完整藏文原文 · 德格版页 当前仅加载第 58 函德格 264a 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་སྟོན་པའི་བྱང་ཆུབ་སེམས་དཔའ་དེ་དག་ཆོས་དུ་དང་ལྡན་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་གང་དག་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་མདོ་སྡེ་འདི་ལྟ་བུ་འདི་འཛིན་པ་དང་།
D157.058.0264a01.01གཞན་དག་ལ་ཡང་རྒྱ་ཆེར་ཡང་དག་པར་སྟོན་པའི་བྱང་ཆུབ་སེམས་དཔའ་དེ་དག་ནི་ཆོས་བརྒྱད་དང་ལྡན་པར་འགྱུར་རོ། །བརྒྱད་གང་ཞེ་ན། འདི་ལྟ་སྟེ། དེ་དག་ཡང་དག་པར་རྫོགས་པའི་བྱང་ཆུབ་ལ་བསམ་པ་ངེས་ཏེ། བསམ་པ་ཕུན་སུམ་ཚོགས་པར་འགྱུར་བ་དང་། སེམས་
D157.058.0264a02.01ཅན་ཐམས་ཅད་ལ་ཞེ་སྡང་བའི་སེམས་མེད་དེ། ཤིན་ཏུ་བྱམས་པ་བསྒོམ་པ་བསྒོམས་པར་འགྱུར་བ་དང་། སེམས་ཅན་ཐམས་ཅད་ཡོངས་སུ་སྨིན་པར་བྱ་བ་ལ་གནས་ཏེ། སྙིང་རྗེ་ཆེན་པོ་ལ་གནས་པར་འགྱུར་བ་དང་། ཆོས་འདོད་དེ་ཆོས་དོན་དུ་གཉེར་བར་འགྱུར་
D157.058.0264a03.01བ་དང་། ཐོས་པ་ཚོལ་བས་མི་ངོམས་ཏེ་མཚོ་ཆེན་རྒྱ་མཚོ་ལྟ་བུར་འགྱུར་བ་དང་། ལུས་དང་སྲོག་འདོར་ཞིང་དམ་པའི་ཆོས་ཡོངས་སུ་འཛིན་པར་འགྱུར་བ་དང་། བསོད་ནམས་ཀྱི་ཚོགས་བསགས་ཏེ། དགེ་བའི་རྩ་བ་བརྟན་པར་འགྱུར་བ་དང་། སངས་རྒྱས་ཀྱི་བྱིན་གྱི་
D157.058.0264a04.01རླབས་ཀྱིས་བྱིན་གྱིས་བརླབས་ཏེ། སྨོན་ལམ་གྱིས་ཡང་དག་པར་བྱུང་བར་འགྱུར་བ་དང་། འཁོར་གྱི་ནང་དུ་འཇིགས་པ་མེད་པས་བདུད་དང་ཕྱིར་རྒོལ་བ་བཅོམ་པར་འགྱུར་བ་སྟེ། རིགས་ཀྱི་བུ་གང་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་མདོ་སྡེ་འདི་ལྟ་
D157.058.0264a05.01བུ་འདི་འཛིན་པ་དང་། གཞན་དག་ལ་རྒྱ་ཆེར་སྟོན་པའི་བྱང་ཆུབ་སེམས་དཔའ་དེ་དག་ནི་ཆོས་བརྒྱད་པོ་འདི་དག་དང་ལྡན་པར་འགྱུར་རོ། །དེ་ནས་དེའི་ཚེ་སངས་རྒྱས་ཀྱི་མཐུས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྣམ་པ་དྲུག་ཏུ་གཡོས་པར་གྱུར་ཏོ། །
D157.058.0264a06.01སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་གང་དག་ས་ཕྱོགས་མཐོན་དམན་ཅན་དང་། རི་ནག་པོ་དང་། ཆུ་མིག་དང་། མཚོ་དང་། ལྟེང་ཀ་དང་། རྒྱ་མཚོ་ཆེན་པོ་དེ་དག་ཐམས་ཅད་མི་སྣང་བར་གྱུར་ཏོ། །ས་ཆེན་པོ་འདི་ཐམས་ཅད་ཀྱང་ལག་མཐིལ་
D157.058.0264a07.01