完整藏文原文 · 德格版页 当前仅加载第 58 函德格 262b 版页；藏文 NFD、目录标记与异常页序保留在来源切片中，重复版页行以稳定序号区分。
མི་མཐོང་བའི་ཆོས་ཀྱི་དབང་ཕྱུག་རྣམས་ཡིན་ནོ། །རིགས་ཀྱི་བུ་བྱང་ཆུབ་སེམས་དཔའ་ཆོས་བཞི་དང་ལྡན་ན། དེ་བཞིན་གཤེགས་པ་མཐོང་བ་དང་མི་འབྲལ་བ་རྣམས་ཡིན་ནོ། །བཞི་གང་ཞེ་ན། འདི་ལྟ་སྟེ། སེམས་ཅན་རྣམས་སངས་རྒྱས་མཐོང་བ་ཡང་དག་པར་
D157.058.0262b01.01འཛིན་དུ་འཇུག་པ་དང་། སེམས་ཅན་རྣམས་ཆོས་ཉན་པ་ཡང་དག་པར་འཛིན་དུ་འཇུག་པ་དང་། སེམས་ཅན་རྣམས་བྱང་ཆུབ་ཀྱི་སེམས་ཡང་དག་པར་འཛིན་དུ་འཇུག་པ་དང་། སངས་རྒྱས་རྗེས་སུ་དྲན་པའི་ཏིང་ངེ་འཛིན་དང་མི་འབྲལ་བ་ཡིན་ཏེ། རིགས་ཀྱི་བུ་བྱང་
D157.058.0262b02.01ཆུབ་སེམས་དཔའ་ཆོས་འདི་བཞི་དང་ལྡན་ན་དེ་བཞིན་གཤེགས་པ་མཐོང་བ་དང་མི་འབྲལ་བ་རྣམས་ཡིན་ནོ། །རིགས་ཀྱི་བུ་བྱང་ཆུབ་སེམས་དཔའ་ཆོས་བཞི་དང་ལྡན་ན་ཤིན་ཏུ་དུལ་ཞིང་མི་འཁྲུགས་པའི་ཆོས་ཅན་རྣམས་ཡིན་ནོ། །བཞི་གང་ཞེ་ན། འདི་ལྟ་སྟེ། འཕགས་
D157.058.0262b03.01པ་འཇིག་རྟེན་ལས་འདས་པའི་ཤེས་རབ་ཀྱིས་རྣམ་པར་གྲོལ་བ་ཡེ་ཤེས་མཐོང་བ་མངོན་སུམ་དུ་གྱུར་པ་དང་། བདེན་པ་ལ་ཉེ་བར་བརྟགས་པས་ཆོས་ཐམས་ཅད་ཇི་ལྟ་བ་བཞིན་པ་དང་། བག་ཆགས་ཀྱི་མཚམས་སྦྱོར་བ་ཐམས་ཅད་ཡང་དག་པར་གཅོད་པ་ལ་མཁས་
D157.058.0262b04.01པར་གྱུར་པ་དང་། ཉོན་མོངས་པས་མི་འཁྲུགས་པའི་ཆོས་ཅན་ཏེ། རིགས་ཀྱི་བུ་བྱང་ཆུབ་སེམས་དཔའ་ཆོས་བཞི་དང་ལྡན་ན་ཤིན་ཏུ་དུལ་ཞིང་མི་འཁྲུགས་པའི་ཆོས་ཅན་རྣམས་ཡིན་ནོ། །རིགས་ཀྱི་བུ་བྱང་ཆུབ་སེམས་དཔའ་ཆོས་བཞི་དང་ལྡན་ན་ཆོས་རྣམས་བླངས་
D157.058.0262b05.01པ་མེད་པར་སློབ་དཔོན་རྣམས་ཡིན་ནོ། །བཞི་གང་ཞེ་ན། འདི་ལྟ་སྟེ། སེམས་ཅན་ཐམས་ཅད་ལ་ཕན་པའི་དངོས་པོ་ཕུན་སུམ་ཚོགས་པ་རྣམས་ཡིན། སེམས་ཅན་ཡོངས་སུ་སྨིན་པར་བྱ་བ་ལ་བརྟན་ཞིང་བསམ་པ་སྒྱུ་མེད་པ་རྣམས་ཡིན། བདག་གིས་བདེ་བ་ལ་མི་
D157.058.0262b06.01ཆགས་པ་རྣམས་ཡིན། གང་ཡེ་ཤེས་ཡོངས་སུ་ཚོལ་བ་དེ་ཡང་། སེམས་ཅན་ཐམས་ཅད་ཀྱི་ཆེད་དུ་ཡིན་གྱི་བདག་འབའ་ཞིག་གི་ཕྱིར་མ་ཡིན་པ་སྟེ། རིགས་ཀྱི་བུ་བྱང་ཆུབ་སེམས་དཔའ་ཆོས་འདི་བཞི་དང་ལྡན་ན་ཆོས་རྣམས་བླངས་པ་མེད་པར་སློབ་དཔོན་རྣམས་ཡིན་ནོ། །
D157.058.0262b07.01