完整藏文原文 · 德格版页 当前仅加载第 58 函德格 254b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་གཡོ་བ་མེད་པ། ས་དང་། ཆུ་དང་། མེ་དང་། རླུང་དང་། རི་ལྟར་རྗེས་སུ་ཆགས་པ་དང་། ཁོང་ཁྲོ་བ་དང་བྲལ་བ་བྱམས་པ་ཆེན་པོ་ལ་གནས་ཏེ་འོད་ཟེར་ཐོགས་པ་མེད་པ། སྙིང་རྗེ་ཆེན་པོ་ལ་གནས་ཏེ་སེམས་ཅན་ཐམས་ཅད་ཀྱི་བྱ་བ་གཅིག་ལ་བརྩོན་པ། དགའ་
D157.058.0254b01.01བ་ཆེན་པོ་ལ་གནས་ཏེ་ཆོས་ལ་དགའ་ཞིང་མགུ་བ་དང་ལྡན་པ། བཏང་སྙོམས་ཆེན་པོ་ལ་གནས་པར་བརྩོན་པ། གཉིས་སུ་མེད་པའི་ཡེ་ཤེས་རབ་ཏུ་ཐོབ་པ། འཇིག་རྟེན་གྱི་ཆོས་བརྒྱད་པོ་རྙེད་པ་དང་། མ་རྙེད་པ་དང་། གྲགས་པ་དང་། མ་གྲགས་པ་དང་།
D157.058.0254b02.01བསྟོད་པ་དང་། སྨད་པ་དང་། བདེ་བ་དང་། སྡུག་བསྔལ་ལས་རབ་ཏུ་འདས་པ། ཕ་རོལ་རྒོལ་བ་ངན་པའི་ཚོགས་ཅན་གྱི་ཚོགས་ཐམས་ཅད་ཀུན་དུ་རབ་ཏུ་འཇོམས་པ། བདུད་དང་ཕྱིར་རྒོལ་བ་བཅོམ་པ། ཨུ་དུམ་བཱ་རའི་མེ་ཏོག་མཐོང་བ་ལྟར་ཤིན་ཏུ་འབྱུང་བར་དཀའ་
D157.058.0254b03.01བ། གསོལ་བ་མ་བཏབ་པར་སེམས་ཅན་ཐམས་ཅད་ལ་དགེ་བའི་བཤེས་གཉེན་བྱེད་པ། རབ་ཏུ་ཡོངས་སུ་མྱ་ངན་ལས་འདའ་བའི་བཤེས་གཉེན་བྱེད་པ། སེང་གེའི་སྒྲ་ཆེན་པོ་སྒྲོགས་པ། སངས་རྒྱས་ཀྱི་ཆོས་ཟབ་མོ་དང་མི་འཇིགས་པ་སྒྲོགས་པ། དེ་བཞིན་གཤེགས་
D157.058.0254b04.01པའི་ཕྱག་རྒྱས་བཏབ་པ། མི་འཁྲུགས་པར་ཕྱད་པར་ལུང་སྟོན་པ། ཇི་ལྟར་སྨྲས་པ། དེ་བཞིན་བྱེད་པ། དེ་ཁོ་ནའི་ཆོས་ཀྱི་ཚུལ་ལ་བརྩོན་པ་འོད་ཀྱིས་ཉི་མ་དང་ཟླ་བ་མོག་མོག་པོར་བྱེད་པ། ཕྱོགས་བཅུར་སྒྲ་བསྒྲགས་པ། སངས་རྒྱས་ཀྱི་ཆོས་ཐམས་ཅད་ལ་སེམས་པ།
D157.058.0254b05.01ཆོས་དཀོན་མཆོག་གི་མཛོད་ཡང་དག་པར་འཛིན་པ། དཀོན་མཆོག་གསུམ་གྱི་རིགས་མི་གཅོད་པར་ཡིད་ལ་བྱེད་པ། སངས་རྒྱས་ཀྱི་ཞིང་མཐའ་ཡས་པ་འདའ་བ་ལ་མཁས་པ། ཤིན་ཏུ་རྣམ་པར་ཕྱེ་བ་རྣམ་པར་འབྱེད་པ་གནས་པའི་བློ་དང་ལྡན་པ་མཐོང་བ་དང་། ཐོས་
D157.058.0254b06.01པ་དོན་ཡོད་པས་རྣམ་པར་གནོན་པ། རྟག་པར་རྒྱུན་དུ་སེམས་ཅན་ཡོངས་སུ་སྨིན་པར་བྱེད་པ་ལ་བརྩོན་པ། ཤེས་རབ་དང་ཐབས་ལ་མཁས་པའི་མཆོག་ཐོབ་པ། སེམས་ཅན་ཐམས་ཅད་ཀྱི་དབང་པོ་མཆོག་དང་མཆོག་མ་ཡིན་པ་ཤེས་པས་ཅི་རིགས་པར་ཆོས་སྟོན་པ།
D157.058.0254b07.01