完整藏文原文 · 德格版页 当前仅加载第 63 函德格 215b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་ལ་གཡོག་དེ་དག་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་སྲིང་མོ་དེ་འདི་འདྲ་བའི་ཏིང་ངེ་འཛིན་ཞི་བ་ཐོབ་ཅིང་འདི་འདྲ་བའི་སིལ་སྙན་གྱི་སྒྲས་ཀྱང་མི་ལྡང་བ་ངོ་མཚར་ཏོ། །བཀའ་སྩལ་པ། རིགས་ཀྱི་བུ་དེ་བཞིན་ཏེ། སྲིང་མོ་འདི་ནི་ཏིང་ངེ་འཛིན་བསམ་གྱིས་
D228.063.0215b01.01མི་ཁྱབ་པ་ཐོབ་པའོ། །དེ་ནས་གཏམ་འདི་བརྗོད་པའི་ཚེ་ཕྱོགས་བཅུ་ནས་སེམས་ཅན་གྲངས་མེད་ཚད་མེད་པ་དག་བླ་ན་མེད་པའི་བྱང་ཆུབ་ཏུ་ཞུགས་པར་གྱུར་ཏེ། སྲིང་མོ་དེ་ཇི་ལྟ་བ་བཞིན་དུ་བདག་ཅག་ཀྱང་དེ་དང་འདྲ་བའི་ཏིང་ངེ་འཛིན་ཞི་བ་ཐོབ་པར་གྱུར་ཅིག །འཇམ་དཔལ་
D228.063.0215b02.01གཞོན་ནུར་གྱུར་པ་ཇི་ལྟ་བ་བཞིན་དུ་བདག་ཅག་ཀྱང་དེ་འདྲ་བའི་རྣམ་པར་སྤྲུལ་པ་ཐོབ་པར་གྱུར་ཅིག་ཅེས་དེ་སྐད་ཀྱི་ཚིག་སྨྲས་སོ། །དེ་ནས་ཡང་འཇམ་དཔལ་གཞོན་ནུར་གྱུར་པས་རྫུ་འཕྲུལ་མངོན་པར་འདུ་བྱ་བ་མངོན་པར་འདུ་བྱེད་པ་ཇི་ལྟ་བུས་སྟོང་གསུམ་གྱི་སྟོང་ཆེན་པོའི་འཇིག་
D228.063.0215b03.01རྟེན་གྱི་ཁམས་ན་རི་རབ་ལྷུན་པོའི་རིའི་རྒྱལ་པོ་དང་། གངས་ཀྱི་རི་དང་། རི་བཏང་བཟུང་དང་། རི་བཏང་བཟུང་ཆེན་པོ་དང་། རི་ཁོར་ཡུག་དང་། ཁོར་ཡུག་ཆེན་པོ་དང་། གཞན་ཡང་རི་རབ་འབྲིང་ཐ་མ་དེ་དག་ཐམས་ཅད་གཅིག་ལ་གཅིག་འདུས་ཤིང་གཅིག་ལ་གཅིག་ཐུག་པ་དང་།
D228.063.0215b04.01གཅིག་ལ་གཅིག་འཐབ་པ་འདི་ལྟ་སྟེ། སྐྱེས་བུ་སྟོབས་པོ་ཆེ་སྟོབས་པོ་ཆེའི་ཟླ་བོ་ལ་མཐུའི་ཤུགས་ཐམས་ཅད་ཀྱིས་ཐལ་མོ་རྡོབ་པར་བྱེད་པ་དེ་བཞིན་དུ་རི་ཆེན་པོ་དང་། རི་ཁོར་ཡུག་ཆེན་པོ་དེ་དག་གཅིག་ལ་གཅིག་འདུས་ནས་རིའི་རྒྱལ་པོ་དེ་དག་འཇིགས་པའི་སྒྲའི་དབྱངས་
D228.063.0215b05.01ཀྱིས་བ་སྤུ་ཟིང་ཞེས་བྱེད་པར་གྱུར་པ་དེ་འདྲ་བའི་སྒྲས་འཇིག་རྟེན་གྱི་ཁམས་མཐའ་ཡས་མུ་མེད་པར་གྲགས་པར་འགྱུར་བ་དེ་འདྲ་བའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུས་བྱས་ཀྱང་སྲིང་མོ་དེ་ཏིང་ངེ་འཛིན་དེ་ལས་བསླང་མ་ནུས་སོ། །དེ་ནས་འཇམ་དཔལ་གཞོན་ནུར་གྱུར་པས་
D228.063.0215b06.01སྲིང་མོ་དེ་ལག་པ་གཉིས་ཀྱིས་མ་རེག་ལ། བྱིན་གྱི་རླབས་ཀྱིས་ལག་པ་གཉིས་བཟུང་སྟེ་བསླང་བར་འདོད་ནས་དེ་དེ་ལྟར་བསྐྱོད་པ་དང་། འོག་གི་ཕྱོགས་ཀྱིས་སངས་རྒྱས་ཀྱི་ཞིང་གང་གཱའི་ཀླུང་གི་བྱེ་མ་སྙེད་གཡོས། རབ་ཏུ་གཡོས། ཀུན་ཏུ་རབ་ཏུ་གཡོས་ཀྱང་སྲིང་མོ་དེ་
D228.063.0215b07.01