完整藏文原文 · 德格版页 当前仅加载第 63 函德格 221a 版页；藏文 NFD、目录标记与异常页序保留在来源切片中，重复版页行以稳定序号区分。
མི་རྟོག་པ་དེ་དག་ཀྱང་རྣམ་པར་མི་རྟོག་སྟེ། རླུང་ཡང་བདག་གིས་ཤིང་དག་བསྒུལ་བར་བྱའོ་སྙམ་དུ་དེ་ལྟར་མི་སེམས་སོ། །ཤིང་དག་ཀྱང་བདག་ཅག་ནི་རླུང་དག་གིས་བསྒུལ་ཏོ་སྙམ་དུ་མི་སེམས་སོ། །འཇམ་དཔལ་དེ་བཞིན་དུ་བྱང་ཆུབ་སེམས་དཔའ་ཤེས་
D228.063.0221a01.01རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་རྣམ་པར་རྟོག་པ་ཐམས་ཅད་སྤངས་པ་ཡང་བདག་ནི་མཉམ་པར་གཞོག་པ་དང་ལྡང་བར་བྱའོ་སྙམ་དུ་མི་སེམས་སོ། །དེ་ཅིའི་ཕྱིར་ཞེ་ན། ཆོས་ཐམས་ཅད་རང་བཞིན་གྱིས་དབེན་པའི་ཕྱིར་རོ། །འཇམ་དཔལ་གྱིས་སྨྲས་པ། སྲིང་མོ་བར་
D228.063.0221a02.01སྣང་ལས་བོབས་ལ་དེ་བཞིན་གཤེགས་པའི་སྤྱན་སྔར་འདུག་ལ་ཤོད་ཅིག །སྲིང་མོ་དེས་སྨྲས་པ། འཇམ་དཔལ་བདག་གི་སྤྱོད་ཡུལ་དུ་མཆིས་ཀྱི། བདག་ལ་གཞན་གྱི་སྤྱོད་ཡུལ་ནི་མི་འཚལ་ལོ། །སྨྲས་པ། སྲིང་མོ་ཁྱོད་ཀྱི་བདག་གི་སྤྱོད་ཡུལ་གང་ཡིན་སྨྲས་
D228.063.0221a03.01པ། འཇམ་དཔལ་ནམ་མཁའི་དབྱིངས་ནི་སེམས་ཅན་ཐམས་ཅད་ཀྱི་སྤྱོད་ཡུལ་ལོ། །དེ་ཅིའི་ཕྱིར་ཞེ་ན། སེམས་ཅན་ཐམས་ཅད་ནི་ནམ་མཁའ་ལས་འགྲོ་ཞིང་འོང་སྟེ། སེམས་ཅན་གྱི་སྤྱོད་པ་དེ་ཇི་ཙམ་པ་དེ་ཐམས་ཅད་ནི་ནམ་མཁའ་ལ་སྤྱོད་དོ། །དེ་བས་ན་ནམ་
D228.063.0221a04.01མཁའ་ནི་སེམས་ཅན་ཐམས་ཅད་ཀྱི་སྤྱོད་ཡུལ་ཏེ། འདི་ལྟ་སྟེ། ནམ་མཁའི་ཕྱག་རྒྱ་འདི་ནི་ཆོས་ཐམས་ཅད་ཀྱི་ཕྱག་རྒྱའོ། །དེ་ནས་སྲིང་མོ་དེ་སྟེང་གི་བར་སྣང་ལས་བབས་ནས་ཕྱོགས་གཅིག་ཏུ་པད་མོ་ལ་འདུག་གི། །དེ་བཞིན་གཤེགས་པའི་ཞབས་ལ་མགོ་
D228.063.0221a05.01བོས་ཕྱག་ཀྱང་མི་འཚལ། ཚིག་ཀྱང་མི་སྨྲའོ། །དེ་ནས་འཇམ་དཔལ་གཞོན་ནུར་གྱུར་པས་སྲིང་མོ་དེ་ལ་འདི་སྐད་ཅེས་སྨྲས་སོ། །སྲིང་མོ་གང་ཁྱོད་ནི་དེ་བཞིན་གཤེགས་པ་ལ་ཕྱག་མི་འཚལ་བར་འདུག་སྟེ་གུས་པ་མ་ཡིན་ནོ། །སྨྲས་པ། འཇམ་དཔལ་དེ་བཞིན་
D228.063.0221a06.01ཏེ། འཇམ་དཔལ་བདག་ནི་གུས་པ་མ་ལགས་སོ། །དེ་ཅིའི་ཕྱིར་ཞེ་ན། དེ་ལྟར་ཅི་ནས་ཀྱང་བྱེད་པ་ཡང་མེད། མི་བྱེད་པ་ཡང་མེད་པ་དེ་ལྟར་བདག་མ་གུས་མོད་ཀྱི། འཇམ་དཔལ་དེ་བཞིན་ཉིད་ལ་ཕྱག་བགྱི་བར་ནུས་སམ། སྨྲས་པ། དེ་མ་ལགས་སོ། །
D228.063.0221a07.01