完整藏文原文 · 德格版页 当前仅加载第 63 函德格 199b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ཏུ་མི་དམིགས་ལེན་པར་མི་མཐོང་། དེའི་རྣམ་པར་སྨིན་པ་ལ་དགའ་ཞིང་སྨོན་པར་མི་བྱེད། སྦྱིན་པ་ལ་ཡང་གསོབ་ཏུ་མཐོང་བ་འདི་ནི་འཁོར་གསུམ་ཡོངས་སུ་དག་པའོ། །གཞན་ཡང་བྱང་ཆུབ་སེམས་དཔའ་སྦྱིན་པ་སྦྱིན་པར་བྱེད་པ་ན་སེམས་ཅན་ཐམས་ཅད་ལ་ཡོངས་སུ་བསྔོ་ཞིང་
D228.063.0199b01.01སེམས་ཅན་ཐམས་ཅད་ཀྱང་སེམས་ཅན་དུ་མི་དམིགས་ལ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྔོ་བར་བྱེད་ཅིང་དེ་ལ་ཡང་ཆོས་རྡུལ་ཙམ་ཡང་མི་མཐོང་བ་འདི་ནི་འཇིག་རྟེན་ལས་འདས་པའི་སྦྱིན་པའི་ཕ་རོལ་ཏུ་ཕྱིན་པ་ཞེས་བྱའོ། །དེ་ཅིའི་ཕྱིར་ཞེ་ན། དེ་ལྟར་
D228.063.0199b02.01འཇིག་རྟེན་ལས་འདའ་བར་བྱེད་པའི་ཕྱིར་རོ། །དེ་ལ་འཇིག་རྟེན་གང་ཞེ་ན། འདི་ལྟ་སྟེ། ལེན་པའི་ཕུང་པོ་ལྔའོ། །དེ་དག་འདའ་བར་བྱེད་པ་གང་ཞེ་ན། གང་དེ་ལ་མཉམ་པ་ཉིད་དང་། རློམ་སེམས་མེད་པ་དང་། ཆགས་པ་མེད་པ་དང་། གནས་པ་མེད་པ་སྟེ་འདི་ནི་དེ་དག་འདའ་
D228.063.0199b03.01བར་བྱེད་པའོ། །དེ་བཞིན་དུ་གནས་པའི་ཚུལ་ཁྲིམས་ཀྱི་བར་དུ་ནི་འཇིག་རྟེན་གྱིའོ། །མི་གནས་པ་ནི་འཇིག་རྟེན་ལས་འདས་པའོ། །དེ་བཞིན་དུ་བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་ཀྱང་གནས་པ་ནི་འཇིག་རྟེན་གྱིའོ། །མི་གནས་པ་ནི་འཇིག་
D228.063.0199b04.01རྟེན་ལས་འདས་པའིའོ། །ཡང་འཇིག་རྟེན་གྱི་བྱ་བ་ཐམས་ཅད་ལ་ཡི་གེའི་འབྲུ་དང་། ལག་བརྡ་དང་། གྲངས་དང་། བགྲང་བ་དང་། སྔགས་དང་། གཙུག་ལག་ལ་ཤེས་པ་འདི་ནི་འཇིག་རྟེན་པའི་ཤེས་རབ་ཅེས་བྱའོ། །ཡང་གང་འཇིག་རྟེན་ལས་འདས་པའི་ཤེས་རབ་དེ་ནི་
D228.063.0199b05.01གདགས་སུ་མེད་པ། བཤད་དུ་མེད་པའོ། །དེ་ལྟར་ཕ་རོལ་ཏུ་ཕྱིན་པ་དྲུག་གི་རབ་ཏུ་ཐ་དད་པ་ཡིན་ཏེ་དེ་ཡང་སངས་རྒྱས་བགྲོ་བ་ཡིན་ནོ། །བཅོམ་ལྡན་འདས་འཇུག་སྲེད་ཀྱི་རྒྱལ་པོ་དེ་བཞིན་གཤེགས་པ་སངས་རྒྱས་ཀྱི་ཞིང་དུ་བསྟན་པ་འདི་བསྟན་པའི་ཚེ། བྱང་ཆུབ་སེམས་དཔའ་
D228.063.0199b06.01ཁྲག་ཁྲིག་ཕྲག་བདུན་མི་སྐྱེ་བའི་ཆོས་ལ་བཟོད་པ་སྐྱེས་སོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེ་ཡང་རྣམ་པ་དྲུག་ཏུ་གཡོས་སོ། །གཞན་ཡང་སངས་རྒྱས་བགྲོ་བ་འདི་ནི་འདི་ལྟ་སྟེ། བྱང་ཆུབ་སེམས་དཔའ་རྣམས་ཀྱི་ས་ནས་སར་འཕར་བའོ། །ས་ནས་སར་འཕར་
D228.063.0199b07.01