完整藏文原文 · 德格版页 当前仅加载第 63 函德格 220b 版页；藏文 NFD、目录标记与异常页序保留在来源切片中，重复版页行以稳定序号区分。
འོན་ཀྱང་ཁྱོད་ནི་ཏིང་ངེ་འཛིན་རྒྱ་ཆེན་པོ་ཐོབ་པ་སྟེ། ཁྱོད་ནི་སིལ་སྙན་གྱི་སྒྲ་ཆེན་པོ་ཕྱུང་བས་ཀྱང་ལངས་པར་མ་གྱུར་ཏོ། །སྨྲས་པ། འཇམ་དཔལ་ཅི་ཆོས་ཀྱི་དབྱིངས་ལ་མཉམ་པར་གཞོག་པའམ། ལྡང་བ་མཆིས་སམ། སྨྲས་པ། སྲིང་མོ་དེ་མ་ལགས་སོ། །སྨྲས་པ། འཇམ་
D228.063.0220b01.01དཔལ་ཅི་གང་མཉམ་པར་མ་བཞག་པ་དེ་བསླང་བར་ནུས་སམ། སྨྲས་པ། དེ་མ་ལགས་སོ། །སྨྲས་པ། འཇམ་དཔལ་གང་དག་ལ་ཁ་དོག་དང་། མཚན་དང་། དབྱིབས་དང་། མཚན་མ་མ་མཆིས་པ་དེ་དག་མཉམ་པར་གཞོག་གི །གང་ལ་ཁ་དོག་མ་མཆིས།
D228.063.0220b02.01མཚན་མ་མཆིས། དབྱིབས་མ་མཆིས། མཚན་མ་མ་མཆིས་པ་དེ་དག་གང་དུ་མཉམ་པར་གཞོག་སྟེ། འཇམ་དཔལ་དེ་དག་ནི་རང་བཞིན་གྱིས་དུས་ཐམས་ཅད་དུ་མཉམ་པར་བཞག་གི། །དེ་དག་ནི་སླར་མཉམ་པར་མི་གཞོག །ལྡང་བར་མི་བྱེད་དོ། །དེ་བས་
D228.063.0220b03.01ན་འཇམ་དཔལ་གསོན་ཅིག །འཇམ་དཔལ་འདི་ལྟ་སྟེ། དཔེར་ན་ལྷ་དང་མིའི་སིལ་སྙན་ཐམས་ཅད་དཀྲོལ་ན་ཅི་ཡིད་དུ་འོང་བའི་སྒྲ་འབྱུང་ངམ། སྨྲས་པ། སྲིང་མོ་དེ་བཞིན་ནོ། །འཇམ་དཔལ་ཅི་ནམ་མཁའི་ཁམས་ནི་སིལ་སྙན་འདི་དག་ལས་ཡིད་དུ་འོང་བའི་སྒྲ་འབྱུང་
D228.063.0220b04.01ངོ་སྙམ་དུ་འགྱུར་རམ། སྨྲས་པ། སྲིང་མོ་དེ་མ་ལགས་སོ། །འཇམ་དཔལ་དེ་བས་ན་འདི་ལ་ཆོས་ཐམས་ཅད་ནམ་མཁའ་དང་མཚུངས་ན་འདི་ལ་སུ་ཞིག་སྒྲ་ཐོས་པར་འགྱུར། གང་ལ་རྣམ་པར་ཤེས་པ་ཡོད་པ་དེས་ཐོས་སུ་ཟད་དོ། །སྨྲས་པ། སྲིང་མོ་གང་
D228.063.0220b05.01གིས་སྒྲ་ཐོས་པར་གྱུར་པའི་རྣ་བ་ཁྱོད་ལ་མེད་དམ། དེ་ནས་སྲིང་མོ་དེ་ཅང་མི་སྨྲ་བར་གྱུར་ནས། སྨྲས་པ། སྲིང་མོ་ཅིའི་ཕྱིར་ཅང་མི་སྨྲ་བར་གྱུར། སྨྲས་པ། མི་ཐོས་སོ། །སྨྲས་པ། ཅིའི་ཕྱིར། སྨྲས་པ། རྣ་བ་མི་དམིགས་པའི་ཕྱིར་རོ། །གཞན་ཡང་
D228.063.0220b06.01སྲིང་མོ་ཐེ་ཚོམ་སེལ་བ་དེས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་འདི་ལྟ་སྟེ། དཔེར་ན་རླུང་གི་དཀྱིལ་འཁོར་ཆེན་པོ་ཞིག་ལངས་ཏེ་ཤིང་ཆེན་པོ་དག་གཡོ་བར་གྱུར་ཀྱང་རླུང་ནི་སུས་ཀྱང་བལྟར་མི་ནུས་ལ། དེ་ཡང་རྣམ་པར་
D228.063.0220b07.01