完整藏文原文 · 德格版页 当前仅加载第 73 函德格 87b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་མེ་ཏོག་གི་ཕྲེང་བ་རྒྱུད་པ་དེ་སོང་ནས་དེས་མཐོང་ངོ་། །མཐོང་ནས་ཀྱང་བུ་མོ་དེས་མེ་ཏོག་ཕྲེང་བ་རྒྱུད་པ་ལ་སྨྲས་པ། ཨུད་པ་ལ་འདི་རྣམས་ཐོགས་ཤིག །མེ་ཏོག་ཕྲེང་བ་རྒྱུད་པས་སྨྲས་པ། བླ་ནས་བདག་ལ་གྱོད་རྨས་སུ་འོང་གིས་བདག་གིས་བཏོག་ཏུ་མི་རུང་ངོ་། །
D340.073.0087b01.01དེ་ནས་དེས་སྨྲས་པ། ཁྱོད་ཀྱིས་སྔར་མེ་ཏོག་ཐམས་ཅད་བཏོགས་ཏེ། རྒྱལ་པོ་ལ་མ་ཕུལ་ལམ། མེ་ཏོག་ཕྲེང་བ་རྒྱུད་པས་སྨྲས་པ་ཕུལ་ལོ། །དེ་ནས་བུ་མོ་དེས་སྨྲས་པ། འདི་དག་ནི་བདག་གི་བསོད་ནམས་ལས་སྐྱེས་པ་ཡིན་གྱིས། འདི་རྣམས་ཐོགས་ལ་
D340.073.0087b02.01བདག་ལ་བྱིན་ཅིག །མེ་ཏོག་ཕྲེང་བ་རྒྱུད་པས་སྨྲས་པ། བླ་ནས་མ་ཚོར་བར་འདི་དག་ཇི་ལྟར་ཁྱེར་བར་བྱ། བུ་མོས་སྨྲས་པ། བདག་གི་བསོད་ནམས་ཀྱི་མཐུ་ལས་བྱུང་བ་ཡིན་གྱིས་ཐོགས་ཤིག་དང་། བདག་གིས་ཆུའི་བུམ་པའི་ནང་དུ་བཅུག་སྟེ་ནང་དུ་བསྐུར་བར་
D340.073.0087b03.01བྱའོ། །དེ་ནས་མེ་ཏོག་ཕྲེང་བ་རྒྱུད་པས་དེ་སྐད་ཅེས་ཐོས་ནས། དེ་དག་བཏོགས་ཏེ་བུ་མོ་དེ་ལ་བྱིན་ནོ། །དེས་ཀྱང་བླངས་ནས་ཆུའི་བུམ་པའི་ནང་དུ་བཅུག་སྟེ། བུམ་པ་དེ་ཆུས་བཀང་ནས་གྲོང་ཁྱེར་གྱི་ནང་དུ་ཆས་སོ། །བློ་གྲོས་བཟང་པོ་ཡང་གྲོང་ཁྱེར་གྱི་
D340.073.0087b04.01ནང་དེར་ཕྱིན་ནས་དེས་བསམས་པ། བདག་གིས་སངས་རྒྱས་བཅོམ་ལྡན་འདས་ལ་མཆོད་པ་མི་བྱར་ག་ལ་རུང་སྙམ་སྟེ། དེས་མེ་ཏོག་ཕྲེང་བ་རྒྱུད་པའི་ཁྱིམ་རྣམས་བསྐོར་ཏེ། མེ་ཏོག་གོ་ཅོག་བཙལ་ན་མེ་ཏོག་གཅིག་ཀྱང་མ་རྙེད་དོ། །དེ་ནས་གྲོང་ཁྱེར་གྱི་ནུབ་
D340.073.0087b05.01སྒོ་ནས་བྱུང་སྟེ། ཀུན་དགའ་ར་བ་ནས་ཀུན་དགའ་ར་བར་བསྐོར་ཏེ། མེ་ཏོག་རྣམས་བཙལ་ཀྱང་མེ་ཏོག་གཅིག་ཀྱང་མ་རྙེད་དོ། །དེ་ནས་འཁོར་འཁོར་ཏེ་སྐྱེད་མོས་ཚལ་དེར་ཕྱིན་ནས། བུ་མོ་དེ་ཡང་སྐྱེད་མོས་ཚལ་དེ་ནས་བྱུང་སྟེ། བྲམ་ཟེའི་ཁྱེའུ་བློ་གྲོས་བཟང་
D340.073.0087b06.01པོ་དང་ཐད་ཀར་ཕྲད་དོ། །དེ་ནས་བློ་གྲོས་བཟང་པོའི་བསོད་ནམས་ཀྱི་མཐུས་མེ་ཏོག་ཨུད་པ་ལ་དེ་དག་ཆུའི་བུམ་པ་དེའི་ནང་ནས་གྱེན་དུ་འཐོན་ཏོ། །དེ་ནས་བློ་གྲོས་བཟང་པོས་མེ་ཏོག་དེ་དག་མཐོང་ནས། བུ་མོ་དེ་ལ་སྨྲས་པ། ང་ལས་རིན་ཀཱར་ཥཱ་པ་ཎ་
D340.073.0087b07.01