完整藏文原文 · 德格版页 当前仅加载第 63 函德格 215a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་མ་དཀྲོལ་བར་སྒྲ་འབྱུང་བ་དེ་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུ་བྱས་ཏེ། བདག་ཉིད་ཀྱང་སིལ་སྙན་བྱེ་བ་ཁྲག་ཁྲིག་བརྒྱ་སྟོང་སྤྲུལ་ནས་ཡིད་དུ་འོང་བ་ཆགས་པར་བྱེད་པ་རྣར་འོང་བའི་སྒྲ་འབྱིན་ཏོ། །ཡང་དེའི་ཚེ་ན་སིལ་སྙན་གྱི་སྒྲ་གང་གིས་ཕྱོགས་
D228.063.0215a01.01བཅུའི་འཇིག་རྟེན་གྱི་ཁམས་མཐའ་ཡས་མུ་མེད་པ་ཀུན་ཏུ་གྲགས་པར་འགྱུར་བའི་སྒྲ་ཤིན་ཏུ་ཆེན་པོ་བྱུང་བར་གྱུར་ཀྱང་སྲིང་མོ་དེ་ཏིང་ངེ་འཛིན་དེ་ལས་མ་ལངས་ཏེ། ཡང་དེའི་ཚེ་གང་ཕྱོགས་བཅུ་ན་སངས་རྒྱས་བཅོམ་ལྡན་འདས་བཞུགས་པ་འཚོ་བ་གཞེས་པ་དེ་དག་ལ་བདག་གི་གཡོག་
D228.063.0215a02.01གིས་ཞུས་པ། བཅོམ་ལྡན་འདས་ཅིའི་རྒྱུ་ཅིའི་རྐྱེན་གྱིས་ན་སིལ་སྙན་གྱི་སྒྲ་དབྱངས་བཅོམ་ལྡན་འདས་སྔོན་མ་ཐོས་པའི་སྒྲ་གདའ་བ་འདི་འཇིག་རྟེན་དུ་བྱུང་བར་གྱུར། དེ་སྐད་ཅེས་གསོལ་པ་དང་། དེ་བཞིན་གཤེགས་པ་དེ་དག་གིས་བདག་གི་གཡོག་ལ་འདི་སྐད་ཅེས་བཀའ་སྩལ་
D228.063.0215a03.01ཏོ། །འཇིག་རྟེན་གྱི་ཁམས་ཀུན་ཏུ་འོད་ཅེས་བྱ་བ་ཞིག་ཡོད་དེ། དེ་ན་དེ་བཞིན་གཤེགས་པ་འཇུག་སྲེད་ཀྱི་རྒྱལ་པོ་ཞེས་བྱ་བ་བཞུགས་འཚོ་གཞེས་ཏེ། དེའི་སངས་རྒྱས་ཀྱི་ཞིང་ན་སྲིང་མོ་ཐེ་ཚོམ་སེལ་བ་ཞེས་བྱ་བ་དེ་བཞིན་གཤེགས་པ་དེའི་གཡས་ཕྱོགས་ན་ཟླ་བའི་འོད་
D228.063.0215a04.01ཀུན་ཏུ་དྲི་མ་མེད་པར་སྣང་བ་ཞེས་བྱ་བའི་ཏིང་ངེ་འཛིན་ལ་མཉམ་པར་བཞག་སྟེ། དེ་ན་འཇམ་དཔལ་གཞོན་ནུར་གྱུར་པ་ཞེས་བྱ་བ་གོ་ཆ་བསམ་གྱིས་མི་ཁྱབ་པ་བགོས་པ་ཕྱིར་མི་ལྡོག་པའི་བྱང་ཆུབ་སེམས་དཔའ་ཞིག་ཡོད་དེ། སྲིང་མོ་དེ་ཏིང་ངེ་འཛིན་དེ་ལས་སློང་བར་འདོད་
D228.063.0215a05.01ནས་རིགས་ཀྱི་བུ་འཇམ་དཔལ་གཞོན་ནུར་གྱུར་པ་དེས་ལྷ་དང་མིའི་སིལ་སྙན་གྱི་སྒྲ་ཕྱུང་སྟེ། དེའི་བྱིན་གྱི་རླབས་ཀྱིས་སིལ་སྙན་འདི་དག་མ་དཀྲོལ་བར་སྒྲ་འབྱིན་ཅིང་འདི་ལྟ་སྟེ། སྲིང་མོ་འདི་ཏིང་ངེ་འཛིན་དེ་ལས་བསླང་བའི་ཕྱིར་དེས་སིལ་སྙན་བྱེ་བ་ཁྲག་ཁྲིག་བརྒྱ་སྟོང་དག་
D228.063.0215a06.01སྤྲུལ་ཏེ། རིགས་ཀྱི་བུ་དེ་དག་ཀྱང་མ་དཀྲོལ་བར་སྒྲ་འབྱུང་མོད་ཀྱི། སྲིང་མོ་དེ་ཏིང་ངེ་འཛིན་དེ་ལས་བསླང་བར་མ་ནུས་སོ། །རིགས་ཀྱི་བུ་རྒྱུ་དེ་དང་རྐྱེན་དེའི་ཕྱིར་སིལ་སྙན་གྱི་སྒྲ་ཆེན་པོ་འཇིག་རྟེན་དུ་བྱུང་ངོ་། །དེ་སྐད་ཅེས་བཀའ་སྩལ་པ་དང་། སངས་རྒྱས་བཅོམ་ལྡན་འདས་
D228.063.0215a07.01