完整藏文原文 · 德格版页 当前仅加载第 58 函德格 275a 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་བ་དང་། ཐམས་ཅད་མཁྱེན་པའི་སེམས་བསྐྱེད་པར་སྦྱོར་བའི་སྒྲ་འབྱུང་ངོ་། །སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་ཀྱི་སྒྲ་འབྱུང་ངོ་། །བྱམས་པ་དང་། སྙིང་རྗེ་དང་།
D157.058.0275a01.01དགའ་བ་དང་། བཏང་སྙོམས་ཀྱི་སྒྲ་དང་། དྲན་པ་ཉེ་བར་གཞག་པ་དང་། ཡང་དག་པར་སྤོང་བ་དང་། རྫུ་འཕྲུལ་གྱི་རྐང་པ་དང་། དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། ལམ་དང་ཞི་གནས་དང་། ལྷག་མཐོང་དང་། བསམ་གཏན་དང་།
D157.058.0275a02.01རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པའི་སྒྲ་འབྱུང་ངོ་། །མི་རྟག་པ་དང་། སྡུག་བསྔལ་བ་དང་། བདག་མེད་པའི་སྒྲ་འབྱུང་ངོ་། །སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དང་། མངོན་པར་འདུ་བྱེད་པ་མེད་པ་དང་།
D157.058.0275a03.01སྐྱེ་བ་མེད་པ་དང་། འབྱུང་བ་མེད་པ་དང་། དངོས་པོ་མེད་པའི་སྒྲ་འབྱུང་ངོ་། །བྱང་ཆུབ་སེམས་དཔའ་སྡེ་སྣོད་ཀྱི་ཆོས་ཀྱི་རྣམ་གྲངས་དང་། གཟུངས་དང་རྡོ་རྗེའི་ཚིག་དང་། འཁོར་གསུམ་ཡོངས་སུ་སྦྱོང་བའི་སྒྲ་འབྱུང་ངོ་། །ཕྱིར་མི་ལྡོག་པའི་ཆོས་ཀྱི་འཁོར་ལོ་རབ་ཏུ་བསྐོར་
D157.058.0275a04.01བའི་སྒྲ་དང་། ཆོས་ཐམས་ཅད་ལ་རྣམ་པར་གདོན་མི་ཟ་བའི་རྒྱལ་པོའི་ཏིང་ངེ་འཛིན་གྱི་སྒྲ་དང་། རྒྱ་མཚོའི་ཕྱག་རྒྱའི་ཏིང་ངེ་འཛིན་གྱི་སྒྲ་དང་། ཆོས་ཐམས་ཅད་ལ་ཡང་དག་པར་གཞོལ་བའི་ཏིང་ངེ་འཛིན་གྱི་སྒྲ་དང་། ཆོས་ཐམས་ཅད་ལ་དབང་བྱེད་པའི་ཏིང་ངེ་འཛིན་གྱི་སྒྲ་
D157.058.0275a05.01དང་། རྣམ་པར་བཀོད་པའི་ཏིང་ངེ་འཛིན་གྱི་སྒྲ་དང་། རིན་ཆེན་སྒྲོན་མའི་ཏིང་ངེ་འཛིན་གྱི་སྒྲ་དང་། རིན་ཆེན་འབྱུང་གནས་ཏིང་ངེ་འཛིན་གྱི་སྒྲ་དང་། རིན་ཆེན་བརྩེགས་པའི་ཏིང་ངེ་འཛིན་གྱི་སྒྲ་དང་། ཉོན་མོངས་པ་སྤོང་བའི་ཏིང་ངེ་འཛིན་གྱི་སྒྲ་དང་། དགའ་བྱེད་ཏིང་ངེ་
D157.058.0275a06.01འཛིན་གྱི་སྒྲ་དང་། པད་མ་བཀོད་པའི་ཏིང་ངེ་འཛིན་གྱི་སྒྲ་དང་། པད་མ་བླ་མའི་ཏིང་ངེ་འཛིན་གྱི་སྒྲ་དང་། ནམ་མཁའི་མཛོད་ཀྱི་ཏིང་ངེ་འཛིན་གྱི་སྒྲ་དང་། ཐམས་ཅད་ཀྱི་རྗེས་སུ་འགྲོ་བའི་ཏིང་ངེ་འཛིན་གྱི་སྒྲ་དང་། དམ་པའི་ཆོས་པུཎྜ་རཱི་ཀའི་ཏིང་ངེ་འཛིན་གྱི་སྒྲ་དང་།
D157.058.0275a07.01