完整藏文原文 · 德格版页 当前仅加载第 63 函德格 206b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པར་སྣང་བ་ཞེས་བྱ་བའི་ཏིང་ངེ་འཛིན་ལ་མཉམ་པར་བཞག་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་འཇུག་སྲེད་ཀྱི་རྒྱལ་པོ་འདི་སྙམ་དུ་དགོངས་ཏེ་འཇམ་དཔལ་གཞོན་ནུར་གྱུར་པ་འདི་ནི་སངས་རྒྱས་བཅོམ་ལྡན་འདས་རྣམས་ཀྱིས་བདག་ལ་བསྟོད་དོ། །
D228.063.0206b01.01བཀུར་རོ། །ཟབ་མོ་ལ་བཟོད་པའོ། །སྟོང་པ་ལ་གནས་པའོ་ཞེས་བཤད་དོ་སྙམ་དུ་སེམས་ཏེ། འདི་ནི་མི་མཇེད་ཀྱི་འཇིག་རྟེན་གྱི་ཁམས་ནས་དམིགས་པ་ཆེན་པོས་བསྐྱོད་ཅིང་བདག་ཏུ་འཛིན་པ་ཆེ་བ་དང་ལྡན་ཞིང་འོངས་ཀྱིས། གང་ངས་ནི་འདི་རི་ཁོར་ཡུག་གི་རྩེ་མོ་ལ་འཕངས་
D228.063.0206b02.01པ་དང་འདི་ལས་བརྩམས་ཏེ་ཆོས་ཟབ་མོ་སྟོན་པར་འགྱུར་བས་སྐྱེ་བོ་ཕྱི་མ་དག་དང་། མ་འོངས་པའི་བྱང་ཆུབ་སེམས་དཔའ་དག་ལ་ཡང་སྣང་བར་བྱས་པར་འགྱུར་ཏེ། དེ་ཅིའི་ཕྱིར་ཞེ་ན། དེ་ལྟར་སངས་རྒྱས་ཀྱི་ཆོས་ནི་བསམ་གྱིས་མི་ཁྱབ་དེ་ལྟར་ཟབ་པས་འཇམ་དཔལ་གཞོན་ནུར་གྱུར་པ་
D228.063.0206b03.01ལྟ་བུ་སྟོང་པ་ལ་གནས་པའི་མཆོག་ཀྱང་རི་ཁོར་ཡུག་གི་རྩེ་མོར་འཕངས་པར་འགྱུར་རོ་སྙམ་མོ། །དེ་ནས་བཅོམ་ལྡན་འདས་དེ་བཞིན་གཤེགས་པ་འཇུག་སྲེད་ཀྱི་རྒྱལ་པོས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་ཁྱོད་ཀྱིས་དོན་གང་
D228.063.0206b04.01གི་དབང་མ་མཐོང་ནས་འདིར་འོངས། འཇམ་དཔལ་གྱིས་གསོལ་པ། བཅོམ་ལྡན་འདས་བདག་ནི་མི་མཇེད་ཀྱི་འཇིག་རྟེན་གྱི་ཁམས་དེ་ན་མཆིས་པ་ལས་འདི་སྙམ་དུ་གྱུར་ཏེ། སངས་རྒྱས་བཅོམ་ལྡན་འདས་རྣམས་འཇིག་རྟེན་དུ་འབྱུང་བ་ནི་དཀོན་ནོ། །ཆོས་ཐོས་པ་ཡང་
D228.063.0206b05.01དཀོན་ཏེ། ཀུན་ཏུ་འོད་ཅེས་བགྱི་བའི་འཇིག་རྟེན་གྱི་ཁམས་སུ་ཡང་ཕྱོགས་བཅུ་ནས་སངས་རྒྱས་བཅོམ་ལྡན་འདས་དཔག་ཏུ་མ་མཆིས། གྲངས་མ་མཆིས་པ་དག་ཚོགས་སོ། །ཚོགས་ནས་སངས་རྒྱས་བགྲོ་བ་ཞེས་བགྱི་བའི་ཆོས་ཀྱི་རྣམ་གྲངས་འཆད་ཀྱིས། བདག་ནི་དེ་
D228.063.0206b06.01བཞིན་གཤེགས་པ་དེ་དག་ལ་བལྟ་བ་དང་། ཆོས་བཤད་པ་དེ་དག་མཉན་དུ་མཆིའོ་སྙམ་ནས་བཅོམ་ལྡན་འདས་བདག་ནི་ཆོས་ཉན་པའི་སླད་དུ་སངས་རྒྱས་ཀྱི་ཞིང་འདིར་མཆིས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་འཇུག་སྲེད་ཀྱི་རྒྱལ་པོས་དེའི་ཚེ་ཅི་ནས་ཀྱང་
D228.063.0206b07.01