完整藏文原文 · 德格版页 当前仅加载第 63 函德格 191a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལྟ་བུ་དག་གི་གཟུགས་བྱེད་པ་དང་། དེ་ལ་སོགས་པ་ཡང་དག་པ་མ་ཡིན་པར་ལྟ་བ་དེ་ནི་ལོག་པར་ལྟ་བ་ཞེས་བྱའོ། །གཞན་ཡང་དགའ་བོ་ལོག་པར་ལྟ་བ་ནི་གང་། བདག་ཏུ་འཛིན་པ་ལ་ཞེན་པ་དེ་ནི་ལོག་པར་ལྟ་བ་ཞེས་བྱའོ། །སེམས་ཅན་དུ་འཛིན་པ་ལ་ཞེན་པ་
D228.063.0191a01.01དང་། སྲོག་ཏུ་འཛིན་པ་དང་། གང་ཟག་ཏུ་འཛིན་པ་ལ་ཞེན་པ་དང་། ཆད་པར་འཛིན་པ་ལ་ཞེན་པ་དང་། རྟག་པར་འཛིན་པ་ལ་ཞེན་པ་དེ་དག་ནི་ལོག་པར་ལྟ་བ་ཞེས་བྱའོ། །དགའ་བོ་མདོར་ན་ལོག་པར་ལྟ་བ་ཤིན་ཏུ་ཕྲ་བ་བསྟན་ཏོ། །དགའ་བོ་རིགས་ཀྱི་བུའམ། རིགས་ཀྱི་བུ་མོ་
D228.063.0191a02.01གང་ཡང་རུང་སྟེ། ཆུང་ངུ་ན་མྱ་ངན་ལས་འདའ་བར་སེམས་ཀྱང་རུང་། དེ་ལྟ་བུའི་འདུ་ཤེས་སྐྱེ་ན་དེ་ནི་ལོག་པར་ལྟ་བ་ཞེས་བྱའོ། །དགའ་བོ་གཞན་ཡང་དེ་བཞིན་གཤེགས་པ་ནང་དུ་ཡང་དག་འཇོག་ལ་འཇུག་ན་འདི་ལྟར་ཆོས་ཤོད་ཅིག །ཁྱེད་ཀྱིས་ཆོས་དགོས་པར་གྱིས་ཤིག །ཆོས་ལ་
D228.063.0191a03.01དགའ་བ་དང་། མགུ་བ་དང་། རངས་པ་དང་། འཚོ་བ་ཡོངས་སུ་དག་པ་དང་། བསླབ་པ་ལ་འདོད་པ་དང་། དད་པ་དང་། དང་བ་མང་བ་དང་། ཁྲེལ་བ་དང་བཅས་པ་དང་། གུས་པ་དང་། བསྟི་སྟང་དང་བཅས་པ་དང་། ཡིད་ལ་སྐྲག་པ་དང་། ཁམས་གསུམ་ཐམས་ཅད་ལས་འབྱུང་
D228.063.0191a04.01བར་སེམས་པ་དང་། བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་ལ་བསྒོམ་པའི་བརྩོན་འགྲུས་དང་ལྡན་པ་དང་། བཟོད་པ་དང་། ཚིག་བཟང་པོ་དང་། དོན་ལ་རྟོན་ཅིང་ཚིག་ལ་མི་རྟོན་པ་དང་། ཡེ་ཤེས་ལ་རྟོན་ཅིང་རྣམ་པར་ཤེས་པ་ལ་མི་རྟོན་པ་དང་། ངེས་པའི་
D228.063.0191a05.01མདོ་ལ་རྟོན་གྱི་དྲང་བའི་མདོ་ལ་མི་རྟོན་པ་དང་། ཆོས་ཉིད་ལ་རྟོན་གྱི་གང་ཟག་ལ་མི་རྟོན་པ་དང་། རྣམ་པར་ཐར་པའི་སྒོ་གསུམ་ལ་ཚུལ་བཞིན་ཡིད་ལ་བྱ་བས་རྟོགས་པ་དང་། ཁྱེད་སྟོང་པ་ཉིད་ལ་སྤྱོད་ཡུལ་བར་གྱིས་ཤིག །བདག་ཏུ་འཛིན་པ་ཡོངས་སུ་སྤངས་པ་དང་། མཚན་མའི་
D228.063.0191a06.01སྤྱོད་ཡུལ་མེད་པ་དང་། མཚན་མ་ཡོངས་སུ་སྤངས་པ་དང་། སྨོན་པ་མེད་པའི་རྣམ་པར་ཐར་པའི་སྒོ་ལ་སྤྱོད་ཡུལ་བ་དང་། སྨོན་ལམ་ལས་འདས་པར་གྱིས་ཤིག །དགའ་བོ་ཁྱོད་ཀྱིས་སེམས་ཅན་རྣམས་ལ་རྟེན་ཅིང་འབྲེལ་པར་འབྱུང་བ་ལས་བརྩམས་ཏེ་ཆོས་ཤོད་ཅིག །རྟེན་
D228.063.0191a07.01