྱ་ངན་ལས་འདའ་བར་མ་བྱེད་ཅིག །དེར་
D340.073.0266a06.01བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱང་དྲང་སྲོང་ཉི་མའི་གུང་རབ་ཏུ་མ་བྱུང་གི་བར་དུ་མྱ་ངན་ལས་འདའ་བར་མ་བྱེད་ཅིག །དེ་ལ་ཡང་ཁྱོད་ཀྱིས་འདི་སྐད་ཅེས་གྱིས་ཤིག །ཀླུའི་རྒྱལ་པོ། ཧུ་ལུ་རུ་བཏུལ་ཏེ།
D340.073.0266a07.01