完整藏文原文 · 德格版页 当前仅加载第 58 函德格 300b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་ཚུལ་ཁྲིམས་རྣམ་དག་ཚུལ་ཁྲིམས་དང་། །རྟག་ཏུ་འཕགས་པའི་ཚུལ་གྱིས་བཟོད་མི་ཟད། །སྟོང་པ་ཉིད་ཕྱིར་བརྩོན་འགྲུས་རྣམ་པར་དག །བསམ་གཏན་རང་བཞིན་འགྱུར་བ་མེད་པ་དང་། །དེ་ལྟར་ཤེས་རབ་ཆགས་མེད་མ་སྤྲོས་པར། །གང་གི་འཇུག་པ་དེ་
D157.058.0300b01.01འདྲར་གྱུར་པ་དེ། །ཕ་རོལ་ཕྱིན་པའི་ཕ་རོལ་རབ་ཏུ་ཕྱིན། །བདག་མེད་ཁོ་ན་ཉིད་ཕྱིར་བྱམས་པ་མཉམ། །ནམ་མཁའ་ལྟ་བུར་གོང་དུ་སྙིང་རྗེ་དག །ཞི་ཕྱིར་དགའ་དང་བཏང་སྙོམས་བཅས་པ་ཡི། །ལམ་འདི་ཚངས་པའི་ལམ་སྟེ་རྟག་ཏུ་ཞི། །བསྡུ་བ་བཞི་པོ་ཁྱད་པར་
D157.058.0300b02.01འཕགས་པ་འདི། །རྣམ་པར་འདྲེན་པས་རྗེས་སུ་གཟུང་ཕྱིར་གསུངས། །འཛིན་པ་མེད་ཅིང་རྣམ་རྟོག་གང་མེད་པ། །དེ་ནི་བསྡུ་བའི་དངོས་པོའི་ཕ་རོལ་ཕྱིན། །སེམས་ཅན་འདི་དག་བདག་མེད་སེམས་ཅན་མེད། །སྲོག་དང་གསོ་བ་གང་ཟག་མི་རྙེད་དོ། །དབང་པོ་དྲུག་
D157.058.0300b03.01འདི་སྟོང་སྟེ་རབ་ཞི་བར། །གང་ཤེས་དེ་ནི་བྱང་ཆུབ་སེམས་དཔའ་ཡིན། །སེམས་ཅན་མེད་ཅིང་བྱང་ཆུབ་སེམས་དཔའ་མེད། །དེ་ནི་གང་དུའང་བདག་མེད་རློམ་སེམས་མེད། །གཉིས་དང་བྲལ་ཞིང་མ་ཆགས་སྤྲོས་མེད་པ། །སེམས་ཅན་བྱང་ཆུབ་སེམས་དཔའ་དེ་
D157.058.0300b04.01དཔལ་ལྡན། །ཆོས་འདི་སྙིང་པོ་མེད་དེ་སྒྱུ་མ་འདྲ། །གང་དུའང་མི་འོང་ནམ་ཡང་འགྲོར་མི་འགྱུར། །ཆོས་དབྱིངས་འདི་ཡི་གནས་པ་རིག་ནས་ནི། །རྒྱལ་བས་དེ་བཞིན་ཉིད་ནི་མཉམ་སངས་རྒྱས། །གང་ནའང་ཡོད་པའམ་མེད་པ་མེད་མོད་ཀྱི། །རྒྱུ་ལ་བརྟེན་ནས་ཆོས་
D157.058.0300b05.01རྣམས་འབྱུང་བས་ན། །མཁའ་ལ་གློག་མཐོང་འཇིག་པ་ལྟ་བུར་ནི། །སེམས་ཀྱི་འཁྲི་ཤིང་དེ་ལྟར་ཤེས་པར་བྱ། །རླུང་ནི་ནམ་མཁར་མི་ཆགས་རྒྱུ་བ་བཞིན། །གཟུགས་མེད་སེམས་ནི་འདུས་བྱས་དག་ལ་རྒྱུ། །སེམས་ཀྱི་རང་བཞིན་རྣམ་དག་དེ་ཤེས་ནས། །
D157.058.0300b06.01ཉོན་མོངས་གཟུགས་མེད་སོགས་པར་མི་འགྱུར་རོ། །ལུས་ནི་རྩིག་པ་རྩྭ་དང་ལོ་མ་འདྲ། །བླུན་པ་རྗེ་མེད་རྡོ་ཤིང་ངན་པ་ལྟར། །དེ་ཡིས་སྔ་མའི་རང་བཞིན་འདྲར་ཤེས་ནས། །ལུས་ཀྱི་ཆོས་ལ་གནས་པར་མི་བྱེད་དོ། །ཚིག་ནི་རྟག་ཏུ་གཟུང་མེད་རླུང་དང་འདྲ། །རི་དང་
D157.058.0300b07.01