完整藏文原文 · 德格版页 当前仅加载第 73 函德格 273a 版页；藏文 NFD、目录标记与异常页序保留在来源切片中，重复版页行以稳定序号区分。
འདོན་ཏེ་དོང་བར་འགྱུར། །དེ་ནས་ཀཽ་ཤཱཾ་བཱི་ན་གནས་པའི་དགེ་བསྙེན་ལྔ་བརྒྱས་དེ་ཐོས་ནས། གཙུག་ལག་ཁང་ནས་བྱུང་སྟེ་ལག་པ་བསྒྲེང་ནས་ཆོ་ངེ་རྡུང་ཞིང་། ཀྱི་ཧུད་བཅོམ་ལྡན་འདས་དེས་བསྐལ་པ་གྲངས་མེད་པ་གསུམ་གྱི་བར་དུ་བསྒྲུབས་པའི་བསྟན་
D340.073.0273a01.01པ་དེང་དུ་ཐབ་མོས་ནུབ་པར་གྱུར་ཏོ་ཞེས་ཟེར་རོ། །ཡང་སྨྲས་པ། འཇིགས་སུ་རུང་བའི་འཇིག་རྟེན་ན། །ལེགས་གསུངས་བྲལ་བའི་མི་རྣམས་ལ། །སུ་ཞིག་དམ་ཆོས་སྨྲ་བར་འགྱུར། །སུ་ཞིག་མྱ་ངན་འདའ་བར་འགྱུར། །སྣང་བ་ནུབ་སྟེ་མུན་པས་བསྒྲིབས། །རྣམ་
D340.073.0273a02.01པར་རྨོངས་ཤིང་རྒྱུ་བར་བྱེད། །ཐུབ་པའི་གསུང་རབ་མེད་པས་ན། །དགེ་བའི་ལས་ནི་རྣམ་སྤངས་ཤིང་། །{རི་དགས་,རི་དྭགས་}བཞིན་དུ་སྐྱོ་བ་མེད། །རྟག་ཏུ་སྡིག་པའི་ཆོས་དང་ལྡན། །དེ་ནས་ཀཽ་ཤཱཾ་བཱིའི་རྒྱལ་པོས་དགྲ་བཅོམ་པ་དེས་པ་དང་སྡེ་སྣོད་གསུམ་པ་སློབ་མ་ཅན་བསད་དོ་ཞེས་
D340.073.0273a03.01ཐོས་ནས། ཁྲོས་ཤིང་རྔམ་ལ་འཁྲུགས་པར་འགྱུར་ཏེ་མ་རངས་ནས་དེས་བསྟན་པ་ལ་གནོད་པ་བྱེད་ཅིང་། དགེ་འདུན་གྱི་གཙུག་ལག་ཁང་རྣམས་འཇིག་པར་བྱེད་ལ། མཆོད་རྟེན་རྣམས་འདྲལ་བར་བྱེད་ཅིང་དགེ་སློང་རྣམས་གསོད་པར་འགྱུར་རོ། །དབང་པོ་དག་ཕྱི་མའི་
D340.073.0273a04.01དུས་ན་གང་དུ་བསྟན་པ་ལ་གནོད་པ་ཆེན་པོ་འབྱུང་བར་འགྱུར་བ་དེར། ཁྱེད་གཅིག་ཏུ་བསྡོམས་ལ་བསྟན་པ་བསྲུང་བར་གྱིས་ཤིག །དེ་ནས་དེ་ལྟར་འཚལ་ལོ་ཞེས་གསོལ་ནས། རྒྱལ་པོ་ཆེན་པོ་ཡུལ་འཁོར་སྲུང་གིས་གསོལ་པ། བཙུན་པ་བདག་གིས་ནི་ཤར་ཕྱོགས་ནས་
D340.073.0273a05.01བསྟན་པ་བསྲུང་བར་འཚལ་ལོ། །འཕགས་སྐྱེས་པོས་གསོལ་པ། བཙུན་པ་བདག་གིས་ནི་ལྷོ་ཕྱོགས་ནས་བསྲུང་བར་འཚལ་ལོ། །མིག་མི་བཟང་གིས་གསོལ་པ། བཙུན་པ་བདག་གིས་ནི་ནུབ་ཕྱོགས་ནས་བསྲུང་བར་འཚལ་ལོ། །རྣམ་ཐོས་ཀྱི་བུས་གསོལ་པ།
D340.073.0273a06.01བཙུན་པ་བདག་གིས་ནི། བྱང་ཕྱོགས་ནས་བསྲུང་བར་འཚལ་ལོ། །ལྷའི་དབང་པོ་བརྒྱ་བྱིན་གྱིས་གསོལ་པ། བཙུན་པ་བདག་གིས་ནི། ཐམས་ཅད་ནས་བསྲུང་བར་འཚལ་ལོ། །དེ་སྐད་ཅེས་གསོལ་ནས། ལྷའི་དབང་པོ་བརྒྱ་བྱིན་དང་རྒྱལ་པོ་ཆེན་པོ་བཞི་བཅོམ་ལྡན་འདས་
D340.073.0273a07.01