完整藏文原文 · 德格版页 当前仅加载第 63 函德格 222a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་ཡིན་ནམ། སྨྲས་པ། མ་ཡིན་ནོ། །འཇམ་དཔལ་དེ་ཇི་སྙམ་དུ་སེམས། སའི་ཁམས་སྐྱེས་པའམ། བུད་མེད་ཡིན་ནམ། སྨྲས་པ། མ་ཡིན་ནོ། །ཆུའི་ཁམས་དང་། མེའི་ཁམས་དང་། རླུང་གི་ཁམས་དང་། ནམ་མཁའི་ཁམས་དང་། རྣམ་པར་
D228.063.0222a01.01ཤེས་པའི་ཁམས་སྐྱེས་པའམ། བུད་མེད་ཡིན་ནམ། སྨྲས་པ། མ་ཡིན་ནོ། །འཇམ་དཔལ་དེ་ཇི་སྙམ་དུ་སེམས། ཡི་གེ་གང་དག་གིས་བཤད་པའི་ཡི་གེ་དག་ཏུ་སྐྱེས་པའམ། བུད་མེད་དུ་དམིགས་སམ། སྨྲས་པ། དེ་ནི་མ་ཡིན་ནོ། །འཇམ་དཔལ་འོ་ན་ད་འཇམ་
D228.063.0222a02.01དཔལ་ཇི་ལྟར་ན་སྲིང་མོ་ཁྱོད་ཅིའི་ཕྱིར་བུད་མེད་ཀྱི་ལུས་ལས་བསྒྱུར་བ་མེད་ཅེས་དེ་སྐད་སྨྲ། འཇམ་དཔལ་གལ་ཏེ་བདག་བུད་མེད་དུ་དམིགས་སམ། སྐྱེས་པར་མཐོང་ན་ནི་བུད་མེད་ཀྱི་ལུས་དེ་བོར་ཏེ་སྐྱེས་པའི་ལུས་བླང་ན། འཇམ་དཔལ་བདག་ནི་བུད་མེད་དུའང་མི་
D228.063.0222a03.01དམིགས། སྐྱེས་པར་ཡང་མི་མཐོང་ན་དེ་ཇི་ལྟར་ན་བུད་མེད་ཀྱི་ལུས་ལས་བསྒྱུར་བར་བགྱི། འཇམ་དཔལ་ཆོས་ཀྱི་དབྱིངས་ནི་འབྱུང་བར་ཡང་མི་འགྱུར། འཇིག་པར་ཡང་མི་འགྱུར་རོ། །དེ་བཞིན་ཉིད་དང་། ཡང་དག་པའི་མཐའ་དང་། སྟོང་པ་ཉིད་དང་། ནམ་
D228.063.0222a04.01མཁའི་དབྱིངས་ཀྱང་འབྱུང་བར་མི་འགྱུར། འཇིག་པར་ཡང་མི་འགྱུར་ན། དེ་ཇི་ལྟར་ན་ཆོས་ཐམས་ཅད་ནམ་མཁའ་དང་མཚུངས་པ་ལ་བུད་མེད་ཀྱི་ལུས་དོར་ཞིང་སྐྱེས་པའི་ལུས་བླང་བར་ནུས་པར་འགྱུར། དེ་ཅིའི་ཕྱིར་ཞེ་ན། དེ་བཞིན་གཤེགས་པ་ནི་བླང་བའམ།
D228.063.0222a05.01མི་བླང་བའི་ཕྱིར་ཆོས་འཆད་པར་མི་འགྱུར་ཏེ། ཡང་འཇམ་དཔལ་མིག་ནི་སྐྱེས་པ་མ་ཡིན། བུད་མེད་མ་ཡིན། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་སྐྱེས་པ་མ་ཡིན། བུད་མེད་མ་ཡིན་ནོ་ཞེས་དེ་བཞིན་གཤེགས་པས་གསུངས་ཏེ།
D228.063.0222a06.01ཆོས་གང་སྐྱེས་པ་མ་ཡིན། བུད་མེད་མ་ཡིན་པ་དེ་ནི་འབྱུང་བ་ཡང་མེད། འཇིག་པ་ཡང་མེད་དོ། །སྨྲས་པ། སྲིང་མོ་ཁྱོད་ཀྱིས་ཇི་སྲིད་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད། སྨྲས་པ། སྒྱུ་མའི་སྐྱེས་བུས་ཇི་སྲིད་ནས་རྣམ་
D228.063.0222a07.01