完整藏文原文 · 德格版页 当前仅加载第 58 函德格 257b 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་སྤྱོད་པ་ཤེས་པ་ལ་འཇུག་པར་མཁས་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་རྒྱུ་དང་དབྱེ་བ་དང་། ལས་ཀྱི་རྣམ་པར་སྨིན་པ་ལ་འཇུག་པ་ཤེས་པ་ལ་བརྗེད་པ་མ་མཆིས་པར་སྤྱོད་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སྦྱིན་པའི་རྒྱན་གྱིས་
D157.058.0257b01.01བརྒྱན་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་ཚུལ་ཁྲིམས་ཀྱི་རྒྱན་གྱིས་བརྒྱན་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་བཟོད་པའི་རྒྱན་གྱིས་བརྒྱན་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་བརྩོན་འགྲུས་ཀྱི་རྒྱན་གྱིས་བརྒྱན་པ་
D157.058.0257b02.01རྣམས་ལགས། ཇི་ལྟར་ན་བྱང་ཆུབ་སེམས་དཔའ་བསམ་གཏན་གྱི་རྒྱན་གྱིས་བརྒྱན་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་ཤེས་རབ་ཀྱི་རྒྱན་གྱིས་བརྒྱན་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་ཚངས་པའི་ལམ་ལ་མཁས་པ་རྣམས་ལགས།
D157.058.0257b03.01ཇི་ལྟར་ན་བྱང་ཆུབ་སེམས་དཔའ་མངོན་པར་ཤེས་པ་ལས་མི་ཉམས་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་གཡུལ་ལས་རྣམ་པར་རྒྱལ་བ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་རྒལ་ནས་ཕ་རོལ་ཐང་ལ་གནས་པ་རྣམས་ལགས། ཇི་ལྟར་ན་
D157.058.0257b04.01བྱང་ཆུབ་སེམས་དཔའ་ཉན་ཐོས་དང་། རང་སངས་རྒྱས་ཐམས་ཅད་དང་། སེམས་ཅན་ཐམས་ཅད་ཀྱི་སྤྱོད་ལམ་ཡང་སྟོན་ལ་མཚུངས་པར་སྤྱོད་པར་ཡང་རྣམ་པར་མི་རྟོག་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་འཁོར་བ་ལ་ཡང་ལྟ་ལ་མྱ་ངན་ལས་འདས་པ་
D157.058.0257b05.01ལ་ཡང་མི་གནས་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་ཁམས་སྣ་ཚོགས་ལ་ཡང་རྣམ་པར་ལྟ་ལ་ཆོས་ཀྱི་དབྱིངས་ལས་ཀྱང་མི་གཡོ་བ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་དོན་ཡང་མི་འདོར་ལ་གནོད་པར་ཡང་ཀུན་དུ་གདའ་བ་རྣམས་ལགས།
D157.058.0257b06.01ཇི་ལྟར་ན་བྱང་ཆུབ་སེམས་དཔའ་བསོད་ནམས་ཀྱི་ནོར་དང་ལྡན་ལ་ཐབས་ཀྱིས་ནོར་མ་མཆིས་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་ཨ་ཞེས་བགྱི་བའི་སྒོས་རྣམ་པ་མ་མཆིས་པའི་སྒོར་འཇུག་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སངས་
D157.058.0257b07.01