完整藏文原文 · 德格版页 当前仅加载第 63 函德格 224a 版页；藏文 NFD、目录标记与异常页序保留在来源切片中，重复版页行以稳定序号区分。
ཅེས་ཀྱང་མི་བྱ། སྐྱེས་པ་ཞེས་ཀྱང་མི་བྱའོ། །སྲིང་མོ་འདི་ནི་སྒྱུ་མ་ལྟ་བུའི་ཏིང་ངེ་འཛིན་ཐོབ་པ་སྟེ། དེ་ཇི་ལྟར་འདོད་པ་ལྟར་བདག་གི་ལུས་སྤྲུལ་པར་བྱེད་དོ། །འཇམ་དཔལ་སྲིང་མོ་འདི་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་རྡུལ་དང་། ཡལ་ག་
D228.063.0224a01.01དང་། འདབ་མ་ཇི་སྙེད་ཡོད་པ་དེ་སྙེད་ཀྱི་བསྐལ་པ་གྲངས་མེད་པ་བརྒྱ་ཕྲག་སྟོང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་ཏེ། ཀུན་ཏུ་སྣང་བ་སྦྱིན་པ་ཞེས་བྱ་བའི་དེ་བཞིན་གཤེགས་པ་སངས་རྒྱས་བཅོམ་ལྡན་འདས་ཡོན་ཏན་གྱི་ཚོགས་
D228.063.0224a02.01ཆེན་པོས་བརྒྱན་པའི་སངས་རྒྱས་ཀྱི་ཞིང་དུ་འབྱུང་བར་འགྱུར་ཏེ། བཅོམ་ལྡན་འདས་དེ་བཞིན་གཤེགས་པ་དཀོན་མཆོག་འབྱུང་བའི་སངས་རྒྱས་ཀྱི་ཞིང་ཅི་འདྲ་བར་གྱུར་པ་འདི་ཡང་དེ་བཞིན་ཏེ། ལྷག་པ་མེད། ཆད་པ་མེད་དོ། །དེ་ནས་དེ་བཞིན་གཤེགས་པ་འཇུག་སྲེད་ཀྱི་
D228.063.0224a03.01རྒྱལ་པོ་ལ་བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བས་འདི་སྐད་ཅེས་གསོལ་ཏོ། །བཅོམ་ལྡན་འདས་འཇམ་དཔལ་གཞོན་ནུར་གྱུར་པ་འདི་ནི་བགྱིད་པ་དང་། བགྱི་བ་མང་སྟེ། འདས་པ་དང་། མ་འོངས་པའི་ཆོས་རྣམས་ལ་ཡང་རྣམ་པར་རྟོགས་པར་བགྱིད་དོ། །
D228.063.0224a04.01འཇམ་དཔལ་གྱིས་སྨྲས་པ། རིགས་ཀྱི་བུ་དེ་བཞིན་ཏེ། ཇི་སྐད་སྨྲས་པ་བཞིན་ནོ། །དེ་ལྟར་བདག་ནི་བྱེད་པ་མང་བ་སྟེ། དེ་དག་ནི་ཆོས་ཀྱི་དབྱིངས་མི་ཟད་པའི་ཕྱིར་བྱེད་པ་ཟད་པར་མི་འགྱུར་རོ། །དེ་ནས་དེ་བཞིན་གཤེགས་པ་འཇུག་སྲེད་ཀྱི་རྒྱལ་པོས་འཇམ་དཔལ་གཞོན་
D228.063.0224a05.01ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་ཁྱོད་བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བ་དང་མ་རྩོད་ཅིག །དེ་ཅིའི་ཕྱིར་ཞེ་ན། རིགས་ཀྱི་བུ་འདི་ནི་སྤོབས་པ་དང་། འདྲི་བ་བསམ་གྱིས་མི་ཁྱབ་པ་དང་ལྡན་པ་ཡིན་ཏེ། བྱང་ཆུབ་སེམས་
D228.063.0224a06.01དཔའ་སྒྲིབ་པ་ཐམས་ཅད་རྣམ་པར་སེལ་བ་མཉམ་པར་བཞག་པ་གང་ལ་མཉམ་པར་གཞོག་པ་དང་ལྡན་པར་བྱེད་པའི་ཏིང་ངེ་འཛིན་དང་། མཉམ་པར་གཞོག་པ་དེ་དག་གི་མིང་ཙམ་ཡང་ཁྱོད་ཀྱིས་མི་ཤེས་སོ། །དེ་ནས་འཁོར་དེ་ན་བྱང་ཆུབ་སེམས་དཔའ་ལས་ཐོག་མ་
D228.063.0224a07.01