完整藏文原文 · 德格版页 当前仅加载第 58 函德格 295a 版页；藏文 NFD、目录标记与异常页序保留在来源切片中，重复版页行以稳定序号区分。
བུད་མེད་ཟབ་མོ་ལ་མོས་པ་ཡིན་ཏེ། དེ་གཟུགས་ལ་དབུ་བ་རྡོས་པ་ལྟ་བུར་སོ་སོར་རྟོག་ཀྱང་གཟུགས་ཀྱིས་རྒྱགས་ཤིང་མྱོས་པར་མི་འགྱུར་བ་དང་། ཚོར་བ་ལ་ཆུའི་ཆུ་བུར་ལྟ་བུར་སོ་སོར་རྟོག་ཀྱང་བདེ་བའི་ཚོར་བ་ལ་རྗེས་སུ་ཆགས་པ་མེད་པ་དང་། སྡུག་བསྔལ་གྱི་
D157.058.0295a01.01ཚོར་བ་ལ་ཁོང་ཁྲོ་བར་མི་འགྱུར་བ་དང་། བདེ་བ་ཡང་མ་ཡིན་སྡུག་བསྔལ་བ་ཡང་མ་ཡིན་པའི་ཚོར་བའི་ཀུན་ཏུ་གཏི་མུག་པར་མི་འགྱུར་བ་དང་། འདུ་ཤེས་ལ་སྨིག་རྒྱུ་ལྟ་བུར་སོ་སོར་རྟོག་ཅིང་བུད་མེད་ཀྱི་འདུ་ཤེས་མི་སྐྱེད། སྐྱེས་པའི་འདུ་ཤེས་མི་སྐྱེད་པ་དང་། འདུ་བྱེད་རྣམས་ལ་ཆུ་
D157.058.0295a02.01ཤིང་གི་ཕུང་པོ་ལྟ་བུར་སོ་སོར་རྟོག་སྟེ། འདུ་བྱེད་ཐམས་ཅད་ལ་སྙིང་པོ་མེད་པར་རྟོགས་ནས་འདུ་བྱེད་ཐམས་ཅད་ལ་མི་གནས་ཤིང་དེ་ལ་ཆགས་པ་མི་སྐྱེད་པ་དང་། རྣམ་པར་ཤེས་པ་ལ་སྒྱུ་མ་ལྟ་བུར་སོ་སོར་རྟོག་སྟེ། སེམས་དང་ཡིད་དང་རྣམ་པར་རིག་པ་དེ་སྒྱུ་མ་བྱས་པ་བཞིན་དུ་རྟོགས་
D157.058.0295a03.01ནས་ཆོས་ཐམས་ཅད་ལ་ཆགས་པ་མེད་ཞེ་སྡང་མེད་གཏི་མུག་མེད་པ་དང་། ལུས་ལ་འབྱུང་བ་ཆེན་པོ་བཞི་དང་ལྡན་པར་སོ་སོར་རྟོག་སྟེ། འདི་ལྟ་སྟེ། སའི་ཁམས་དང་ལྡན་པ་དང་། ཆུའི་ཁམས་དང་ལྡན་པ་དང་། མེའི་ཁམས་དང་ལྡན་པ་དང་། རླུང་གི་ཁམས་དང་ལྡན་པར་ལུས་
D157.058.0295a04.01ལ་སོ་སོར་རྟོག་གོ། །ལུས་འདི་ནི་བསྡུས་པ་རྩྭ་དང་། ཤིང་དང་། བོང་བ་དང་། རྩིག་པ་དང་། མིག་ཡོར་ལྟ་བུ་སྟེ། འདི་བདག་མ་ཡིན། སེམས་ཅན་མ་ཡིན། སྲོག་མ་ཡིན། སྐྱེས་བུ་མ་ཡིན། གང་ཟག་མ་ཡིན་གྱི་ཕྱིན་ཅི་ལོག་སྔོན་དུ་སོང་བས་རྒྱུ་དང་བྱ་བ་དང་། ལས་
D157.058.0295a05.01ཀྱི་བྱུང་བའོ། །གཞན་ཡང་བུད་མེད་མིག་ལ་ཁ་ཟས་ལས་སྐྱེས་པ་ཤའི་གོང་བུ་ངོ་བོ་ཉིད་ཀྱིས་སྟོང་པ་རང་བཞིན་གྱིས་དབེན་པར་ཡང་དག་པ་ཇི་ལྟ་བ་བཞིན་དུ་སོ་སོར་རྟོག་པ་དང་། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ལ་ངོ་བོ་ཉིད་ཀྱིས་སྟོང་པ་དང་། རང་
D157.058.0295a06.01བཞིན་གྱིས་དབེན་པར་ཡང་དག་པ་ཇི་ལྟ་བ་བཞིན་དུ་སོ་སོར་རྟོག་པའོ། །གཞན་ཡང་བུད་མེད་ལུས་ལ་གཟུགས་བརྙན་ལྟ་བུར་འཇུག་པ་དང་། ངག་ལ་བྲག་ཅ་ལྟ་བུར་འཇུག་པ་དང་། སེམས་ལ་སྒྱུ་མ་ལྟ་བུར་འཇུག་པའོ། །སྲིང་མོ་དག་ཆོས་འདི་དག་དང་ལྡན་ན་བུད་མེད་བུད་མེད་ཀྱི་
D157.058.0295a07.01