完整藏文原文 · 德格版页 当前仅加载第 58 函德格 315b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་ཕྱིར་རོ། །ཀུན་དགའ་བོ་དེ་བཞིན་གཤེགས་པའི་ཤེས་རབ་ཀྱི་སྣང་བ་གང་ཡིན་པ་ཤེས་རབ་ཀྱི་སྣང་བ་དེ་དང་ལྡན་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་འདས་པ་དང་མ་འོངས་པ་དང་། ད་ལྟར་བྱུང་བའི་སེམས་ཅན་ཐམས་ཅད་
D157.058.0315b01.01ཀྱི་སེམས་ཀྱི་སྤྱོད་པ་དང་། གཡོ་བ་རྣམས་མཁྱེན་པའི་ཤེས་རབ་ཀྱི་སྣང་བ་དེ་ལྟ་བུ་དང་རིགས་ཀྱི་བུ་དང་རིགས་ཀྱི་བུ་མོ་དག་ལྡན་པར་འགྱུར་རོ། །ཀུན་དགའ་བོ་གང་ཆོས་ཀྱི་རྣམ་གྲངས་འདི་ཉན་པ་དང་། ཐོས་ནས་ཀྱང་མོས་པ་དང་། མོས་ནས་ཀྱང་འཛིན་པ་དང་།
D157.058.0315b02.01འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། གཞན་དག་ལ་ཡང་རྒྱ་ཆེར་རབ་ཏུ་སྟོན་པ་དང་། ཚུལ་བཞིན་དུ་སོ་སོར་རྟོགས་པ་དང་། དེ་བཞིན་དུ་བསྒྲུབ་པ་དེ་དག་ནི་བྱང་ཆུབ་ཀྱི་སེམས་མི་བརྗེད་པ་དང་སེམས་ཅན་ཡོངས་སུ་སྨིན་པར་བྱ་བ་དོན་དུ་གཉེར་
D157.058.0315b03.01བ་དང་སྙིང་རྗེ་ཆེན་པོའི་གོ་ཆ་བགོས་པ་དང་། བྱམས་པ་ཆེན་པོའི་གོ་ཆ་བགོས་པ་དང་། བདུད་དང་ཕྱིར་རྒོལ་བ་བཅོམ་པ་དང་། བྱང་ཆུབ་ཀྱི་སྙིང་པོར་གཞོལ་བའི་སྐྱེས་བུ་དམ་པར་རིག་པར་བྱའོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་
D157.058.0315b04.01སྐད་ཅེས་གསོལ་ཏོ། །བཅོམ་ལྡན་འདས་གང་ཆོས་ཀྱི་རྣམ་གྲངས་འདི་ཐོས་ནས་མོས་པ་དང་། འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བགྱིད་པ་དང་། གཞན་དག་ལ་ཡང་རྒྱ་ཆེར་རབ་ཏུ་སྟོན་པའི་རིགས་ཀྱི་བུའམ་རིགས་ཀྱི་བུ་མོ་དེ་བསོད་ནམས་
D157.058.0315b05.01ཇི་སྙེད་ཅིག་སྐྱེད་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་རིགས་ཀྱི་བུ་འམ་རིགས་ཀྱི་བུ་མོ་གང་གིས་སྔ་དྲོའི་དུས་ཀྱི་ཚེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རིན་པོ་ཆེ་སྣ་བདུན་གྱིས་རབ་ཏུ་བཀང་སྟེ། རྒྱུན་དུ་ཞུགས་པ་
D157.058.0315b06.01དང་། ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་དང་། རང་སངས་རྒྱས་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་སྦྱིན་པ་བྱིན་པ་དང་། དེ་བཞིན་དུ་ཉི་མའི་གུང་དང་། ཕྱེ་མ་རེད་ཀྱི་དུས་དང་།
D157.058.0315b07.01