完整藏文原文 · 德格版页 当前仅加载第 58 函德格 301b 版页；藏文 NFD、目录标记与异常页序保留在来源切片中，重复版页行以稳定序号区分。
མིན་ལ། །མཚུངས་མེད་མི་སྐྱེ་བ་ལ་བཟོད་པ་ན། །མི་དབང་འགྱུར་ཞེས་རྒྱལ་བས་ལུང་བསྟན་ཏོ། །ཆོས་རྣམས་ཀུན་དང་བདག་ཏུ་རང་བཞིན་མཉམ། །བདག་ནི་བདག་མེད་སྟོང་པའི་རང་བཞིན་ཏེ། །སྟོང་པ་ནམ་མཁའ་འདྲ་བའི་ངོ་བོ་ཉིད། །བྱང་ཆུབ་རྟག་ཏུ་མཁའ་མཉམ་རང་
D157.058.0301b01.01བཞིན་ནོ། །ཟད་པར་བྱ་ཕྱིར་ཟད་པ་ཤེས་མི་ནུས། །མི་ཟད་པ་ནི་ཟད་པས་ཟད་མི་འགྱུར། །ཟད་པའི་སྒོ་ཡིས་ཆོས་རྣམས་ཀུན་མ་སྐྱེས། །བཟོད་དང་ལྡན་ལ་སངས་རྒྱས་ལུང་སྟོན་ཏོ། །མཚན་མེད་གནས་འཇུག་པ་ཡི་གནས་མེད་དེ། །ཡང་དག་འདུས་མ་བྱས་པ་དུས་ལས་
D157.058.0301b02.01གྲོལ། །མ་བྱས་བྱེད་དུ་མ་བཅུག་བྱུང་བ་མིན། །དེ་བཞིན་ཉིད་འདྲར་རྒྱལ་བས་བདག་ལུང་བསྟན། །གལ་ཏེ་བདག་ནི་ལུང་བསྟན་འགྱུར་སྙམ་ན། །ཆོས་ལམ་ཚུལ་ལ་མི་མཉམ་སྦྱོར་བ་ཡིན། །སེམས་དང་ཡིད་ཀྱིས་སྦྱོར་བ་སྦྱོར་མ་ཡིན། །ཆོས་སྦྱོར་ཁྱད་པར་འཕགས་འདི་
D157.058.0301b03.01མཚུངས་ཤིང་མཉམ། །ཁྱེད་ཅག་ཐམས་ཅད་ས་ཡི་སྟེང་ན་འཁོད། །བདག་ནི་ནམ་མཁའི་དཀྱིལ་ན་རྣམ་པར་གནས། །ས་དང་ནམ་མཁའ་མཉམ་པར་ཤེས་ནས་ནི། །སྲིད་པ་གསུམ་ན་ཆགས་མེད་ཡེ་ཤེས་འཇུག །དེ་ནས་མི་འམ་ཅིའི་རྒྱལ་པོ་སྡོང་པོས་ཚིགས་
D157.058.0301b04.01སུ་བཅད་པ་འདི་དག་སྨྲས་ནས་སྟེང་གི་བར་སྣང་ལས་བབས་ཏེ་ཐལ་མོ་སྦྱར་ནས་བཅོམ་ལྡན་འདས་ལ་ཕྱག་འཚལ་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སངས་རྒྱས་ནི་བདག་གི་ཆེད་དུ་བྱུང་ངོ་། །དེ་ཅིའི་སླད་དུ་ཞེ་ན། བཅོམ་ལྡན་འདས་བདག་
D157.058.0301b05.01སྔོན་བྱང་ཆུབ་སེམས་དཔའི་སྤྱོད་པ་དོན་མ་མཆིས་པར་མ་བགྱིས་ཏེ། སྔོན་གྱི་དགེ་བའི་རྩ་བ་རྣམས་ཀྱིས་བདག་མ་བསླུས་པས་བཅོམ་ལྡན་འདས་ཀྱིས་བདག་གི་བསམ་པ་ཐམས་ཅད་ཡོངས་སུ་བསྐང་བའི་སླད་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་
D157.058.0301b06.01བསྟན་ཏོ། །དེ་ནས་འཁོར་དེའི་ནང་ན་བྱང་ཆུབ་སེམས་དཔའ་ཁ་ཅིག་འདི་ལྟ་བུའི་སེམས་བསྐྱེད་དེ། མི་འམ་ཅིའི་རྒྱལ་པོ་སྡོང་པོས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་ལས་དང་པོ་བླ་ན་མེད་པ་ཡང་དག་པར་རྫོགས་
D157.058.0301b07.01